|
ماأحب ام زوجي 00 بس لازم احبها كيف؟
السلام عليكم
امه طيبة معاي وماشفت معها يوم اقشر وتحشمني مرة وتهتم فيني لكن مااحب نظراتها ماتريحني ابدااا عندها بنت قريبة من عمري وماتزوجت قلت يمكن تقارن بيني وبينها من ناحية الشكل واللبس وتغار وانا من النوع لمااروح لأهل زوجي اكشخ واتضبط00 تغيرت قلت يمكن تنبسط لما تشوف شكلي عادي وماصرت البس مثل اول يعني شكلي يطلع عادي لما اروح لاهله مافيه فرق بيني وبين بنتها الا الشكل والجسم والله لبسنا متقارب وحسيت انها مبسوطة بس دايم تقولي ليه ماتدقين علي ليه ماتكلميني علما بأني اروح لها اسبوعيا يعني ماله داعي ادق! ادق شقولها؟ هي حرمة كبيرة بالسن ماتجي سوالف بينا! دايم تحسسني بأني مقصرة معاها احيانا تدق تسلم علي عشان تفشلني لأني مادقيت عليها مع اني ارى انه ماله داعي ادق عليها وانا اسبوعيا اشوفها واسأل ولدها اللي هو زوجي عنها يوميا اهديتها هدايا اكثر من مرة احس انها تحبني لكن تبغى تقوى العلاقة بيني وبينها اكثر وانا مابغى هالشي انا عندي قاعدة عامة مع الجميع ان اي انسان فيه صلة قرابة بيني وبينه لازم تكون علاقتي معه سطحية اتقاء للمشاكل صراحة اشيل هم لما اروح لهم انزعج من نظراتها وانحرج ع فكرة هي ماهي سهلة يعني تعطيني كم كلمة من تحت لتحت بس انا بتسم بوجهها واسكت حتى زوجي ماقوله كل ماتضايقت من تصرف شفته منها اقول بنفسي هي جايبة ولدها لي المفروض احطها فوق راسي:22: والحمدالله معاملتي معاها تمام التمام اخاف اصير اكرهها00 ماحبها بس ماكرهها ودي احبها والله ودي بس كيف؟ |
بدينا ياشوبارد !!
هذا وهي طيبة تشتكين منها !!كيف لو كانت من الحموات المتسلطات؟؟ |
فيها تسلط بس على خفيف
ياختي شفيك علي ضيقتي صدري ترى هي ماتدري عن شعوري غصب عني والله غصب اااااااه اشوف امي مع حريم اخواني ياحظ حريم اخواني في امي انا ماكرهها بس ماحبها تعرفين ليه ماتستمر على تسلطها ؟لأنها تشوفني عادي ابتسم واسكت واتقبل كلامها بصدر رحب وانا من جواتي اشتعل نااااااار حتى زوجي لما يفتح موضوع عن امه وربي ماقد قلت شي عنها بس امدحها واكيد يوصل الكلام لأمه عاد هي تستحي وتقفل الموضوع عرفتي؟؟ يعني هي مهي سهلة بس فيها خير ودين بنت حلال ماظلمها بس فيها شوي وشويات |
السلام عليكم ورحمة الله وبركاته
وما المانع في ان تحددي يوم بالأسبوع للإتصال عليها. هكذا انت تزورينها مرة اسبوعياً وتكلمينها مرة أيضاً فتصبح المسافة بين المرتين لا تزيد عن 3-4 أيام. في الحقيقة هي لم تطلب طلب غير طبيعي. ارجو ان تعيدي النظر في قاعدتك عن اتقاء المشاكل فهذه والدة زوجك وليست اي من الأقارب حتى تساوينها بهم. تشتكين وهي طيبة حسب كلامك كيف سيكون الحال لو كانت متسلطة. ارسل لك حماتي اسبوع حتى تعلمي قيمة طيبتها! لا تخسري طيبتها. بالتوفيق ان شاء الله. |
شوفي قلبي استمري على اسلوبك
