منتدى عالم الأسرة والمجتمع - باستا بالبنك صوص تجنن ولذيذة وسهلة (دون صور)

http://img34.picoodle.com/img/img34/...3m_5d7c2b9.gif
بصراحه ماقد تجرأت اشارك بهالعالم لانكم ما شاء الله فنانات وانا اعتبر نفسي فاشله :25:

لكن بعد ماسويت هالمكرونة ولاول مرة تضبط معاي الطبخة من اول مرة :14: ويطلع طعمها يجنن قررت انزلها هنا يعني انا استفيد من هالعالم فواجبي اني افيد اذا قدرت وعشان كذا تحمست وصورت :28: ويارب تضبط معاكم وتعجبكم ..

اول شي المقادير بصراحه انا مقاديري مو مضبوطة مرة وبعدين انا اطبخ كمية قليله مرة عشان مافيه الا انا وزوجي وماحب اكب الاكل ولا ناكل من الثلاجة لذلك انتم ادبلو مقاديري لوول هذا اذا لقيتو مقادير يعني احط على حسب الشكل انا..

تحتاجين مكرونة اي نوع تحبينه حتى لو مكرونة الفوتوشيني الطويله او سباغيتي و ويب كريم او قشطة الخفق وصلصة مكرونه او معجون طماطم اذا مافيه انا احب استعمل صلصة مكرونة جاهزة ومتبله اسمها بريغو وحبة ماجي وقطعة دجاج فيليه ونص بصلة مقطعه وفطر مقطع وشوي زيت وزبدة واذا حابه جبن موزيريلا..

http://www.arb-up.com/files/arb-up-Oct2/PFY58312.jpg

اول شي تسلقين المكرونه في موية وشوية ملح وملعقه زيت صغيره وبعدين تحمسين البصل في زيت على النار..

http://www.arb-up.com/files/arb-up-Oct2/y1F58401.jpg

لما يشقر البصل شوي تضيفين الفطر المقطع وتقلبينها شوي بعدين تحطين نص حبة الماجي مفتته وتخليطنهم وتقصرين النار عليهم..

http://www.arb-up.com/files/arb-up-Oct2/lyR58497.jpg

في هذه الاثناء تحطين قطعة زبدة صغيره في قدر منفصل ولما تذوب تضيفين الدجاج المقطع وتقلبينه مع نص مكعب الماجي الثاني لين يستوي تقريبا..

http://www.arb-up.com/files/arb-up-Oct2/96n58646.jpg

بعدين تضيفين الدجاج لخليط البصل والفطر ونسيت اقول ممكن تضيفين فلفل بارد مقطع مع البصل والفطر بس انا مو متوفر عندي يعطي نكهة تجنن....

http://www.arb-up.com/files/arb-up-Oct2/HFA58711.jpg

بعدين تضيفين قشطة الخفق والصلصة..

http://www.arb-up.com/files/arb-up-Oct2/xUr59380.jpg

بعدين تتركينه على النار عشر دقايق على نار هاديه ويكون شكله صار كذا وعلى فكرة ممكن تضيفين شوي ملح بس لا تكثرين لان الماجي مالح..وانا اضفت حاجة ماصورتها قررت اخر لحظه ملعقة جبنة بارمزان مع الخليط يعطي نكهة حلوة..

http://www.arb-up.com/files/arb-up-Oct2/mTc58861.jpg

تجيبين قدر للفرن تحطين المكرونة اول شي بعدين خلطة الدجاج بعدين ممكن شوي موزاريلا وتدخلينه الفرن شوي لين تسيح الجبنه ويشقر وبالهنا والعافيه..

http://www.arb-up.com/files/arb-up-Oct2/AnN58995.jpg

من الجوع مالحقت اصورها لما طلعتها من الفرن بس طعمها لذيذ مرة مرة ويارب تعجبكم واسمع ارائكم لاني اول مرة احط موضوع في عالم الطبخ :d

الإشراف: تم تعديل العنوان

indienne