زوجتي لا تحسسني برجولتي و لا تهتم بي ..؟
 

مدري كيف ابدا موضوعي. والله حيران من شدة مافي بس خلوني ابدا على شكل قصاصات وانتم الله يعنيكم رتبوها براحتكم.

انا تعبان من جد وعشان اريحكم من تحليل شخصيتي . اناانسان متزن في سلوك متواضع بشكل رهيب. حنون . رومنسي . ( او على الاقل هذا اللي كنت اتخيله) عصبي . ( بس على طول اهدا ) محب للهدوء . اكره المشاكل . ( لانها تنغص على حياتي حتي ولو كانت المشكله ما تستاهل وتافهه) .طموح. عندي بنت وحده ( واحبها بشكل جنوني واقضي وقتي معاها بشكل اتصور انه غريب شوي عن العاده)

خلاص طفشت.

طبعا انا عندي مشله مع زوجتي واللي احبها بشكل غريب . يعني لو ما حبي لها زمان طلقتها وارتحت منها ومن مشاكلها التافهه ( بالاضافه الى وجود بنتى المسكنه اللي مستحيل اعيشها حياة الذل فبعدها عني)

تصدقوا انو لي 9 ايام وانا انام على الارض ولا اكلت وجبه وحده في البيت. واحتنا في الله ماحرك معاها شي . سبحان الله .

زوجتي غريبه عمرها ماحسستني بروجلتي ( يعني اني انا رجال زي زي غيري من الناس) اجي للبيت ماعمري لقيها مضبطه نفسها لي . يعني ما تتزين لي ابد. ( طيب قولها . علمها خليها تعرف انت اش تحب عشان تسوي زي ماتبغى) تعبت وانا اقولها بكل الطرق حاولت معاها . بالزعل حاولت بلكلام الجارح حاولت. ببالعكس حتى لما اجيها بالرومنسيه واقولها تقلبها نكد وتقول انت بس تعيب في انت مو عاجبك شي في . بس انا على طول غلط والله مليت مليت منها.
تعرفوا اش سبب اخر مشكله صارت . عصبت عليها بس. ليه ؟ عشان تكلمت فموضوع منبهها علي مليون مره ما تتكلم فيه . وتكلمت فانا عصبت . بس زي ماقلت لكم والله على طول اروق . بس مايعحبها . غير تقلبها نكد ليه يعصب علي . انا مالي شخصيه تقول! تعصب على . طيب ياناس ياهوه انا منهبها الموضوع هذا يعصبني وتروح تقوليه . طيب اش اسوي انا .
ياعمي خلي صدرك واسع. ومشيها . ذحين صار الحق لها عشان عصبت . رحت احاول اراضيها مره واثنين وعشره . اقولها خلاص خلينا نرجع حلوين مابدها . اش تقول هي؟ لالا انا طفشت كل شوي احنا كذا . الله اكبر طفشت اني كل شوي انا اراضيها . طيب تصدقوا لو ابغى اعد المرات اللي هي جات وراضتني فيها ما تتعدى اصابع يدي . ( تستاهل ماحد قاللك كل مازعلت تجري وتراضيها المفروض تخليها زعلانه الين مارتضي من نفسها) طيب ياناس اناقلت انا مو من طبعي حب المشاكل احب الجو صافي دايم وخصوصا مع اللي احب . وبعدين انا بصراحه ماتجلي نفس اجلس مع احد ونا شايل عليه وحاقد عليه.

ياجماعه تصدقوا انها دايم تحسسني انها ضدي ( احنا ذحين في غربه عشان اكمل دراست العليا) وهي بس ماتعرف كيف تنكد علي وتضيع وقتي . مع العلم اني انا مو مقصر معاها مسوي لها اللي هي تبغى .
بس الشكو ى لله.
تكفون لا احد يقول خليك قوي ووريها انك تقدر تعيش من غيرها وانك تقدر تبدر امورك من دونها . لانه هذا الكلام ينفع مع ناس ثانيه مو معاها هي . اصلا ماسألت في لي 9 ايام وانا على وضعي وهي ولا شي . بالعكس توريني انو ماهما وخلينا زي ما احنا.

اليوم حسيت بالغباء مره . جيت البيت ولقيتها لابسه لبس الزوجه لزوجه( غريبه) فرحت وسويت اني ابغا اجي عندها يعني . الهم لقيتها ولا على بالها. عرفت وقتها اني فهمتها غلط وانها هي بس كذا جاء على بالها تلبس كذا . يعني مو عشاني فقمت ورحت عنها. شوي وهي لاحقتني وتقولي انت ليه جيب وبعدين رحت . يعني تبغاني اتذلل لها والاا ايش. ولا اقولها اللي فهمته عشان تقول مسكين ماستحمل.

انا اصلا حضي وحش وبطال ومنيل. والله اني اقدم من التضحيات لها لدرجة انها صارت تحس الموضوع عادي . انو في رجال معشينهم حريمهم على اكف الراحه ماسوو نص اللي انا مسوي معاها.لو احكي من هنا للصبح ماراح اخلص وبس راح تملو من هرجتي .
تصقوا اني احينا احس ان اللي تزوجتها مو حرمه زي الحريم. ولا كانت تفكر باللي انا اسويه لها.

اللي مجنني شي واحد لما اجي واقول اش اللي يرضيك. وتقول لا كذا ما ينفع تغلط وبعدين تجي وقوللي كذا. يعني ايه ماينفع.تبغى تربين عن الغلط شكلها.( مع العلم انها تحبني وتموت في ولا تقدر تعشي بدوني أو على الاقل هذا اللي انا فاهمه)

اللهم انى اسألك ان تعوضني في حياتي اللي انا عايشها معاها.