وهي مع الوقت بتتعود عليك هي تحول تغيرك بس انت استمري كذا شوفي اهم شيء بعلاقتك باهل زوجك يكون كلامك حلو معهم طبعا علاقه سطحيه بذون ذكر اي شيء يخص علاقتك مع زوجك عندهم كانك ماتعرفين وين زوجك حتى لو يسالونك وينه قولي مادري وينه طالع اذا قالو معقوله ماتعرفين قولي ولزم اعرف انا ماسالته وهو ماقال لاتتشيكين عندهم حيل اذا كانت ام زوجك كذا بذات اذا زوجها موجود لانه اي كلمه زينه بحقك من زوجها بتغار اذا رحتى زياره هم سوالفي معه سوالف عامه قصص اهم شيء لاتقولين شيء عنك ولا اهلك اذا فيه حدث بيت اهلك عام وعادي الناس تعرفه مثل زواج ولاده سفر قولي له كانك توك تعرفين حتى لو كان الخبرعندكم من شهر كانك تعلمينه من باب التقدير هي بتفرح اذا قالو كلمه ذب اذا من خالتك اسكتي كانك مافهمتي قصده وخليك على طبعك لاتغيرين شيء لان فيه يذبون بيغيرون بطبع زوجات عيالهم انت ماعليك خليك على طبعك ولا تجلسن تعتذرين منه بكل شيء تتعودين لزم بكل شيء تدورين لك عذار اهم شيء لاتسمع منك كلمه مو زينه او تمسك عليك شيء خلى الابتسامه هي طريقتك وفكري انه ام زوجك وغير كذا مو بالبيت عندك يعنى مابتظرك بشيء ومهيب شينه لو تكلمينه بنص الاسبوع مكالمه خفيفه سلام ومع السلامه هي بتفرح فيه وانتى مابتضرك هذا الى بالي الان واذا ذكرت شيء رجعت ايه صح لاتجلسين سوالف وضحك مع زوجك قدام اهله ويفضل يكون عند اهله كانك حرمه غريبه عنه ياكثر هذري وفكاري احسه مو مرتبه بس انتى رتبيه |
شوبارد
انتي يلزمك حماة متسلطة :d عشان تقدري قيمة حماتك :29: والله في حموات تفتش اغراض مرت ابنها وما تسمحلها تسكر الباب على حالها قولي الحمد لله وحطيها بعيونك واذا بدك قصص اقولك :25: |
أنا لست متزوجا ولكن ماأستطيع أن أقوله ( أكتبه ) أن طبيعة الانسان قد تختلف من شخص لشخص مثلا والدتك ( الله يحفظها ) ممكن بطبعهاإجتماعيه ومرحه .. وحماتك ممكن تختلف بيئتها عن والدتك ، , وأتمنى أن تتقربي منها أكثر ( بدون ان تشعريها باهتمام زائد .. ) وللتذكير : أكثري من الدعاء في السجود وبعد سماع الاذان وفي جوف الليل الاخر وتصدقي فإن الصدقه تطفىء غضب الرب سبحانه وتعالى وان شاءالله نسمع أخبار حــــــــــلوه عما قريب ولاتنســـــــينـــــــــا من الدعــــــــاء :d عزوبي:d |
اقتباس:
فعلا المكالمة لازم ابدأ اكلمها جزاك الله خير |
اقتباس:
الله يسعدك ويخليك لاحبابك |
السلام عليكم ..
اختي اذا انت تشوفين حماتك مره في الاسبوع .. انا ساكنه عندي .. ولدها اللي هو ولدها يقول امي نادره الوجود ما في مثلها في الاذيه .. طووول اليوم وانا رايحه وجايه وهي تسب فيني مع اني ما بيني وبينها ساااااااالفه .. ما اتكلم ابد .. الا اذا فاض فيني .. اقولها لا تسبيني .. تقول لي انا ما اسبك .. زوجي وعيالي والشغالات الكل يسمعها تسبني .. زوجي يقول لها يمه ما يصير تسبين المره .. هذا جزاتها انها خادمتك .. هذا غير البلاوي اللي تسوينها في البيت .. تكفي النجااااسه والعياذ بالله.. خليني ساكته احسن لي .. جابت لي حاله نفسيه .. اهم شي انت تسايسين حماتك .. وتبدين الكلمه الطيبه قبل كل شي .. واضح انك ذكيه لانك ما تجيبين سيره حق زوجك هذا احسن شي مهما كان امه ما يرضى عليها .. وربي يسعدك.. أميرات.. |
| الساعة الآن 07:52 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©