هكذا أريد أن تكون زوجتي
 

السلام عليكم ورحمة الله وبركاته
بدخل في الموضوع على طول .. أتمنى زوجتي تكون زي كذا .

7
7
7

1 - نبدأ من بداية اليوم كيف تصحيني لصلاة الفجر ؟ .. ماتناديني بأسمي ولا شي .. بس عليها أنها تمسك رجولي وتهمزها ( تسوي لها مساج ) لين تحس إني صحيت ، طبعا ً ذي الحركة أموت عليها في التصحيه تعطي الواحد نشاط غير طبيعي لإنها تحرك الدم خاصة المساج للرجول .
2 - إذا حست إني صحيت تبى تدلعني وتقبلني ، وتقول لي قوم ياعمري يالله الصلاة .. ومن ذا الكلام ، وإذا كنت تعبان مرررة ومافيني أروح الصلاة .. تبدأ تذكرني بالأجر والثواب وإنشراح الصدر والتوفيق .. الخ .
3 - بعد الصلاة أرجع ألاقيها مسويه لي فطور .
4 - قبل لاأروح الدوام تلحقني عند الباب وتضمني وتقبلني وتقولي حشتاق لك ، وتقول لي لاتنسى تحصن نفسك حبيبي ( يعني تقرأ المعوذات وأية الكرسي ) .
5 - بين كل فترة وفترة يعني كل أسبوع أسبوعين .. المهم .. ترسلي لي مسج تقول فيه أشتقت لك متى ترجع .. ؟ ، أو ترسل رسايل حب .
6 - تحط لي رسايل حب في المحفظة .
7 - إذا رجعت البيت تسبقني قبل لا أروح لها وتضمني وتقبلني وتقولي أشتقت لك ، وتقبل يدي وراسي أو يدي بس < يموتوا في تقبيل اليد الرجال .
8 - إذا قعدت معها تقول لي الأخبار اللي أحبها مثلا ً لو كنت أحب الأخبار السياسية .. تقول لي أخر الأخبار أو مثلا الأخبار الرياضية تقولها لي وتشاركني في هوياتي .
9 - إذا بغتني أطلعها السوق تجي تتدلع علي .. طبعا ً أنا ماراح أستحمل وراح أوديها السوق غضب عني .. طبعا ً ألا إذا كنت مشغول أو عندي شي .. بس بوديها في أقرب وقت .
10 - تهتم في أمي وأخواتي وتخليهم يحبوها ، ودايم تجيب لهم هدايا ، وماتزعل أمي ولا أخواتي أبد .. حتى لو غلطوا عليها .. تجي تقول لي أخواتك غلطوا علي وأنا راح أراضيها .
11 - ودايم تسوي لأمي مساج لو لخمس دقايق أهم شي أبي أمي تحبها .
12 - دايم إذا قعدت على الأنترنت ولا قعدت أتفرج على التلفيزون أبيها تجي تلصق فيني وتقبلني .
13 - أبيها مبتسمه على طول .
14 - إذا كان عندها مشكلة ماأبيها تقول لي أيها على طول .. أول شي تجي تحضني وتحسسني بضعفها ، وبعدين تجي تجلس جنبي ، وتبين أن عندها شي بتقوله بعدين تقول لي مشاكلها .. طبعا ً بشرط ماأكون داخل جو مع برنامج مفيد ولا حلو وتجي تقول لي مشاكلها لما أكون فاضي .
15 - أبيها دايم تسوي لي مفاجات .
16 - أبيها دايم متجددة وتسعى للأفضل دايما ً .

طبعا ً قبل ذي الشروط كلها أبيها تكون متدينة وذات خلق .. لأن المتدينة راح يكون صدرها دايم منشرح .. غير كذا تعيني على الطاعة وتبعدني عن المعاصي .

عاد كل وحدة تجرب تسوي كذا مع زوجها لما تتزوج أو حتى المتزوجات الحين ، وبعد شهر .. شهرين ، راح يعيشها أحلى عيشه .. وطبعا ً ماراح يستغني عنها ولما تسافر عنه راح يحس بالفرق ويحس بفراغ كبير وماراح يرده الأ الجوال ويدق على زوجته كل يوم يقول لها أنه أشتاق لها وأن البيت من دونها ولاشي .. الخ ، وأهم من ذا كله أن الزوجة إذا سوت كذا راح تعيش زوجها أحلى عيشه وراح تكسب أجر في زوجها .

السلام عليكم

!!!

خير الأمور الوسط,, وخلوا عنا االمبالغات. وصدقني أذا البنت "همزتك" وقمت للصلاة وصرت في الروضة اول شهر, فبعد كم شهر أذا بدأت في "تهميز" اليمنى "بترجفها" باليسرى( لا شعورا طبعا:) )..

الزواج يا أخي يقوم على المودة والاخطاء والتغاضي عنها وتحقيق المنافع لك طرف. وليس فقط على تهميز وضم وتقبيل..

ومع هذا لا تظن أني أقول لك لا تحلم فمن حق الأنسان أن يحلم على كيفه, لكن ليتحمل نتيجة أحلامه و واقعيتها..\


ودمتم

-وتقبل يدي وراسي أو يدي بس ...
- ودايم تسوي لأمي مساج لو لخمس دقايق أهم شي أبي أمي تحبها :11: ...

!!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!

وأنت شنو بتسويلها ؟؟؟؟

ما قلت لنا اخوي ...

شنهي مواصفاتك .. ومفهومك للحياة الزوجيه .. وكيفيه تعاملك مع زوجتك .. !!

اوافق اخوي خالد انا في كل كلمه ..

بوركتم

طلباتة كلها بسيطة ... اقريها مرة ثانية ...

طبعا كلامك جميل في سيدات بتعمل اكتر من كده بس يارت يتقبل الزوج كده بصدر رحب ويبتسم كمان في وجهها في زوجات كتير اعرفها وبتعمل اكتر من كده والله لا يهون عليه حتي تحيه الصباح لاكن بيعتبر ده واجب عليها وخلاص ولاكنه بيكون طبع في الست وبترضي ربها احلم ايه يمنع كلنا بنحلم