|
(مصدومه) تعالوا بسرعه وربي قرار مصيري ساعدوني
انا سبق وكتبت مشكلتي http://www.66n.com/forums/showthread.php?t=144832 لقيت تفاعل طيب جدا جزيتم كل خير وكتبتها في الرسايل الخاصه ولكن للاسف مالقيت رد وانا ما اقدر اصبر اكثر اللي استجد اني سويت شغله ما ادري صح او لا سويت ايميل ثاني واوهمت اخوي اني رجل ومن مركز امني (عالي جدا) وانه قيد المراقبه (وعلشان اخليه ما يشك فيني قلت انت وغيرك قيد المراقبه) الولد صدق وخاف وارتبك وصار يستحلفني انت مين وكيف عرفتني وخاف الله لاادعي عليك ومن هالكلام المهم فيه شي خوفنييييييييييييييييييييييييييي خوفنييييييييييييييييييييييي خوفنييييييييييييييي موت قال (كلها شهر واطوي ملف فلان الفلاني (اسمه هو ) وانهيه ونهائيا) قلت شنو ! تموت نفسك؟ قال الايام تفهمك وتثبت لك انا ميته خوف لا يسوي بنفسه شي متهور مجنون اعرفه اقسم بالله اكتب وكلي رعب المهم انا تداركت الوضع وقلت له ابي التقيك(وانا قبل كنت اقول مستحيل تشوفني وتعرفني) (ابي افهم فكرتي صح والا لا؟ اخاف يتعقد مني كل ما يشوفني يحس نفسه مفضوح قدامي ) واتفقت معاه على اساس عصر الثلاثاء بس خفت ولا رحت وصار يكتب رسايل والله تحزن وينك تركتني للهم وصار يدعي علي بس خلاص قررت بكره التقيه اهو للحين مفكرني رجال مو اخته كتبت له قبل شوي رساله اني ابي اقابلك بعد 8 ليل(من باب شد انتباهه وعلشان يزبط الشق الثاني من الفكره ) اللي هو اني بأطلبه العصر اروح معاه مشوار ولا بيرفض اهو قصدي اروح معاه لمطعم او مقهى وبكون محضره كتب ونصايح لهالشغلات وافاجئه اني انا صاحبة الايميل واني ما بكشف امره وبموووووووووووووووووووت بهذا السر بس اهو يصير رجال (انا قمت اخاف لا يكون مريض والا شي من هالخرابيط علشان تشذيه يقول اطوي الملف) انا خايفه موت دخليتكم لا تتركوني ردوا علي مابيه يفكرني اتلاعب فيه ابد وش الحل؟؟؟؟؟؟ |
يابنتي صارحي أخوكي ولو انه بيزعل منك ثم يرضى
|
اعتقد انها فكره سديده ان تلتقيه
ويتفشل ويعرف انه انكشف قدامك ولا يتفشل ويفشل اهلك كلللللللللللللللللللهم دنيا وآخره الله يكون في العون |
والله ماأدري ياأختي بس ياليتك شاورتِ أحد مختص قبل تسوين هالحركة !!!!
أحس بتعقدين الولد منك وبيصير بينكم فجوة كبيييييييرة بسبب تصرفك ... حاولي تستشيرين أحد ضروري .. خذي رقم أي مختص أو شيخ تربوي ودقي عليه أو طبيب نفسي شاوريه .. |
حبيبتي مصدومه انتي ليش تبي تروحي وتتفاهمي معاه ثقي تماما متى عرف انك انتي رح يعاند بزيااااااااااااااااده لا تقولين انك انتي الي تتحدثين معاه على المسن
انتي ابقي معاه على الخط وخليكي بنظره الرجل القوي مو المرأه الضعيفه الي ممكن يعاندها ويقول لها انا حر انتي مالك شي عندي ما تخافي على اخوكي مارح يعمل بنفسه شي ان شاء الله بس هو مجرد تهديد منه وضغط عليكي علشان يعرف مين انت وباين عليه ذكي ل ابعد الحدود اكبر غلط انك تواجهيه لانه النصيحه بهذا الشي بزيد الطين بله حبيبتي قولي له ما اقدر اجي على الموعد وخترعي لك حجه وبنفس الوقت اذا انت حسستيه انك تكرهينه هيك رح ينفر منك وما يتقبل اي نصيحه منك انتي لازم كل فتره تجلسي معاه تعطي الاشياء الي دفعته انه يعمل كل هذا خارج البيت يمكن بعد الفتاه المخطوبه عنه هو الي جعله ينحرف لهذا الطريق علشان كذا حسسيه انه كبر وانكم تبون تدورون له على عروس (طبعا هذا وانتي شخصيه اخته) وبس تتكلمي معاه على المسن افهمي منه ليش عمل كذا وقولي له اذا بعطيكي اسباب مقنعه وتحلو المشكله سوى انك ما بتخبري عنه (طبعا وانتي بشخصيه الرجل) وهذا بكون نص الحل يعني قفي بقربه من بعيد لبعيد وما اعتقد اخوكي حابب المعصيه واكيد عارف انه غلط وحابب يتركه لكن كوني عون له من بعيييييييييييييييييييييد على ترك هذه الاشياء يعني انتي قريبه منه وبعيده بنفس الوقت يعني بس يكلكمك على المسن ويعدك انه يفعل كذا وكذا(من افعال خير ويبتعد عنها) (قولي له وانت بشخصيه الرجل انني محتار فيك تفعل ما تفعل وتذهب لصلاه الفجر جماعه ؟؟ اجعليه يتوه بين الاسئلتك ولااااااااااااا تنفري منه حتى لا يعلم انك انتي واخيرا لو صارحتيه ما اعتقد بسمع كلامك وبعمل لك مشكله كبيره وبتسيري عدوته مو اخته الله يوفقك للخير وطمنينا شو بسير معك ترى انا وقعت بنفس مشكلتك مع اخي وبنفس عمر اخاكي ولكن انا الان بطريق لحلها ان شاء الله في رعايه الله |
السلام عليكم اختي
مدري بصراحة على اللي سويته ... وش راح تكون رده فعله.. يمكن نتايجها اكبر بعدين ما يثق في اقرب الناس له واللي هم اخواته واهله ... نصيحتي انك تتكلمي معه في الايميل وتصارحيه على الاشياء اللي يسويها ولازم يبطل هالشي خوف من الله قبل الخوف من الأهل .. وتذكريه بالعواقب اللي ممكن تصير عليه في المستقبل سواء في الجانب الجسدي والنفسي والصحي ... خليه يفتح قلبه لك عبر الايميل ويثق فيك ... وخلي الالتقاء بعدين قولي له انك جاتك سفر مفاجي واختفي كم يوم وارجعي له.. خليه يثق فيك ويفتح لك قلبه بالايميل .. وتعرفين كل شي عنه وتخليه يحكي لك كل شي .. وعقبها بعد مدة ارسلي له ايميل ولا برسالة جوال من رقم جوالك انك اسم الشخص هذاك وانك عارفه من اول عليه وماراح تخبرين احد وراح توقفين معه للاخير وراح تستري عليه لانك اخته الكبيرة وتبين مصلحته .. واهم شي تحاااااااااافظي على السرية في هالموضوع قدامه ... واهم حاجه انك ما توضحي اللي سويته انه من باب خوفك عليه مو من باب لعب وتسلية عليه ... مدري هذا اللي اشوفه ... والافضل انك ترسلي مشكلتك الى اخصائين نفسين ولا تتصلي على اي احد .. فيه في جريدة عكاظ الاسبوعية اللي تصدر كل جمعة في الصفحة الاخيرة .. فيه رقم للدكتور ميسره طاهر وفيه ايميله وفاكسه .. يمكن يعطيك حلول افضل مننا .. الله يوفقك يارب بكل ماهو خير ... وطمنينا عليك ... |
طيب ياحبيبتي مافي حل الا انك تكلمين شيخ من هالى ارقامهم ماشاء الله منتشرة
والارجال صالح تقي وقوليله الموضوع ويكلم اخوك ويفهمه وهم دايما يحبون عمل الخير لاتسكتين عن كلمته لانه جد يمكن يذبح نفسه والايعمل بروحه شي وبعدين ماراح تنامين من ضميرك اتصلي على احد المشايخ الحين بدون تردد واحكيله كل الموووووووضوع راح اتابع ردودك لين ان شاء الله تنحل المشكله يارب بقرب وقت |
أنا مع غموض السنين
لا تواجهيه انت صدقيني بيعاند أكثر لازم تكلمين شيخ والشيوخ بيتسترون عليه وهدديه إن الهئيه لو تمسكه بتحوله لهئية التحقيق وبينفضح ومن بعدها بينسجن بس اهم شئ لا تعلمينه إنه أنت لانه بتخرب كل الخطه واذا ممكن يسمحون برسائل خاصه كان عطيتك ايميل أحد أقاربي رجل صالح وتخصصه في هذا المجال الله يهديه يااااااااااااااارب |
لا أنصحك بالكشف عن هويتك امامه لان نتائجها ستكون عكسية عليكما.
يمكنك وبأسلوبك إما الاستمرار ضمن حدود لا تؤثر على شخصيته ,او التوقف بعد ارسال رسالة ختامية عن ترك العمل والحصول على فرصة ببلد بعيدة مع الاعتذار له ان بدر شيئ اساءله شخصيا او فكريا. مع الانتباه منك لعدم التطرق لما قاله سابقا. |
خوفتووووووووووووني
وبطلت التقي فيه وكتبت له مسج ان فيه ظروف منعتني من اللقاء وسنكتفي بالنت للفتره الراهنه الله المستعان |
| الساعة الآن 10:04 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©