|
ارجوكم الكل يدخل تزوجني بالسر وبعد سنة ونص يخيرني اما الصبر او الطلاق
السلام عليكم ورحمة الله وبركاته
اخواني اخواتي كيف الحال ان شاالله بخير ماكنت اظن يوم اني راح اكتب لي مشكله واي مشكه ,مشكلة حياة وعمر ويترتب عليها امور كثيرة بصراحه انا اكتب وانا في ضيق وهم مايعلمه الا رب العباد وانتم اسرتي الثانيه وما عهدته منكم اخوان واحباب وحبكم تواسون تنصحون تدعون لبعض أنا و زوجي من بلد واحد مشكلتي اني تزوجت من رجل احسبه والله حسيبه فيه خير رجل محافظ عاقل طبعا انا الزوجه الثانية عنده زوجتة الأولى وعياله تزوجني لأسباب بحكم عمله انه يفتن ويحتاج زوجه ثانيه تزوجني بعد اختيار وتمعن اني الزوجه المناسبه زواجي كان بالسر والسبب طلب من أهلي يكون فتره بسيطه بالسر لأن عنده ظروف خاصه الرجال لنا الظاهر مثل ماذكرت رجل محافظ وخلوق فتم الزواج بعد زواجي بفتره خبرني انه عنده زوجة ثانيه ومتزوجها بالسر يعني انا الثالثه وبعد فتره طلقها لأنها استمرت معه سنتين ثلاث تقريبا وصار بينهم مشاكل انا الأن لي معاه سنة وكم شهر ولآن تزوج علي تزوج مسيار ويقول لأن هذي مناسبة لظروفه ولا تبي اعلان ولآن يخيرني لك الخيار تستمرين معاي وانتي صابره وساكته ولا روحي لأهلك يعني (يطلقني) بعد زواج سنه ونص تقريبا جاي يقول ماراح اعلن ولك الخيار والله ماكنت مقصره معه وقايمه بواجباته والحمدالله مااقول هذا امتدح نفسي لكن احد يقول يمكن انت قصرتي او او او ادري مافي احد كامل كنت اراعي ظروفه ومااحاول اضغط عليه لو احتاج مستشفى -سوق-اروح اي مشوار اهلي اللي هم يقومون بهذي الأمور تنازلت عن اشياء كثيره سنه ونص وانا انام كل يوم انام لحالي اغلب الوجبات اكلها لحالي مااحد يشاركني وتحملت وصبرت واقول كلها يابنت وفتره انا ادري اني وافقت من البداية اتحمل نتيجة قراري ماعندي مشكله وتعدى الأمر لما تزوج علي قلت اصبر واحتسب لكن اتفاجأ معاملته تغيرت اسلوبه وحكيه تغير يوم بعد يوم بعد يوم صار جاف بأسلوبه جيته الزوجة الحنونه العاقله وش فيك ياابو فلان وش متعبك وش مضايقك وش المشكله ماجيته المعاتبه الشاكية المتذمره حاولت اعتذر له يمكن ضغوط عمل او مشكال اخرى لكن الاقيه يصارحني ان محبته لي قلت ومايدري وش السبب وانه يخيرني اصبر بدون اعلان او يطلق طيب تزوجت ليش تطلقني ؟؟؟؟؟؟ يقول ماجا منك تقصير ولا بدر منك غلط لكن هذي حياتي انا ماانكر زوجي فيه صفات حسنه لكن موقفه وش يثبت لي !!! وللكل والله يااخوان يسوي تصرفات خلاص مثل اللي يبي يسحب نفسه انا احس عافه الخاطر احس بقهر نار جواتي والله صبرت واللي قاهرني اني ماكان عندي مشكله او ظرف يخليني اتزوج بالسر لكن احنا وثقنا فيه انها فتره ويعلن لا اعتراض على قدر الله قدر الله وماشاء فعل والله لما تزوج صحيح اني تألمت وحزنت لكن فكرت في حال الكثير اللي ماتزوجوا وهذا احد الأسباب اللي ثبتتني محتاجتكم والله محتاره احس ضاقت بي الدنيا الحمد الله على كل حال والله يااخوان صبرت قبل زواجي وصبرت بعد زواجي وعانيت من زوجي والى الأن وانا صابره والحمدالله الفضل لله سبحانه لتثبيته لي لكن راح من عمري واطلق من غير سبب واي ذنب اقترفته احتاج نصايحكم وتوجيهاتكم ودعواتكم |
الله يهديه بس ( رجل مزواج ) من غير مراعاة لمشاعر زوجاته
صحيح الله أحل له أربع لكن مو بالطريقة هذي يتزوج وبعد سنه يطلق ؟ وبالسر؟ لاحول ولاقوة الا بالله عموما أختي طالما أنه رجل محافظ وخلوق على حد قولك واصلي الصبر وتوكلي على الله وابقي معه من رأيي ألا تطلبي الطلاق ولاتتركيه يطلق قدر استطاعتك هذا نصيبك ومالك فيه خيار وصدقيني هذا حال كثير من الزوجاااااااااااااااااااااااااااات الآن لست وحدك إصبري والله جل وعلا وعد الصابرين بالخير والفلاح في الدنيا والآخرة حال الدنيا وانا اخوك لازم نصبر بقاؤك مع زوج محافظ خير من الطلاق وفقك الله |
اقتباس:
اخي الكريم الله يجزاك خير لما الأمر يصل لحد الأهانه يتزوج ومن ثاني يوم خبرني بزواجه مبسوط ويضحك وبعدها بكم يوم يخيرني لما شاف نفسيتي تعبت يقول لي استخيري اذا راحتك عندي او عند اهلك ليش استخير ؟؟؟ انا ماراحت زعلانه عند اهلي ولا طلبت الطلاق رجل محافظ وخلوق!!! لكن معاملته تغيرت معاي والله ياخوي يبيني اروح لأهلي كل مره والثانيه يفتح معاي الموضوع استخيري وانا تراي ماني معلن ابدا بتصبرين كيفك لما تحسنت نفسيتي وغير معاملته للأسوأ الرجل عند كلمته لما جا يخطبني ولآن عرف انه مايقدر يعلن لكن مثل ماقلت مزواج وانا اختك صبرت بس هو ماعجبه صبري |
معليش زوجك فية خبث صحيح انكم على خطاء عندما وافقتم على كتمان الزواج لأن كل شي يتخبى الا الزواج ولكن اللي راح راح اهم شي اليوم.
