|
هل هذه الصفة عيب أم ميزه في شخصيتي.. وهل ستتأثر حياتي الزوجية مستقبلاً؟؟؟؟
هل هذه الصفة عيب أم ميزه في شخصيتي
السلام عليكم أنا فتاة وغير متزوجة وفي شي محيرني في شخصيتي وهو أني لا أنجذب بسهولة لأي شخص سواء فتاة أو شاب مثلاً أنا مدرسة وعندي طالبة ماتفرق عني بالسن يعني تقريباً بنفس عمري وهي تحبني كثير بس أنا ما أحبها كثر ماهي تحبني ومثال ثاني عندي زميل بالشغل وهو معجب فيني ويحاول إنه بجذب إنتباهي بس أنا ما أحس بأي شي من ناحيته والسبب هو الخوف من الله واني ماأحب أسوي علاقات مع الشباب والسبب الثاني هو طبعي اللي مايخليني أميل لأي أحد بسهوله يعني تقدرون تقولون إني أفكر بعقلي وبعدين أسمح لقلبي يحب أو لا .. ودرجة حبي لأي شخص تكون على حسب درجة إعجابي فيه هل هالشي راح يأثر على حياتي الزوجية؟؟؟؟ أرجوكم أبي راي الكل وبكل صراحة وماراح أزعل من أي أحد مع العلم إن الناس بشكل عام يشوفوني إني حبوبه وايد وخصوصاً خواتي ومشكورين مقدماً |
السلام عليكم
اختي الكريمه:: الله يحفظك ويحميك عزيزتي وضعك طبيعي جدا هذا انا اسميه الثقه بالنفس واسميه ايضا العين والقلب العفيف انت انسانه عفيفه صالحه انت طبيعيه ورائعه ولاتشيلي هم بالعكس استمري على هذا الطبع ووقت ماتحين ساعة الصفر ساعة دقة القلب بتشوفي قلبك كيف يدق وتحبي وتعجبي بزوجك وحلالك ودائما ادعي ربك اللهم اغضض لي بصري وحصن فرجي واغفر لي ذنبي اللهم ارزقني زوجا صالحا يحبني واحبه يسعدني واسعده اجعله قرة عين لي واجعلني قرة عين له والله يوفقك حبيبتي ويريح بالك ويرزقك ربي الوزج الصالح اللي يخاف الله فيك ويسعدك ويصونك حصنتك بلا اله الا الله |
هذي ميزة ماهي عيب
ماشاء الله تبارك الرحمن |
بالعكــس شي حلوو فيــك...
...ورووح الغاالــي ما قصرت.... اللــه يووفقك ويسعدك.. |
الله يحفظك والله انك اعقل من 100 بنت .........اجمل صفه وخصله في البنت التمنع ...ترا البنت السهله اللي تطيح بسرررعه يطيح كرتها وتطيح من نظر الشاب اللي يرغب بها بسرررعه ..خليك ذهب اصلي !
|
والله طمنتوني بكلامكم كثير الله يريح بالكم ويرزقكم ويجزيكم خير الجزاء
وبمعنى حديث الرسول عليه الصلاة اللي (((معناه))): أحب الأعمال إلى الله سرور تدخله على قلب مسلم... وأنتم ماقصرتم والله انكم أدخلتم السرور إلى قلبي وأسأل الله أنه يجازيكم على هذا الشي.. وألف شكر ل..روح الغالي...ensaaan.....هدوء المشاعر... غزالة دبي |
| الساعة الآن 10:32 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©