منتدى عالم الأسرة والمجتمع - تعالوا سمعوا الخطابة شنو سوت لي؟؟؟

منتدى عالم الأسرة والمجتمع (http://www.66n.com/forums/index.php)

- المطلقات والأرامل والمتأخرات (http://www.66n.com/forums/forumdisplay.php?f=36)

- - تعالوا سمعوا الخطابة شنو سوت لي؟؟؟ (http://www.66n.com/forums/showthread.php?t=145651)

تعالوا سمعوا الخطابة شنو سوت لي؟؟؟

السلام عليكم..

خواتي وأخواني كلكم تعرفوني..

أنا أختكم غزالة البوادي..

في مواضيعي السابقة قلت لكم إني باروح حق خطابة..

وبالفعل رحت..

المهم إتصلت لي وقالت..

ان في شخص زين..

ونفس المواصفات اللي تناسبني..

قلت لها أوكي..

أتفقت معاها.. أني ألاقيها يوم الجمعة..

لأني الأيام العادية مابقدر..

لأني أخلص دوامي الساعه 6 المغرب..!!

المهم قالت لي أوكي..

فإنتظرتها يوم الجمعه ما اتصلت؟؟

أتصلت فيها ما شالته..

قلت يلا عسى المانع خير..

في الليل اتصلت لي..

تعتذر بأنها ما قدرت وما ادري شنو؟؟

قلت يلا ما في مشكلة..

قالت لي متى تقدرين أجوفج؟

قلت لها ما أقدر إلا الويك إند..

قالت ما تقدرين قبل..

قلت لها وايد الوقت ضيق بيكون..

المهم..

قالت لي أوكي..

وطبعا هي عطتني مواصفات الشخص..

وعمره.. ووظيفته.. وراتبه..

يعني المعلومات الأساسية..

أنا وايد مشغولة في الدوام..

خبركم أشتغل قسم علاقات عامة وأعلام..

يعني كل اشغال الشركة في قسمي..

فنسيت موضوع الخطابة..

بس الصاعقة جاااات هني!!!

0

0

0

0

0

0

0

0

0

0

0

بعد أقل من أسبوع..

الصبح وأنا توني وصلت الدوام..

جاني رقم غريب على الجوال..

فرديت عليه!!

كان رجل..

قال: صباح الخير..

رديت: صباح النور!!

قال: ((فلانـــــــة!!))..

قلت: من؟؟؟ (بحزم.. وعصبية شوي).. هذا أسلوبي نحو الغرباء!!

قال: أنا فلان؟؟

قلت له: أي فلان؟؟

قال: فلان من صوب الخطابة فلتااانه!!!!!!!

ومن الصدمة..

ما عرفت شنو أقول؟؟

شنو أسوووووي؟؟

شلون جذي!!!!!!!

(( تخيلوا القصة.. راحت عطت الشاب رقم جوالي؟؟)) >>>> ناس ما عندها ضمير!!

حبيت اقول لكم قصتي.. بس عشان تحطون بالكم..

وحاسبوا ترا مو كل وحدة عندها ضمير؟؟

تالمت وااايد من اللي سوته فيني هاذي؟؟ الله يسامحها.. شلون تصرفت هالتصرف؟؟

تعطين شاب غريب رقم جوالي؟؟ وما تراعي مشاعري.. ولا تحترم نفسها!!

حاااسبوا يا بنات.. ولا تثقون بأحد..

وتحملوا بروحكم..

الله يرزقنا بالازواج الصالحة..

ويبعدنا عن هالأشكاال..

دعواتكم لأختكم.. تراني محتاجه دعاء يخفف علي ألم الصدمة..

شكرا لمروركم..

عليكم السلام ورحمة الله وبركاته

حسبي الله ونعم الوكيل

غيري رقمك ياغزالة وإنتبهي على نفسك ولا تثقي بأي أحد

إعتبريها تجربة وأكيد إستفدتي منها ووكلي أمرك لربك

بإذن الله هو وحده من يعلم بحاجتك للحلال وسيرزقك قريباً بإذنه تعالى .

لا حول ولا قوة إلا بالله

أختي

ترا أنا مازلت غير مصدقة الموضوع

يعني يمكن هي أعطت رقمك لهذا الشاب لأجل يكمك ويخطبك ......طبعا هذه غلط والمفروض ما تسوي كذا

بس ما جا في بالي شي مو أخلاقي ...

طيب إيش قال لك الشاب بعد كذا ؟؟ ولا إنتي قفلتي على طول

أمر ثاني أختي وأسمحي لي

ليش ما ترجعي تكلمي الخطابة ... أتمنى ترجعي تكلميها وتقوليلها هذه الجملتين بس

كما تدين تدان ... والله ياخذ حقي منك

صراحة حركتها تنرفز إللي ما يتنرفز

الله ينصرك عليها يارب

بعد عمري انتي فديتج والله صدقتي والله المفروض مانثق باحد صحيح هي ليش تسوي جذي

تصرفها مره غريب وتصرف مافيه لاتفكير ولاعقل بعدين اختي جربي غيرها موكلهم نفس بعض ولكن خذي الحذر واستفيدي من تجربتك السابقه

الله يحميك .. إمكن هي قصدها تتفاهمون بشكل سريع .. بسسس غلط إنها تعطيه رقمك ..

طيب هل هو كرر إتصالاته عليك !!!

نعم ممكن جدا تعطيه رقمك , وسوتها خطابة بقريبتي , وقامت قريبتي ودقت عليها وهاوشتها , وقالت لها لاعمرك تعطين رقمي أحد , أشوى ماعاد عطت رقمها أحد

فعلا ناس ما عندها ضمير ..

نصيحتي غيري رقمك ..

وربي يعوضك خيراً منه ..

لأن الرجال خصوصا احنا الخليجيين ..

عندهم نظره خاصة للوحده اللي تكلمهم قبل الزواج

ومن دون علم أهلها .. يعني نظره فيها نوع من الشكوك ..

لذلك .. اصرفي النظر عنه ..

وإن حسيتي ان الرجال ما فيه مشكلة وخسارة تضيعيه ..

قولي له : اعطيك رقم الوالد وانت تفاهم معاه ..لأني ما أقدر اتفاهم معاك مباشرة ..

ووضحي له بأن الخطابة استعجلت وعطتك رقمي .. وأنا ما أرضى بهذا الشيئ ..

الله يهون عليك كل عسير

ويرزقك ويرزقنا جميعاً الأزواج الصالحين

.
.
.
.
.
.

بنان

اتمنى اختي تردي على الخاطبة وتتصلي فيها لانه الي سوته ماله مبرر ولو بحسن نية
وبعد تخلي حد من اخوانك يتصل على الرجال ويخبره انه الخاطبة تصرفت من عندها ولا احد اذن لها

فعلا ناس ماتخاف الله:( انا صار لي نفس الموقف وياليت كنت ادري والا حتى انا اللي طلبتها كانت مدرسة عندنا بمعهد وطلبت رقم الجوال على اساس تعطيه الاداريات استغربت في البداية لانهم مايطلبون من المدربات ياخذون ارقام لكن ماتوقعت شي سيء واعطيتها الرقم وللاسف الاقي رجل متصل علي بعدها بيوم يقول عن طريق الخطابة فلانة ناس ماتخاف الله تلعب باعراض الناس لمصالحها

لا حول و لا قوة إلا بالله

الله يعينك ،، و يرزقك بالزوج الصالح عاجلاً غير آجل