|
بنفجر من القهر(زوجي واخواته))
السلام عليكم ورحمة الله وبركاته
مشكلي باختصار مع خواته وزوجي... خواته اصغر منه باربع سنوات وهو الاخ الاكبر لهم لكن للاسف لايحترمونه وطبعا بسبب اطباعه انه رحوم على اخواته لان امهم متوفيه ومايرفض لهم طلب لكن انا لاتحمل اسمع الاهانه الي زوجي وهو اكبر من 30 عاما.. المشكله تكمن فيهن اذا يبغو يروحو مشوار وزوجي تاخر تعالو اسمع السب فيه انت ماتعرف تواعد انت مواعيد ك ماهي مضبوطه ماراح نروح معك المره الثانيه وليه ماتكلمنا تعلمنا من اول ووو وغير انه اذا بغو يروحو معاه وراح يمرهم من بيت اهله يخلونه يستناهم عند الباب وووقت طويل انا اموت قهررررر بالبدايه كنت بريئه وارحمهم واقوله عادي كلها كم سنه ويتزوجو لكن بعد ماكتشف انه حتى انا وصل لي الامر صارو اذا يبغو يروحو مشوار خارج الرياض او يتعدى الـ40 كيلو لاي منطقه مجاوره يتصلو في زوجي رغم وجود اخوان اخرين لهم لكن مادري ليه زوجي بالذات اعتقد لانو ساكت لهم وهم يهينونه كانو يطلبون مني اروح معاهم لصديقتاهم ولسوق وكل مكان وكنت بريئه احسب انهم يحبوني اتاريهم لاااااااا يبغون مرت السواق تركب عشان تسكت السواق وتصبره لمشاويرهم :30: :30: :30: بعد ماكشفت هالشي من تكرار مواااقف عصبت وانفجرررت وقلت له: لاعاد تمر خواتك وعندهم اخوان ثانين متفرغين وغير متزوجوين كمان عندهم سواق وكل حاجه ليه انت بالذات يتصلو عليك؟؟ وليه مايحترموك؟؟ وتنتظر وقت طويل عند الباب؟؟ قام قالي: انتي كلك شر وانتي فكينا من شرك:( وخلاص خواتي ماراح امرهم بس انتي وانتي......... وبدات المشاكل انا مااقصد اقلبه على خواته انا ابي احط حد واحترام له ومكانه هو الكبير ويسون معاه كذا ليه؟؟ ورغم عندهم اخوان ثانين لكن يعرفون يقولون لهم لا. واذ1ا تاخرو ماطلعو عند الباب راحو واتركوهم لكن للاسف زوجي لا صاير مثل السواق لهم؟؟ ايش رايكم من الغلطان؟ مابي اقلبه على خواته؟؟ بس قااهرني ليش يهين نفسه ويهنيني لهاالدرجه؟؟؟؟ انتظر حلولكم وارائكم............. بنفجر من القهر |
والله الحريم مشكلتهم مشكله لاينفع معهم طيب ولاتنفع الشدة
اذا كان الواحد طيب ماهو عاجب ولو يقصر معهم مره واحده نسوا كل جمايله واذا كان شديد الله يعينه على المشاكل والمصايب انا اكبر اخواني وابوي متوفي وبعد كل التضحيات الكبيره اللي قدمتها لهم ماني عاجبهم والمشكله حتى الوالده يغيرونها علي لدرجة اصبحت تكره عيالي وتحب عيالهم عيني عينك وبدون احترام لمشاعري نصيحتي لك ومن تجربه خليك بعيده عنهم ولاتتدخلين علشان ماتكونين الضحيه وزوجك مهما كان طيب لازم يجي يوم ويطفش منهم |
الغاليه اسمحي لي
ولكن هل انتي وصيه على زوجك؟؟ هو رجل بالغ عاقل ومسؤول عن تصرفاته اذا كان الامر لا يؤذيكي فلم تتدخلي في علاقة اخ باخواته؟ صدقيني حتى لو تدخلتي بحسن نيه فان الرجل دايما يقرأ اي انتقاد لاهله انه كره لهم اياك وانتقادهم مره اخرى لانها ستعزز لديه فكرته عنكي |
