|
بين زوجي..والجامعة..والبيت
بسم الله الرحمن الرحيم
الحمدلله رجعت لكم بعد غياب بسبب مرضي الحمدلله اللي اعطانا الصحة والعافية بدخل بالموضوع انا ليا متزوجة للان حوالي 4 شهور طالبة جامعية وطلبت من زوجي يأجل الزواج بعدالجامعة باقي لي بس سنة رفض بشدة المهم مشى اللي براسه واتزوجنا طبعا بين مسؤليه البيت وانا من النوع مااحب اقصر ببيتي واحبه دايما نظيف ومرتب وبين الطبخ ومسؤليات البيت وبين الدوام بالجامعة والله تعبت اول مرة اقصر بدراستي لدي الدرجة واناالان فترة اختبارات وارجع تعبانة ومو قادرة اذاكر وفكرت اسحب من الدراسة بس والله حرام على اخر سنة وزوجي يباني دايما لابسة ومتشيكة ومايبى يحس باي تقصير وانا مو عارفة اش اسوي والله احترت ولا حتى يفكر يقوم يساعدني باشياء بسيطة يقولي انا ارجع تعبان طيب انا تعبانة اكثر منه انصحوني اش اسوي مع تحياتي :( :( :( |
السلام عليكم
عادي تحملي كلها سنه وتخلصي واذا مره تحسي انك مقصره في بيتك او العكس في جامعتك اسحبي ترم من الجماعه ورتبي امورك وارجعي بعد ماتظبط اوضاعكم لسى عرسان جدد يعني لاحقين |
اذا سحبت ترم مااقدر ارجع اعرف نفسي وكتير بنات سحبوا ترم ومارجعوا كملوا
واغلب الرجال مايحسوا باهمية الدراسة والله ماتعبت 3 سنين عشان اجلس البيت اخر سنة |
وانا كلمته وقلتله قبل الزواج انه لازم نتساعد ولازم يقدر ووعدني انه حيقدر بس اتزوجنا طبعا ولا شي من دا كله
|
ركزي على دراستك كلها كم من شهر ووراح تتتفرغين له طول العمر انشالله
|
لا لا لا لا لا انتبهي تعتذرين من الجامعة خلصي دراستك أحسن لك وارتاحي مره وحدة قبل ما يجون العيال وتنشغلين أكثر بهم .. المفروض زوجك يكون متعاون معك أكثر من كذا .. أنت قولي له بكلام لطيف أرجوك تعذرني عن أي تقصير يصير مني وتسامحني و إنشاء الله إني إذا تخرجت لأعوضك عن أي قصور كان مني وعن كل الأيام اللي فاتت .. الله يكون بعونك وعوني وعون كل متزوجة باقي تدرس وييسر لنا انشاء الله ونتخرج على خير بإذن الله . حبيبتي لازم تصبرين أنا باقي لي سنة من غير السنة هذي وعندي بنت بعد صحيح إني أتعب مره بس الحمد لله على كل حال احنا في نعمة كثير بنات يتمنوها .. وترى كلها سنة وتعدي إنشاء الله ومعك :15: :15: توأم يملون عليكم البيت . |
أنا بالنسبة للي جاتني أيام ماقدرت أرتب فيها وقتي ، لكن بعدها صرت أحافظ على الصلاة في وقتها .. وأحاول قد ماأقدر أخشع فيها .. وبعدها أنحلت كل مشاكلي وسويت لي جدول للمذاكرة والحمد لله الحين صار عندي وقت كثيررر للنت .. الحمد لله كل ذا عشاني صرت أهتمت في الصلاة أكثر من الدراسة ونجحت في الأثنين ، روحي أحضني زوجك وقولي له أنا أسفة وإن شاء الله راح أرتب نفسي ، وأهتمي في الصلاة أكثر وحاولي تخشغي قد ماتقدري .. وقول في السجود ( اللهم لاتجعل في قلوبنا هموما ً ألا فرجتها ولاذنوباً الا غفرتها ولا حاجة من حوائج الدنيا ألا قضيتها ويسرتها برحمتك ياأرحم الراحمين ) وسوي لك جدول .. ولاتنسي تكثررري من الأستغفار .. قال رسول الله صلى الله عليه وسلم ( من لزم الأستغفار جعل الله له من كل هم فرجا ً ومن كل ضيق مخرجا ً ورزقه من حيث لايحتسب ) .
|
شكرا عزيزتي ام حور كلامك رفع معنوياتي الله يعيننا ويساعدنا
|
ليه ماتحاولي تجيبي خدامه ترتب لك او تخفف عليك شغل البيت ..
انتبهي لدراستك خلاص اخر سنه لكن برضو انتبهي لزوجك .. البسي وتكشخي وأجلي تنظيف البيت لااخر الاسبوع او اوقات الفراغ .. ولاترهقي نفسك بزياده اذا على الطبخ حولي تسوي اكلات خفيفه ماتاخذو قت بتحضيرها وتقطيع الخضار خلي شغالات اهلك يقطعو لك وانتي احفظيها عندك بالفريزر.. الكوي خليه اخر الاسبوع .. ترتيب المطبخ بوقته لاتأجلي شي منه .. حاولي قبل لاتنامي تكون الصاله مرتبه .. وفراشك حاولي ترتبيه قبل لاتطلعي من البيت .. تنظيف الغبار برضو خليه صباح الخميس .. لاترهقي نفسك بالسهر عشان تقدري توفقي بين بيتك ودراستك ونفسك .. الحمامات الله يكرمك خليها يوم بعد يوم يعني 4 مرات بالاسبوع .. المجالس قفليها مايتحاج لها تنظيف كل يوم .. بس اخر الاسبوع تحتاج ازالة الغبار منها .. اما نفسك خليكي دايما لابسه وكاشخه حتى وانتي تنظفي البيت عشان نفسك قبل عشانه .. بس الدراسه حرام تتركيها لانها اخر سنه وان شاء الله تعدي .. |
اقتباس:
جزاك الله خير على النصيحة |
| الساعة الآن 02:49 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©