|
هل اللي سويته غلط ؟؟ارشدوني
السلام عليكم .. بدخل في الموضوع على طول .. انا ابغى اعرف رأيكم في اللي حصل معايه انا وخطيبي .. يعني ايش رايكم في واحد يقول لخطيبته انه اغلب اصدقائه اللي معاه يعرفوا بنات على زوجاتهم وان الواحد ما يصدق متى زوجته تروح عند اهلها عشان ياخذ راحته !!!!!!!! وانه احيانا هو اللي يطلب انه يوديها لاهلها حتى لو رفضت !!!!!!!!!!!!! طبعا خطيبي لما قال كذا جالس يلمح لي عشان بعد الزواج ما اجلس اقوله ودني ازور اهلي بحكم اني راح اكون في مدينه وهم في مدينه ثانيه .. يعني كانه يقول ترى اذا بتخليني وتروحي لاهلك تحملي مسئولية اللي راح يصير !!!!! ((((( يعني بالله وش رايكم في الاسلوب !!!!!!!)))) طبعا انا لما قال كذا تنرفزت مره بس حاولت ما ابين و قلت والله اكيد هم من الاساس لعابين ويحطوا المسئوليه على زوجاتهم .. المهم قالي يعني انتي ماتغارين عليه قلت لا عادي من ايش اغار .. قام قالي طيب تشوفي بعدين لما نروح السوق مع بعض كيف البنات ينهبلون علي !!!!!!!! انا هنا ما قدرت امسك نفسي فقلت له والله لو انك ( وشبهته بممثل حلو ) هو هنا طبعا انقهر وعصب وصار يقول كلام ماله داعي .. بس انا بصراحه احس اني بردت حرتي فيه لانه قهرني من جد .. المهم انا على طول اعتذرت له لاني حسيته انصدم .. حتى انا والله ماكان ودي اني اقوله كذا بس هو اللي حدني خصوصا اني لما كلمني قلت له ان جدتي تعبانه مرررره واني متضايقه عشانها يعني بدل ما يراعيني يزيدها علي .. (( على فكره انا من النوع الغيور مره يعني لاتحسبوني بارده وهو يبغاني اغار عليه )) بس ما ادري ليه يحاول يستفزني كذا ؟؟؟؟؟؟ طبعا هو للحين مايرد علي والسالفه صارت امس .. وانا بعد ارسلت له مسج اعتذار طويل بعد ما قفل لاني ما احب انه يجي مني الغلط .. ادري طولت عليكم بس مالي الا الله ثم انتم .. يعني الحين هل انا اعتبر غلطانه ؟؟ |
( ممثل حلو ) ...........:11: :11: لو هو قالك : والله لو كنتي مثل ( ممثلة حلوة جدا ) محد يدري عنك .........:29: :29: راح تموتين قهر صح .....:25: :25: |
كذب وصدقتي
|
انا عارفه ان اللي قلته غلط وندمااااااااااااانه قد شعر راسي ولوكان قالي كذا كان انقهرت بعد ..
حتى اعتذرت منه على طول قبل ما يقفل وقلت له ان الممثل هذا والله ولا همني ( وانا صادقه )بس حبيت اقهرك لانك نرفزتني .. بس هو مو اول مره يقولي عن سالفة اصدقائه اكثر من مره قالي اياها يعني وش يقصد بكلامه ؟؟ |
وعليكم السلام ورحمه الله وبركاته
بصراحه يستاهل صح اسلوبك غلط بس يستاهل كلامه ماله داعى الله يعين لاتجلسى تعتذرى كثير الين تحسسيه انك انتى الى غلطانه مو هو هو الى بدء بالغلط وانتى اسلوبك كان غلط فى البدايه صح وبعدين قلبتى الله يوفقك لكل خير ويعطيك العافيه لك فائق احترامى |
اصبتيه بمقتل
أختي الكريمة تقولين لو قال لك الممثلة الفلانية بتنقهرين الموضوع مختلف !!!! أنت بالنسبة له المرأة الوحيدة في حياته ويهتم جدا بأن يكون عندك رمزا للرجولة والفحولة والجاذبية وذلك حصريا لك أنت من دون جميع النساء حتى أمه وأخواته فأنت من سيختبر قدرته الجنسية فلما تقولي أن هناك من هو أفضل منه فقد أصبتيه بمقتل لا أعتقد أنه سينسى هذا الموقف لسنين عديدة أما كلامه هو عن أصدقائه فبايخ ومن غير المفروض أنه يصدر منه وكان عليك انك تخجليه من نفسه مثل قولك حنا لما سألنا عنك مدحوا أخلاقك والمرء على دين خليله فلا أظن ان اصحابك سيكونون سيئين لهذه الدرجة والا ما كنت صاحبتهم وأنت صاحب الخلق والدين، ومن هالكلام. الله يهديه بس هو اللي جابه لنفسه وفقكما الله وأصلح ما بينكما |
http://www.asmilies.com/smiliespic/t...a0asmilies.gif صراحه اسلوب رخيص وغير مقبول ..وباعتقادي بان رد فعلكِ كانت جدا سليمه وفي محلها حيال ثقته الزائده في وسامته ..بل سوف يفكر الف مره حين يحاول ان يطرح اي سوال لمحاوله ان يستفزك لانك سوف تردين له الصاع صاعين .. علما انه من الواجب عليك ان تردي عليه بشان اصدقائه (المملوحين)..حتى ولو لم يكن صادقا وكان يرمي لهدف معين ..هل يرضون ان تقوم زوجاتهم بخيانتهم كما يخونوا زوجاتهم ..الم يسمعوا بالمثل القائل (دقه بدقه ولو زاد لازاد السقاء )..الم يعلمو ان انتهاك الاعراض دين لابد من رده .. http://www.21za.com/pic/salam_kalam007_files/80.gif .. |
الله يجزاكم خير بصراحه ردودكم بردت على قلبي يعني انا ما اتحمل الخطأ كله هو اللي جابه لنفسه ..
على فكره انا اليوم الفجر ارسلت له رساله طويله ووضحت له انه كلامه اللي قاله لي هو سبب المشكله وان محد يقول لخطيبته هذا الكلام وان كلامك هذا كبير ومو سهل .. وان اللي يسووه اصدقائك دليل ان الواحد منهم مافيه خير ولا هو برجال فلا يخلي الزوجه شماعه تتحمل مسئولية اخلاق الزوج .. هاه وش رايكم في اللي سويت !!!!!!!!! |
انا مره سويتها صراحة بس بعد الزواج وزوجي زعل مني مررره بس يستاهل هو اللي جابها لنفسه ..
هو بيزعل بس عادي بيسامحك بس رماراح ينساها ابدا.. انا للحين وانا اعاني منها .. بس خطيبك يستاهل والله ايف نفسه .. المهم الله يوفقك ويسعدك .. بشرينا وش بيصير معاك .. |
على هذا الإسلوب انا شايفتة انه هو يريد يشوف إذا انتي تغارين عليه ولا لأ
وأنا افضل لو انك بينتيلة انك تغارين كان افضل بدل حدوث هذه المشكلة ههههههههههه حركات شباب تحدث لمعرفة معزته عندك شيء طبيعي .... عموما هو ما لازم انه يقول كذا لأن يخلي الزوجة لا تثق فية وما تأمن له انه يكلم بنات ... أنا عن نفسي ما أحب هذا الإسلوب حتى لو مزااح ... |
| الساعة الآن 07:35 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©