|
زوج صديقتي تزوج وحده ثانيه
السلام عليكم ورحمه الله وبركاته
صديقتي متزوجه وعندها خمسه اطفال عانت مع زوجها الويل تحملته ولانها تتقرب الى الله بالدعاء لان يهدي الله زوجها تحسن واصبح متفتح اكثر للحياه كان ملتزم بتشدد وشوي شوي تفتح وبدا يفك عن صديقتي شوي احواله الماديه صارت ممتازه وبعد ان تفتحوعرف الرومانسيه وكثرت فلوسه على طول راح وتزوج وحده قد بناته عمرها 19 وعطاها مهر مئه الف وتخيلو زوج صديقتي كان ينتقد اي شخص يحط زواج في قاعه من القاعات الغاليه او الفنادق وهو لان العروس شرطت عليه حفله زواج حط لها حفله زواج في افخم قاعات الرياض ومابقى احد من اقاربه ما عزمهم وامه واخته حضرو الزواج لا وبعد امه موزعه البطاقات وصديقتي اخر من يعلم ما عرفت الا من عمه زوجها وكان له اسبوع متزوج اليوم بروح لصديقتي وش تنصحوني اقولها عشان اخفف عليها المصيبه صديقتي متضايقه لانه فشلها عن الناس وتقول وين هيبته عشان بنت قد بناته تخليه مصخره ويروح يحط له حفله زواج وهو الملتزم الي يخاف الله صار يرمي فلوسه يمين وشمال لا والي قاهرها بعد انه ما احترمها راح وعزم كل اقاربه وامه وابوه واخوانه وخواته حاضرين حسبي الله عليهم |
الله يعينها
مالها الا الصبر |
بسم الله الرحمن الرحيم
اخيتي اسف علي طول ما عرضت ولكني رايت فيها ما يفيد صديقتك ربنا يصبرها يارب ويصلح ذات بينهم الإشراف/ المعذرة منك أختي الفاضلة تم حذف القصة لأن المنتدى الذي نقلتي منه القصة لا يسمح بنقلها لمنتديات أخرى .. |
السلام عليكم الصراحة القصة جميلة جدا وقد استفدت كثيرا وهل الدكتورة موجودة حقيقة اومجرد قصة
|
بسم الله الرحمن الرحيم
عذرا اخي المشرف لكني والله اعلم لم اقرا ان المنتدي هذا والذي لا اذكره لايسمح بنقل القصه وما حدث اني قمت بحفظها عندي في ملف ورد لما فيها من فائده حصل خير شكرا لك اخي |
قوليلها
الحياة ماهي رجل وبس تدمر نفسها وبيتها وحياتها وتخسر دينها عشان رجال لالا خليها تعيش حياتها وتقرأ كتاب لاتحزن بصراحه غير حياتي بنسبة 180 درجه والله معاها ... يمكن سبحان الله خير لها انا زوجي عرف قيمتي بعد ماتزوج علي وحاطني فوق راسه والحمدلله |
الله يصبرها و يربط على قلبها
فعلا الحياة ما توقف عند أقدام رجل .. في البداية بسسس بيطير من الفرح .. لأن كل جديد ممتع .. ومع الأيام راح ترجع الطيور لأعشاشها .. بعدين أصلا هو ماراح يلقى خير من البذخ والإسراف اللي سواه في الزواج خليها تغير من اسلوبها معه .. للأحسن .. وتشغل نفسها بأي شئ مفيد في الفترة الحالية .. حفظ القرآن وهو الأفضل .. زيارات .. أو تسجل في دورة تعود عليها بالنفع .. عشان تبعد وساوس الشيطان عنها وبالتالى يقل اصطدامها بزوجها .. وتقل المشاكل بينهم بسبب موضوع الزواج |
لاحول ولاقوة إلا بالله
هوة في رجال هيك بس يغنى والله يفرجها عليه بنسى صاحبة الفضل عليه بعد الله وبروح يدور عوحدة مفعوصة قد بناته والله شي بحزن كتير نكران جميل حاولي تواسيها وتصبريها بكلام من الله و ايات واحاديث |
الله يكون بعونها وقولي اللي نكر بها ولا قالها عن زواجه وتدري من الناس مايستاهل انك تنقهرين عليه
وراح يرجع لها اخوي سعد احس الرجال اللي عندهم 00000 يعوضون بالكلام ياخي ودك تعرس خذ عشر |
الله يكون في عونها والله صعبة على الوحده انها تكون صابرة على كل شيء في حياتها مع زوجها وهي مبسوطه بكذا وأول ما يجيه الرزق من الله ولو شيء بسيط اول شيء يبدله في حياته هي الزوجه وينسى صبرها معاه في كل حالاته حتى ما يكلف نفسه ويخبرها انه عازم على الزواج اظن ما يكلفه الكثير الله المستعان كان الله في عونها مالها الا الصبر وأسال أن يعوضها خير |
| الساعة الآن 02:52 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©