دخيلكم مشكلتي انا وزوجي بموت
 

السلام عليكم ورحمة الله وبركاته
دايما اسمع واقرا مشاكل الناس عمري ماتوقعت اني يوم من الايام بي واكتب مشكله خاصه في شو نقول غير الحمدلله على كل حال.....

انا متزوجه من 5 سنوات وعلاقتي مع زوجي ماشالله واااايد حلوة الحمدلله والله انه انسان متفهم ومحب ويحاول دايما يرضيني باي طريقه وعندنا عيال وماتغير الحال

المهم قبل شهرين فتحت الانترنت كنت ادور شي من الهستري جان اشوف مواقع غريبه دخلت طلعت مواقع مش اباحيه قريبه منها صور فتيات وغيره وكلنت هاي الفترة زوجي جاي من سفرة عمل وانا رتبت وجهزتله كل شي واتفاجا وووايد استناس كان الحمدلله كل شي اوكي استغربت وواجهته لو اخبركم عمري مالاحظت عليه شي لانه مايطلع وااايد ودائما انا معاه في كل شي يسويه واجهته طبعا بررلي باشيا انه هو مادخل وبالغلط واماعرف شو انا ماصدقته انا مب غبيه اصدق والله اني اتاثرت واايد تمنيت اني اموت واعتذرلي وحلفلي انها اول واخر مرة المهم اعتدلت الامور وقبل يومين فتحت الانترنت كان الهستري بروحه مفتوح والله ياني فضول فتحت وشفت جان اشوف مسوي سيرج ويدور مايوهات انصدمت والله اني تميت اعرق وانشف ماعرف شو اسوي قلت بسكت لانه تونا كنا يايين من رحلة وقلت بصبر يمكن تعبان لما يريح بس وجهي كشفني قالي شو فيج سكت قلت ماشي قلت بصبر ماقدرت والله بموت جانةافتح وارويه اللي قهرني عصب وقالي انتي ادورين من وراي قلتله والله بروحه مفتوح قلت اشوف سبحان الله الله يبا يكشفه المهم عصبت خلاص ماقدرت انكرلي لانه مب فاتح وااايد اشيا تخيلو شو قالي اونه انا ادورلج ملابس داخليه كهديه ماعرف يحس اني غبيه قالي شوفي من بين الصور اذا شفتي وحدة عاريه سوي اللي تبينه قلتله يعني اللي لابسه قطعتين عادي اتشوفها قالي الحين في كل مكان اتشوفينهم شوفيها قلتله انا مااحس وانت تشوف مااغار عصبت بطريقه وهو يتكلم بقوة عين انه صح مافيها شي
شو اسوي ماعرف قلتله شوف ماتكلمني ولالساني يطيح في لسانك نحن يوم نتزاعل من نكمل يوم وللحين انا زعلانه طرشلي مسج سامحيني طنشته وغيرها مسحات المهم اخر مسج قلتله ليش سويت جيه دخياك ببررلي ابا اعرف لــــــــــــــــــــــيش انا مب مقصره معه في شي والله حياتنا اوكي رد علي رد انصعقت منه قالي انا مدمن سكس الله يخليكم خبروني الحين شو اسوي كيف اتصرف احس اني بذبح نفسي انتظر ردودكم

اكيد هو ما يلاقي فيكي الي يحبه علشان كذا يدور بالصور حاولتي تقلدي الي شفتيهم اعملي له حركات الاغراء لو عملتي له حركات الاغراء مارح يدور يتفرج على غيرك
كان لازم بس طرشلك المسج رجعتي بعتي له انا مدمنه اكثر منك بس تعال دائما حسسيه انه مرغوب واتفنني بالاغراء واذا ما كنتي بائعه هوى لزوجك لمين تكونين كذا
لذا انا اول شي اقوله لك انتي السبب وما عرفتي تتصرفي كان لازم ما صارحتيه وعملتي له الحركات الي شفتيها رح تقولي لي اقلد هذول الحيوانات اقولك اذا انت ما عبيتي عينه من هاي المناظر اجل كيف بيترك النظر لهم
وفقك الله لكل خير
في رعايه الله

