|
ارجو المساعده فى صنع كوشه
زواج اختى قرب وبدانا نجهزها ونتجهز للزواج لكن و الدى الله يسامحه رافض نسوى لها كوشه لخسارتها وما منها فايده لكن احنا نبغى نسوى لها شي ولو بسيط من صنع ايدينا علما ان الزواج بيكون فى البيت والحوش يعنى اعطونى فكره كيف يسوون الممر والكوشه وكرسى العروسه كيف نزينه واذا عندكم افكار بسيطه نسويها فى الزواج علما ان الزواج شبه عائلى وفى منطقه بسيطه جدا ارجوكم ابغا ردودكم ودعواتكم
|
السلام عليكم ورحمة الله وبركاته..
أختي أسهل شي يكون عندك ستيج حتى لو صغير لو للكرسي لتكون على مرتفع والخلفية تكون مرره سيمبل إذا كان عندكم شي مو عارفة كيف اسميها بشرحها لك مثلاً المناظر الأنتيك أو الا تكون على قماش بس تكون كبييييرررة تستخدم كخلفيات في التصوير وبالمساحات الواسعه بالبيت وطبعا الكنب أو الكراسي أو الأريكة تكون مناسبة لنمط الخلفية إن شاء الله تكون وصلت الفكرة وعذراً على الاطالة بالتوفيق والله يتمم لها على خير وعقبااالك |
جزاك الله الف خير اختى على الرد عند الوالد الله يحفظه جلسه من حديد وكبيره انا شفتها مناسبه للكوشه وفكرتها زى فكرة السرير مربعه وحاطين عليها جلسه عربيه ويجلسون عليها الرجال فى العزايم يعنى اقوى من الخشب الى يسوونه للكوش ان شاء الله فهمتو ياجماعه ولا تحرمونى من افكاركم
واذا حطينا كنبه ممكن اغطيها بقماش حرير او الافضل شيفون والممر بسويه اعمده وازينه بالشيفون والورد الصناعى وممكن اللمبات الصغيره وش رايكم بلييييييز ساعدونى |
اولا الله يوفقها يارب
أما بالنسبة للكوشه خليها بسيطه وناعمة حطي كرسين (على حسب الوانهم )تقدرين تنسقين الوان الحرير او الشيفون مثلا اذا الكرسين بيج نسقي معاهم عنابي مثلا او حسب رغبتك بشكل مثل الستارة وخلي على الجوانب سلة ورد ويفضل طبيعي ان شاء الله فهمتيني وخليه مرة طويل ونازل على تحت الي هو القماش وبعدين حطي طاوله قدامهم عشان تحطين التورته والعصير ولا تنسين المسكه خليها نفس لون القماش والكنب |
اكثر من عشرين زياره ورد واحد فقط والله انى صادقه معاكم واحتاج تجاوب انا حقيقى احتاج تفاعل وافكار مو دلع والزواج قريب ابغا افكار قبل الموعد علشان استعد واشترى اللوازم
|
الله يرزقك السعاده يالحن السعاده اااااااامين
وقصدك اعلق القماش على شكل ستاره مفتوحه طيب كيف اعلقها |
اقتباس:
بقولك بس بشرط ترجعين وتكتبين وش يصير معك اي بعد الزواج :) انا صراحه مافهمت الي تقولين مرة الي هو الحديد بس ممكن تبدعين فيها تغطينها بقماش غامق وقبل كذا بموكيت عشان ماتعورهم:) انا لو اعرف ايش الوانك كان قدرت اساعدك اكثر القماش الي قلت لك يصير على شكل ستارة تثبتيها بعواميد مثل عواميد المرمى وتحطي اقماش ع شكل الستارة وتثبتي الجوانب بسلة ورد واي سؤال انا جاهزة بس ان تيسر لي الدخول لاني مشغولة في الايام القادمه |
بصراحة فكرتك عجبتنى مره وبحاول اطبقها مجسم صغير اذا زبط معايه بسويه ولك منى كل الشكر والتقدير وان شاء الله بعد الزواج برد منك اش سويت
|
خذي صندوق خشب قديم ...
وسلاسل الى يبعوهم وشموع ,, مفـــارش يكون لونها عنــــابي .. او بنفسج.. مع كرسي بيج .. جمعي اشيــاء قديمه مثلا .. الله يووفق |
بملكتي شفت كوشة مرة حلوة بمحل كوش لكن سعرها كان مبالغ فيه بالنسبة لشكلها الناعم والبسيط وممكن انتو تسونها هي عبارة عن شيفون ابيض مثل الستارة وانوار صغيرة صفراء ورا الشيفون وكانت الكوشة مزينة بالورد الطبيعي واذا عندكم كرسي ملكي لو نه ذهبي او عنابي تطلع الكوشة حلوه هاذي الفكرة موجودة باغلب محلات الكوش بس اسعارها مبالغ فيها هي بسيطة وممكن تتسوى بالبيت باغراض بسيطة وما تكلف شي اتمنى اني اكون افدتك و تكوني فهمتي شرحي الله يوفقكم ان شاء الله |
| الساعة الآن 10:57 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©