الإشراف/ تم تعديل العنوان ليتناسب مع الطرح ..

السلام عليكم
و الله ما أعرف شنو أقولك أخي الكريم
زوجتك تعليمها منخفض أو عقلها على قدها ؟
أنا هذا اللي حسيته

شرايك تخليها تقرا الموضوع أو إطبعه و خلي بنتك تعطيها إياها و ترجعلك بسرعة
يمكن لما تقرا تحس بغلطتها , في ناس تفهم بالكتابة أكثر من الكلام
أنا عاملت ناس من هذا النوع , ما ينفع معاهم الصلح إلا كتابة أو مسج

اختي . التعليم ماله دخل. بس هي زي ماقلتي تحب الكتابه اكثر من الكلام.

بس اش ممكن اكتب لها نا في هذي الحاله

زوجتك فاهمة الحياة الزوجية غلط !!

تحس إنها إذا سوت كذا بتجننك فيها وبتخليك تلاحقها !!

ماتدري إنك مليت !!

وترى أنت تتحمل جزء كبير من الغلط ..

لأنك أنت اللي عودتها على الدلع الزايد !!

مثلا ليه تنام على الأرض ؟؟!!! زعلان منها ؟؟!

نم على السرير وعطها ظهرك !! هذا أقسى عليها !! خاصة إذا كانت متعودة تنام بحضنك ..

ليه ماتاكل بالبيت ؟؟!! زعلان منها ؟؟!! خلها تطبخ غصبا عنها ولاتكلمها وقت الأكل ...

طنش ..

وبالنسبة لتزينها لك ... أنا مع في إن هذا شي ضروري لكن لاتخلي من عدمه مشكلة ..

باليوم اللي تتزين لك أبدي اعجابك فيها وغرقها بالكلام الحلو وباليوم اللي تكون مهي مستعدة سلم عليها سلام عادي جدا .. حسسها بالفرق وهي مع الأيام بتتعدل لأن المرأة بطبعها تحب المدح والكلام الحلو ..

وأنت متأكد إنك مشبعها من كل النواحي ؟؟؟!!
يمكنك مقصر عليها بشي وهي شايلة بخاطرها عليك وتستحي تقولك !!

كم عمر زواجكم أخي الكريم ؟؟ وكم عمر زوجتك ؟؟

على فكره, الادميه فيها صفات حسنه طبعا منها انها كريمه وتحب توقف مع المحتاج من اهلها او اي احد, وكمان تطبخ طبخ مره حلو وتحب النضافه وتحب تهتم بشكلها عند الناس وتحب اهلي وتقدرهم تسمع كلامي في تربية بنتنا. وتقتنع بافكاري وتحبها وتشوفها هي الصح. بس. زي ماقلت اذا زعلت كل شي عندها مايسوي . وهي تزعل على اتفه شي وماترضي الا بعد طلوع الروحT

عمر زواجنا اربع سنين. وعمرها 23.

اما اني مشبعها فهذا شي مايبغالي اشرح لك فيه فالجواب ايه وهي ما عندها اي مشكله في هذي الناحيه. بالعكس احينا احس اني اضغط عليها واخفف.

اما اني غلطان في دلعها فانا متفق معاك. لاني على باي اول ماتزوجت انو كل ماتدلع زوجتك كل ماحبتك زياده. وقدرت تتفاهم معاها بس هذا الكلام طلع غلط بالتجربه اللي انا عشت معاها فيها.

اما النوم معاها في نفس السرير فهذا الشي انا مااقدر عليه لاني ما عرف انام على طرف السرير هي جنبي وما اقدر اتحرك عشان وجودها جنبي. نفسيا مااقدر.
واما الاكل في البدايه انا كنت ابغى اوصل لها رساله اني انا ترا مره زعلان منك عشان انت ما تخلي في طريق للصلح بس تبغى مشاكل وقلت يمكن تحن على وتشوف اني ماكل من يدها مع اني احب طبخها وتحاول تراضيني بشي. وبصراحه انها كانت تسالني في اول يومين تبغاني اسوي لك شي وانا كنت اقول لها لا واما اجي والقاها مسوي شي مااكل معاها عشان تحس انا زعلان بس بعدين هي هي صارت مايفرق معاه وصارت ما تطبخ من اصله.


واما الزينه فانا ماعمري خليت منه مشلكه بالعكس نكون مروقين وافض فض لها يعني اني انا ابغى دا الشي منك فتقوم هي تزعل وتقول يعني انا ما اسوي لك اللي تبغى. يعني بصراحه انا اسمع واشوف واتصفح كثير عن موضوع استقبال الزوجه لزوجها ولما اجي القى وحده ولا هي معتبره نفسها فاستقبال رجل. شي يفقع القلب صراحه . لا ولما اجي والقها متزينه اعرف انها ناويه على خرجه. يعني مو عشان سواد عيوني مضبطه نفسها.

يا أخي , لا تجعل من رجولتك وشخصيتك ألعوبة بيد أمرأة , الله خلقك قيم عليها

وانت جعلت من نفسك العبوبة بيدها , اهجرها بالأيام ولا تعطيها وجه ولا تعبرها

خلها تعرف قيمة رجولتك , لأنه الزوجة التي تستشعر رجولة زوجها لا تكن له احتراما

لأنه لا يعد رجلا في نظرها فهي تبدي ردة فعل منها لعل رجولته تستيقظ

رادع.

شكرا لكلامك الجارح.