منتدى عالم الأسرة والمجتمع

منتدى عالم الأسرة والمجتمع (http://www.66n.com/forums/index.php)
-   المقبلين على الزواج (http://www.66n.com/forums/forumdisplay.php?f=7)
-   -   العريس يدخن .....!! (http://www.66n.com/forums/showthread.php?t=146207)

HARD-GIRL 27-10-2007 07:02 PM

العريس يدخن .....!!
 
بسم الله الرحمن الرحيم

شلونكم اعضاء وعضوات ... اما بعد

انا بدخل الموضووع على طول

انا تقدم لي شاب طيب وخلوق وكل المواصفات إلى تمنيتها لقيتها فيه وصارت الرؤية الشرعية وتم القبول من الطرفين لكن الشاب يدخن وانا ما احب السجائر وتلوع كبدي منها وما اقدر استحملها مدة طويلة بس اهله قالولي انه من زمان ناوي يقطعة وقاعد يفكر بالموضووع وهم بعد ودهم ان يقطعة وانا بالنسبة لي دام انه عند استعداد ان يمتنع عنها قادرة استحملها فترة علبال ما يقطعها فأنا وافقت لأن مومعقول اهد كل المواصفات الزينة علشان سيجارة لكن بنفس الوقت احس ان السيجارة إذا ماقطعها بتدمر حياتنا لأنا من كل النواحي مضرة موبس له ولي وللاولاد بالمستقبل فأنا خايفة ان بعد فترة وايهدها ويتم فيها او انه يتركها فترة ويرجع لها

فأنا مترددة اقبل ما اقبل ما ادري والرجال بيون يوم جم يوم وانا مازلت:24: خايفة وميتة من الرعبة

وارجوكم افيدوني يجزاكم خير

سؤال ثاني لماذا ياتي الرجال الى بيت العروس ؟؟؟


وشكرا


الرجاء الكتابة باللغة العربية الفصحى


الاشراف : تم تعديل العنوان ليتناسب مع الموضوع

HARD-GIRL 27-10-2007 09:16 PM

بليز ساعدوني قولولي شسوي انا تعبانة نفسيا

ابو فراس النمري 27-10-2007 09:27 PM

حياك الله اختي ..

وياليت تكتبين مشكلتك باللغة العربية الفصحى افضل لأن الكثير لن يفهم اللهجة المحلية التي تتكلمين بها ..

بالذات يوم تقولين :

(سؤال ثاني لما يجون الريايل شنو يسون بالظبط يعني ليش يجون الريايل علشان شنو ؟؟؟ )

احس ان اللي بيجاوب على هذا السؤال لازم يكون عنده دكتوراه في اللغة :d

No#1 27-10-2007 10:10 PM

اقتباس:

سؤال ثاني لما يجون الريايل شنو يسون بالظبط يعني ليش يجون الريايل علشان شنو ؟؟؟
علشان يشكلون ضغط على ابوك ويستحي منهم و يوافق

بالنسبة للتدخين اشرطي شرط انه يتركه مادام انه خلوق وطيب

مبتسمة وكلي جروح 27-10-2007 11:29 PM

بالتوفيق الله يكتب لك الخير يارب
 



ان سألتوا عنه وسمعت كل خير اسالوا جيدا لمدة اسبوعين او شهر المهم اسالو زين مازين عنه
وان وجدتم ان ايضا يحافظ على صلاته وانســــــــان معروف بحسن الأخلاق ويصلي
ويذكره الرجال بخير فلا مانع وافقي وبدون تردد عليه
ليس كل مدخن سيء إلخ

HARD-GIRL
اعذريني ماعندي وقت اشرح واطول اسال الله لك التوفيق
وان شعرتِ بالتردد عليك الاستخاره لمدة اسبوع ثم قرري فورا
وبعدين الامر يرجع للقناعة الشخصي للبنت بنسبه لي عادي يدخن وغير ملحتي
المهم عندي يصلي مع الجماعه شرط الزاميا محافظ عليها ومشهود له بالسمعه الطيبه إلخ

موفقه ان شاء الله

(:
مُبتسمة وكلي جروح















عدد المتصفحين لهذا الموضوع: 6 (5 عضو و 1 ضيف) :d :) :25:
:25:
مبتسمة وكلي جروح, 2×2, ALASSER_77, العزيـــزة, MANET

