|
ماذا تفعلين أيتها الزوجة عندما ترين زوجك في مهموم من العمل ومتعب ومرهق جداً؟
نداء إلى جميع الزوجات للمشاركة ماذا تفعلين حينما ترين نصفك الاخر وهو كئيب وحزين ومهموم ومتعب جدا من كثرة العمل لديه هذه الفترة لدرجة ان ليس له نفس ان يتكلم في اي شي ماذا تفلعين وقتها ؟
|
اول شي بييبله جلاص ماي وبعدين بهيئله جو مريح وبخليه اشوي ينام عشان يرتاح و وبعدين بيي عنده وبسأله شو فيك شو اللي مضايقك
|
اجيبله عصير برتقال و اجهز له حمام دافيء مريح للاعصاب
و اقعد اسولف معاه عن اشياء مختلفه عشان تتغير نفسيته شوي و بعدين اساله ايش صار ايش فيك ؟ و اذا في مجال نطلع سوا طلعنا و بعدين اساله ايش فيك و كذاا ؟؟ |
انا اول شي زوجي من النوع الي يفضفض مايسكت مستحيييييييييل
يعني ياخد له ساعة او نص ساعه يهدر يهدر على راسي واسكت عنه اخلي يطلع كل الي بقلبه بدون نقاش واذا طلب راي ماكون بصفه او بصف شغله احاول اهدأه واقول له انت الحين ارتاح وخلي الشغل بمكان الشغل وانساه واعرض عليه جلسه مساج واحممه في البانيو وبعدها اسوي له عصير طبيعي باارد او سلطة فواكه وانيمه يقعد شوي يتذكر السالفة بس وقعها اقل على نفسه |
طيب انا معاكم واذا كان هو بعيد عنك وماتقدرين تتكلمين معاه إلا بالتلفون شنو تسوين وشنو الحل برأيك وشنو التصرف الصحيح
|
آآآه ضربتي على الوتر الحساس
انا زوجي كل اسبوع او سبوعين اجوفه ينزل لي بلدي في عطلة نهاية الاسبوع ولما يجي اسوي له هالشي وباقي الايام اتكلم معاه بالتلفون احاول اسمعه واخليه يفضفض وارسله رسايل غرامية ومساندة له احاول احسسه اني جنبه بكل وقت اصحيه وقت الدوام ووقت الصلاة وهو بعد يسوي لي هالشي الاقيه ينسى همومه احسسه اني مهتمه بكل كلمة يقولها وبكل مشكلة تصادفه اذكره برب العالمين وانه امتحان وصبره اقوى يعني احاول اخفف عنه بس احرص عليه يقرى المعوذين والاذكار ويحصن نفسه عن الهم والغم واذكره وواكرر بطلبي عليه بالتصدق لانه ترفع البلا الصدقة بمعنى مختصر احتويه عنده دفتر يكتب يومياته والمشكال الي تصير لانه مو كل شي نقدر نقوله بالتلفون التكلفة غالية من بلد لبلد ولمن يجيني اخذ الدفتر هذا واحاول اقتبس وارد على اليوميات اذا كان عندي حل وبنهاية كل يوم من اليوميات اكتب له دعاء الحين صار الدفتر العادي دفتر الكتروني بمعنى يطرشه لي ملف واعرف كل شي واحاول اشاركه في همومه واطرشه له مع ورده قبلة ودعاء حسيت خفف من ضغطه وايد |
اذا هو بعيد عنك
حاولي تهديه و قوليله مو مشكله ترى زعلك ما يسوى و كم كلمه حلوه منك بس اهم شيء انك تسمعي له و تحاولي تلاقيله حلول اذا المشاكل تنحل و اذا ما تنحل صبريه و قوليله كلام حلو ( اهم شيء ) اهم شيء كمان انك تكوني قريبه منه جدا و ما تخليه ينحاس بنفسه ابدا لانه الرجل يحتاج زوجته جنبه |
بستقبله بالاحضان ... كالعاده
وابتسامتي ع وجهي حتى لو كان غير مرتاح لاي شي واكيد اجهز له غداه وبعدها فراشه عشان يرتاح ولما اشوفه استرخى عالفراش اجلس يمه .... واحسسه بالامان وان الدنيا مو مستاهله زعله وبعدين اترك له حرية الاختيار بين انه يرقد ويرتاح ولما يقوم من نومه يفضفض او يفضفقض لي ويرتاح وبعدها ينام .... واكيد بعد مايفضفض لي ... احتويه بصدري الحنون وانسيه التعب وساعة التعب واحاول اضحكه |
بس هو مابيحكي لكني بكون حاسة فيه
|
معناتها اساليه بطريقه حلوه بس م تزني عليه ( تكرري السؤال 100 مؤه ) لا يعني اساليه اشفيك صوتك متغير لا يكون احد زعلك ؟؟؟؟
|
| الساعة الآن 10:24 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©