زوجك يبي الطلاق يجي منك هذا اللي فهمتة من تصرفة يعني هو يلح على موضوع الاستخارة لعل وعسى ان تطلبي انتي ذلك ربما لدية اسباب لن تعلميها الا بعد ان تطلبي الطلاق !! |
هو واضح يبي يطلق بس يريد الموضوع يجي منك
وواضح انه هداه الله مزواج على غير اسس ولا مراعاة والدليل الزواج الذي قبلك والزواج الذي بعدك انا رأيي تحسميها معه ( هل انت لا تريديني ام انك لا تريد الاعلان لفترة اخرى يعني هل توعدني ان تتحسن الاوضاع ويتم الاعلان ) اسأليه سوال صريح وبهدوء لان الطلاق اختي اهون في نظري من المهانه والكدر وانك تعيشي امرأه شبه المعلقه ولان تعيشي متكدره قليلا وانت مطلقه وترجين زواج جديد موفق يعوضك عن زواجك الاول اهون من انك تستمري تعيشي مكدرة دون وضوح لمستقبلك وان شاء الله ربي يرزقك خير منه وما اكثر من توفقت في زواجها الثاني واستخيري الله وادعيه لانه بصراحه يذكرني ببعض الرجال الذين اسمع عنهم هدفهم الحقيقي وبنسبة 80% جنسي الله يدل على الخير |
اقتباس:
وخطأنا من البدايه اما اسبابه واضحه رجل سنة سنتين ويطلق ويتزوج من جديد صدقيني مع زوجته الثانية اللي طلقها قال نفس الأمر بعد سنه من زواجي معها حسيت ان اني ماابيها وحبي لها يقل يوم عن يوم الى ان طلقها حسبي الله ونعم الوكيل |
اقتباس:
مثل ماذكرت يبي الأمر مني واذا السؤال سألته بداية كان يقول مااقدر اعلن واما الأن يقول مااقدر اسعدك اذا بتصبرين ولأفضل تروحين لأهلك والله ادري ان الطلاق اهون من عيشي مهانه عند شخص مايقدرني ووالله الطلاق في حد ذاته مئلم وصعب علي احدد مصيري الله يامرني ويجزاك الجنه على دعواتك الطيبه |
اختى الحبيبه
قرات كلماتك وشعرت بان سكينا ينغز فى صدرى كان الله فى عونك وانا ارى انه لا حل سوى المواجهه اما بالنسبه لمشكلتكفارجو ان يراها رجال ونساء المنتدى ممن ينادون بالتعدد انا لا اعترض على التعدد ولكن اعترض على اشباه الرجال ممن يعددون كان الله فى عونك ووفقك الى كل ما يحب ويرضى |
اقتباس:
الله يجزاك الجنه على دعواتك الطيبة يااختي مااعترضت لما تزوج لكن يتزوجني من البداية وهو يكذب هدفه المتعه وبعدها يطلق عشان مايعلن والله احس بألم جواتي فضيع انصدمت فيه الزوج والحبيب والعاقل الحكيم كنت احسبه وهو ومن مثله أخذوا التعدد للمتعه ولفتره وانا ومن مثلي ممن يتساهلون ويتنازلون سمحنا لمثل هؤلاء الرجال لمثل هذا الزواج الحمدالله لنا رب حكيم عزيز جبار الله يكتب لي ماكان فيه الخير والصالح اللهم آآآمين |
اقتباس:
ربما موضوع زواجه اثر بكى وجعلكى تضعينه تحت الميكروسكوب لهذا انصحك ان تواجهيه وتدققى جيدا لان الطلاق ليس بالامر السهل ولكن دعينى اهمس فى اذنك انك اذا قدر الله لكى الطلاق وان شاء الله لن يحدث او سيقدر الله لكى الخير لا تحزنى على زوج كهذا ابددددددددددددددددددددددددددا وارجو ان تعلم كل امراءه انه لا يصلح ان يعدد كل رجل وليس التعدد لكل الرجال والا لما قال الله ولو خفتم الا تعدلوا فواحده وذلك لان الله يعلم ان الكثير ليس لديهم تلك القدره كان الله فى عونك وطمنينا عليكى |
| الساعة الآن 04:30 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©