HARD-GIRL 28-10-2007 12:24 AM

انا اسفة على اللغة التي هي ليست فصحا
وشكرا لكم على الردود والمساعدات بس الموضوع صار بسرعة وأنا لا اعرف أي شيء عن طريقة الزواج وشلون

بس إلي أعرفة ان ملتزم ويصلي بمسجد والكل يمدح فيه انه طيب وخلوق والوالد ارتاح منه يقول ان ما عنده خرابيط
الموضوع ماصار له اسبوع وهذا الأربعة الرجال بيحضرون بس لا أعرف شنو يسوون وانا خائفة ان مايترك الزيجارة مع انه قال ان هو يريد ان يتركها بس الزجارة بتجلس مدة أخاف تضعف عزيمته وما يتركها

وشكرا

مبتسمة وكلي جروح 28-10-2007 01:38 AM

خليك خير معين له انه يتركها مع الايام بعد الزواج .. ولامانع من كتابه شرط في العقد انه يترك الدخان اغلب الشباب الي يدخن السبب نفسيا 80% إلخ
وايضا تطلبين منه وشرط ان لايدخن امامك ولا في البيت <<اعرف متزوجات كذا مايدخن عندها ابدا وهذا الشرط يخليه ايضا تدريجيا يتركها للابد ارضاء لزوجته
ولامانع اهديه كتيبات ومقالات مدعمه بالصور عن اضرار الدخان
وزيارة الجمعيات والمراكز التي تحارب الدخان وتساعد الشباب في تركه

المهم بعد السؤال جيدا عنه والاستخاره شوفي مدى راحتك له و يبدو لي انك مترددة !لا تحاولي تجبري نفسك على القبول والرضا لأنه

كل بنت عندها مبدأ فيه بنات تشرط شرط ضروري غير مدخن ! الامر يرجع لقناعتك الشخصية ومدى راحتك ورضاك عن الشاب

والله معك

(:

مُبتسمة وكلي جروح

ضاحي 28-10-2007 05:10 AM

اقول وافقي وتوكلي على الله السيجاره مب عيب كبير بالشخص يمكن مع الأيام يتركها

في وقت الخطبه بينيله انه ضروري يتركها عشانج وعشان صحته والعيال وانج ماتتحملين ريحتها

وانج وافقتي بس عشان سمعتي انه بيتركها ........

بعدين بالبدايه يخفف منها ويحط لصقات نيكوتين ويسوي رياضه لانه المدخن مايحس بضرر

التدخين الا يوم يسوي رياضه ويركض لانه يعجز اصلا عن التنفس في الركض فيحس فعلا بالخطوره

على صحته ومن هنا يكره التدخين ويعوفه .........

بس انصحج توافقين الحين عصر فتن مب كل شاب يدخن رفضتوه عز الله بينتشر الزنا

روز الشرقية 28-10-2007 08:35 AM


اذا سألتوا عنه وكانت سمعته طيبه

وتأكدتوا من ان ناوي يقطع الدخان مو بس مجرد كلام

توكلي على الله

انا بالنسبة لي ما اتخيل اني اقدر اعيش مع مدخن لاني انقرف من ريحة الدخان وتلوع كبدي

بس اذا تحسين تقدرين تتحملين الدخان الى ان يقطعه لا تترددين بالموافقة

الله يكتب لك اللي فيه الخير ويوفقك ان شاء الله

فهد هاشم 28-10-2007 08:46 AM

السلام عليكم

ارجوا ان لا يفهم من كلامي بأني داعم لفكرة التدخين ولكن يا اختي لا تنسين انك تتكلمي عن ظاهرة منتشرة في المجتمع .... وانت ما تتكلمي عن سلوك غير سوي او تصرف غريب...


وترى في عيوب اكبر واعمق من ان يكون الزوج مدخن او لا !!! مثل الامراض المختلفة مثل قصر القامة مثل مكان سكن الزوج قد يكون بعيد عن اهلك مثل سوء الخلق... كثيييير

تحياتي للجميع


الساعة الآن 04:30 AM.

Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©