|
حياه ابنائي بعد طلاقي !!! قساوه اب!!!
السلام عليكم ورحمه الله وبركاته
لا اعرف كيف ابداء واكتب مابداخلي لكني قررت الكتابه واتمنى الرد بكلمه حقا وخصوصا من الاباء المطلقين بعدانفصالنا بأشهر عادوا لي اطفالي لانهم مازالو بسن الحضانه والسبب انه ردهم لي علشان يرضيني وارجع له ولكن ها الشي كان مستحيل جاء اكثر من مره علشان يحاول يرجعني وفي كل مره الله يبين لي شي وكل مره يجي البس الاولاد علشان يشوفهم يعتذر ويقول نفسياتهم بتتعب اخر مره كان الوالد معصب ورفضه وهو طلب الاولاد يشوفهم في نفس اليوم طبعا بعد طلب مني له انه لمى يجي يشوف الاولاد علشان نفسياتهم تعبت واشتاقوا له خرج وماعاد جاء بس اتصالات من هنا وهناك علشان نرجع وطبعا مستحيل لاني لم اعد احل له وهو رافض الا نرجع وخصوصي بعد ماحاول يتزوج وانرفض اكثر من مره لكن الشي الاهم والشي الي ابغى مشورتكم فيه فقط هو (((((اولادي))))) فقدوه وانا احس فيهم اساسا من يوم جوني الى هاليوم ماقد كلمهم الا 4مرات في 10 شهور حتى العيد ماعايدهم ولاسال ولاارسل عيديتهم حتى اهله مسوين فيها زعل على ايش علشان مارجعت له معقوله وين قلبه عارفه انه للاسف سيء لكن وين احساس الابوه الكل عايدهم كل ماشافو اباء عيال اخوالهم طالعو وبنظره انا وحدي احس فيها حتى سوال مايسال مصروف مايصرف لايقول ما عندي راتبه فوق الريح واصل ماله عذر وين الرجوله و الشهامه وين الاهتمام لومرضوا؟؟؟ هو على باله اني بانذل وبترجاه مستحيييييييييييييييييييييييييل وبعدهالفتره كلها يقول للناس حرموني منهم اجي للبيت وجدهم يطردني ومايخلني اكلمهم ودق قبل كم يوم عالبيت ويقول والله اني حارمها منهم زي ماحرمتوني منهم قلناله كلمهم طيب سكر وماعاد دق انا اعرف ابوي اكثر منه واعرف ان قلبه طيب ولاهو من هالنوع انا رافضه ياخذهم لكن يبي يشوفهم يكلمهم محد قال شي هو ناوي من اول ما انفصلنا انهم مايجلسوا عندي ابد تصورا يقول تشوفينهم زيارات بس يومين ثلاثه علشان نفسياتهم والحين راميهم ولاسال ويقول ماراح اصرف عليهم بريال واحد ولدي الكبير راحت عليه الدراسه هالسنه ولاهو مفتكر كل اوراقهم عنده مدري وش هالقساوه تاكدلي 100%انه اكذب رجل عرفته وماعاد عندي ثقه فيه ولايمتلك صفات الرجوله نص خلافاتنا كانت بسبب الاولاد عذره خوفه عليهم وهالحين مهملهم وعايش حياته هنا مشكلتي !!! لو انهى كل اموري وجاء علشان ياخذهم هل اعطيه اياهم ؟؟؟ عارفه انه راح يرميهم عند جدانهم ولايسال فيهم ويكونو لا ام ولا اب ؟ صحيح جدانهم يحبوهم وراح يعيشوهم بهدوء واستقرار ويدرسوهم بس انا راحمتهم يتيتمو واحنا احياء!! مع اني ما ادري هم يبغوهم اولالكن ابوه قالي اول ما انفصلنا الاولاد راح يعيشوا عندي يكونو بمدينه وانا وابوهم منفصلين بنفس المدينه مو تقهر؟؟؟ واخاف اتمسك فيهم واخليهم عندي وطبعا هنا لازم تدخل المحكمه ولمى اوصل لها يقوموا يروحو لابوهم لانهم يحبوه بس للاسف هو ماقدر حبهم له و يفرق بينهم بالحب علشان ايش ؟؟؟علشان الشبه تتصوروا!! افكاري مشتته ادري ان اللي ربي كاتبه راح يسير ولا املك لهم سوى الدعاء يارب فرج همومنا جميعا واجعل ذريتي من خيره عبادك الصالحين وردهم اليك ردا جميلا وردهم الي ردا جميلا ولاتحرمني منهم في الدنيا و الاخره واجمعني واياهم ووالدي وكل من قراها وجميع المسلمين في الفردوس الاعلى في جنات النعيم |
الله يفرج همك أقرأ مشكلتك وافكر في ولدي لو اطلقت اش اسوي معاه
يارب ارحمنا برحمتك ياارحم الراحمين |
الله يفرج همك
والله مدري شقول الشرهه على اهله الي ماسنعوه وحرصوه على عياله |
عادي ياقلبي
ولدي جلس خمس سنين ابوه ماشافه لاسأل عنه وبالاجازه الي راحت اصريت يجي ياخذه وجاء اخذه اسبوع ولدي عمره خمس ونصف ومن ذاك اليوم مايدق يسأل عنه بس الولد يدق على ابوه يكلمه وحتى بالعيد ماكلمه الولد نفسيته متأثره لكن مااقول الا حسبي الله ونعم الوكيل والله يسخره لولده |
الله يفرج همك ويعينك ويحمي أطفالك ياارب
|
اقتباس:
مشكوره عالمرور والله يخليلك ولدك ولايحرمك منه |
اقتباس:
الله يجزاك الجنه وفعلا لو كل اهل علموا اولادهم وعاقبوهم على تصرفاتهم السيئه بعدزواجهم كان يمكن تعدلوا بس ما اقول حسبي الله ونعم الوكيل |
اقتباس:
الله يكون بعوننا بس انا لايمكن ادق عليه ليش هو مايسال عنهم فواتيره ب4 و5 الالالف ولا كلف نفسه مكالمه ماتخسره ريال بعدين لمى هما كانوا ياخذو اولادي مني في مشاكلنا السابقه ولاعمرهم رفعوا علي سماعه وخلوني اكلمهم |
ربنا يفرج همك ويبارك لك فى ذريتك
|
وعليكم السلام ورحمه الله وبركاته
الله يعينك حبيبتى اكثرى من لاحول ولاقوه الا بالله العلى العظيم وحسبى الله ونعم الوكيل وصلى فى اخر الليل وادعى محد يفرجها غيره سبحانه الله يفرجها عليك وعلى كل مكروب يارب الله يعطيك العافيه ويعينك ويقدرك على المسؤليه الى عندك لك فائق احترامى |
| الساعة الآن 04:41 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©