نقل للمتزوجين

يا اختي ولا تموتين ولا تذبحين نفسك

اختي ..زوجك رجل كبير فاهم ...يعرف الحلال من الحرام ..انت اللي عليك نبهتية

خلاص...الباقي على الله ...هو اللي بحاسبة

بعدين تفتيشك وراه راح يخليه يعند اكثر واكثر

اختي ... واللي سويته ما جاب الا نتيجة عكسية ..اجبرتيه انه يقول لك انه مدمن سكس ..يعني الحين راح ياخذ راحته امامك بحجة انه مدمن

لو انك ما واجهتيه ولا ضغطي عليه ..كان سواه على الاقل بدون ما يجاهر فيه ...

اختي ... خففي من اسلوب المراقبة والمواجه

كثير مثل زوجك ..الله يهديهم

اتركيه فترة لا تفتحين له سيرة هذه الاشياء ...يمكن كل ممنوع مرغوب

كل ما ضغطي اكثر كل ما تمسك بما يفعلة اكثر

اكثر من الدعاء والاستغفار

واطلبي من الله تعلى ليل نهار ان يمن عليه بالهداية

اختي ..دام ان زوجك يحبك وغير مقصر معك في حقوقك ..ان شاء الله انها ازمة وتعدي

الله ييسر لك امرك

ماشاء الله كفت ووفت

ياختي
الزمن تغير ..
نعم ..ولابد مسايرته ولا اصبت بالجنون ..
شوفي اختي المفروض ماتخلينه بحالة ..وتكملين النفص فيه ..وتتدلعين ..وتابعين كل شئ جديد ..علشان يترك السوالف هذي ..القنوات ماقصرت ..والانترنت ماقصرت ..ولاتنظنين ان زوجك الوحيد بل نسبة كبيرة من الناس قد مر عليهم مثل المواقف ..

لاتتكرينه ..شهوه صعبه التغلب عليها ..ليس العيب الخطأ لكن تكرار والاصرار عليه
والله معك

هلا حبوبه صحيح صعبه وهذا احنا نحاول نصير كل شي ونلبس كل شي علشان كذا اقول للي تستحي تلبس وتستحي تسوي حركه انها تحاول تغطي كل شي في حياتها وتنوع والله يخلي لك زوجك ويصلحه

مشكورات خواتي ماقصرتو ابدا بس بغيت اقول اني والله مب مقصرة ابد من هاي الناحيه وهو بنفسه يقول هالشي وانا واثقة والحمدلله بس الحين مب عارفه كيف اتصرف؟؟؟؟

في البداية لازم تتحلي بالصبر وما يدريك لعل في هذه المشكلة خير لك وأنت لا تدرين ستقولين كيف ؟ أقول لك أنه يجب عليك الإلتفات إلى نفسك قليلا وتدارك ما كان منك من تقصير أو محاولة إشباع رغبات زوجك الجنسية والعاطفية وصدقيني أن هذه المشكلة سوف تمنحك الحكمة في مواجهة أي مشكلة ستمر بك مستقبلا لا سمح الله صحيح أنه كان من الأجدر بك أن لا تصارحيه بالموضوع ولكن الذي حصل قد حصل ولا ينفع سوى مراجعة النفس وإعطاء زوجك الكثير من الإهتمام ومحاولة نسيان أو تناسي المشكلة وفتح صفحة جديدة مليئة بالحب والمصارحة وستثبت لك الأيام أن ما مر بك قد زادك قوة ورب ضارة نافعة ولتعلمي أنك لستي الوحيد التي تعاني من هذه المشكلة ولتعلمي وتخبري زوجك أن (كل نفس بما كسبت رهينة ) وأنت قدمت النصيحة والباقي بيد زوجك . وقبل هذا كله عليك التقرب من الله سبحانه وتعالى والإلتجاء إليه بكثرة الدعاء والإستغفار .
وأسأل الله الذي لا إله إلا هو أن يفرج همك ويصلح لك زوجك و يجعل حياتكما سعيدة وهانئة .