زوجتي وتعاملها السئ واهمالها لمنزلها
 

بسم الله الرحمن الرحيم .
السلام عليكم ..


النقطة الأولى :
يعني بس لأنها في فترة الحمل أخليها تهيني وتقط علي كلام جارح وأصبر عليها ؟؟


النقطة الثانية :
يا جماعة :
أنا اللي أطبخ وأنا اللي أغسل الأواني وأنظف البيت وهي لو ينقلب البيت فوق حدر ما عبرت فيه ..هذا حالها طبعاً من بداية زواجنا إلى ألحين ( زواجنا قرابة سنة ) ...

ولا و بعد هي اللي تأمر علي.. وش بتطبخ لنا اليوم ولا ويش بتسوينا الليلة ؟؟


الله يعين ..

تم تعديل العنوان بما يتناسب مع المضمون ..

والله ما ادري شو اقولك اخوي .. كلامك صدمني .. من بداية زواجكم وانت على هذه الحالة ..

هل أنت من طبقة اجتماعية وهي من طبقة اعلى منك بكثير !!

..

.............................
عاد زوجتك زودتها صح
ورها العين الحمراء وقول لها بصريح العبــارة
لا تجــاملها ولا تضحك معــاها .

......................................
الله يهديك كله منك عودتها على هالشي


يرجى الابتعاد عن الردود الجارحة ..

لا تقريباً نفس الطبقة الاجتماعية ..

ليش منو الريال و منو الحرمة لازم تكون لك كلمة اخوي في بيتك
مو عيب انك تساعدها لظروف حملها بس مو بكل شي
اذا تبي و اذا ما تبي تقوم بدورها ودها بيت اهلها

داري أنا أن هذا اللي بتقولونه ....

أنا الخسران ..أنا اللي بروح فيها .. أنا اللي بتنهدم حياتي ..

مو عشان إني متعلق فيها لا والله ...

الجنين .. وأهلي ... وأهلها ...وبحس بالذنب إني سببت على حياتها .. ومخاسير الزواج .. وكلام الناس ..

المشكلة فيك اولا لأنك سمحتلها باستغلالك بهذه الصورة الغير طبيعية من بداية زواجك ..

تلاحق على نفسك وقم بإعادة بناء شخصيتك امامها لأن الوضع سيزاد صعوبة مع مرور الوقت مع تعودها على هذا الوضع معك ..

عطها العين الحمراء ،، كلنا انمر بهاي المرحلة بس ما نسوي الي اتسويه ...
نصيحة أخويه لا تترك لها المجال أكثر لانها راح تتمادي حتى بعد الولادة بحجة أنها مسؤولة عن طفل ولازم ترعاه ، نسيت أسئالك هي في أي شهر ؟

إشرايك أنت يا أخوي :


أهون ما أطبخ .. والجنين كيف يتغذى <<< أخليه يتغذى على الحلويات والشكولاته ؟؟


والبيت أشلون أخليه بالشكل المقرف . والوصخ .. ما أنظفه يعني ؟؟

وفراش النوم ؟؟؟ أخليه مو مرتب .. بحيث نرجع ننام عليه مرة ثانية وهو بنفس الوضع لما صحينا من النوم ..


أنا أحب النظافة وأحب الترتيب .. ما أحب القرف ..