حرام عليك يااختى تقوينه على خواته حرام هم بنات ضعيفات وزيادة يتيمات وعلى قولتك مصيرهم يتزوجون ويتركونكم تحمليهم كم سنه جايه ان شاء الله حرام كافي ان امهم ميته الله يرحمها واذا على قولتك يسبنه يمكن هذا من باب الميانه على اخوهم طيب حطي نفسك بموقفهم شوفي كيف شعورك يكون تلاقينهم مو لاقيين الحنيه والطيبه من اخوانهم الباقيين كثير ناس كذا دايم يميلون للي قلبه رؤؤف ورحيم وبالقران الله سبحانه وتعالى يقول لرسولنا الحبيب لو كنت فظا غليظا لنفضوا من حولك يمكن هو الاخ الى فيهم محسسهم بالامان بحنان الام واعرفي ان الدنيا ماهي باقيه على وتيرة وحدة مصيرها تتغير وتروح هالايام وتبقى بس ذكرى طيبه لك ولهم ولاتنسين حديث رسولنا الحبيب صلى الله عليه وسلم فيما معناة (ارحموا الضعيفيين اليتيم والمراة) وهذا انتي جاكم الاثنين الحمدلله يتيمات وبنات ضعيفات احمدي ربك عندك باب خير في بيتك اكسبي الاجر فيهم كوني لهم مكان امهم احتسبي الاجر عند الله حتى لو يهاوشن او يسببا مشاكل مصيرهم يعقلون اذا شافوا منك لين ورحمه حرام حرام تقوين اخوهم عليهم صيري لهم الاخت والام والعون وكل شي عيني زوجك على برهم ورحمتهم لاتكونين ضدة عشان ربي يباركلك بيتك وعيالك وحياتك ولاتنسين انهم يتيمات وعلى قوله المثل اليتيم يتيم الام مو الاب انتي شوفي بنفسك لاسمح الله يوم امك تغيب عنك بسفرة مثلا اسبوع كيف تعيشين حتى مو عارفه تتصرفين وحنا حريم هذا كبرنا فمبال بنات مراهقات غابت امهم عن عيونهم مدى الحياااااااااااااة الله يرحمها ويصبرهم ويعين زوجك على برهم ويرزقهم الازواج الصالحين التقاة النقاة عاجلا غير اجلا واتمنى ماتزعلين مني بس الدين النصيحه واتمنى من الاخوان الاعضاء الى يردون يتقون الله في ردودهم لاتنسون انهم يتيماااااااااااااااااااااات |
اختي العزيزة ...... لماذا تعدين خدمته لاخواته وصبره على أذاهم والتضحية من اجل ألا يشعروا بالنقص إهانة وانتقاص من قدره وغيرها من المرادفات الكثيرة التي تعبرين عنها ...... يا أختي لماذا لما ينتظرك في الخارج ثلث ساعة أو أكثر لا تعدينها انتقاص من حقه وإهانة له .... أم أن هذا الامر متعلق بجنابك ...... والله أحسبه على خير ولا أزكيه أنه يحتسب الاجر من الله ..... كوني عونا له على سد أحتياجات اخواته .... تقولين عندهم سواق واخوان آخرين .... أقول لك أن أمي لديها سواقين وليس واحد وعندها أبناؤها ممن يقود السيارة .... ومع ذلك لا تحب الركوب إلا معي ..... يا أختي أنظري لها من زاوية أوسع .... بأن زوجك يحتسب الاجر .... ثم هو أخوهم الاكبر ... أي انه مسؤول عنهم في سلوكهم وخروجهم ودخولهم وسائر امورهم ..... انت بارك الله فيك يبدو أنك ما كتبت هذا الامر إلا وانت مشفقة عليه ..... فدعيه فأن له باب من الاجر بهؤلاء الاخوات ..... ولكن ....... أعلميهم ( البنات ) ( وليس زوجك ) بضرورة أحترام وتقدير من يعد بمنزلة والدهم والقائم بشؤونهم .... ولا تذكري اخواته عنده بشي فيه نقص فإن هذا يؤثر على نفسيته ويضيق صدره .... بل أنصحيهم هم وأمديحهم عند زوجك ..... بارك الله لك في زوجك .... فوالله يندر من يوجد بمثل هذه الاخلاق .... وتذكري قوله صلى الله عليه وسلم :" إنما النساء شقائق الرجال ، ما أكرمهن إلا كريم وما أهانهم إلا لئيم" وطبقيه على أخواته ..... وأعذريني على القسوة بارك الله فيك دمت بحفظ الرحمن .... |
انا مع الاخوات اللي ردوا
اعينيه على رعايتهم والصبر على قلة ورجاحة عقولهم .. بارك الله فيك .. |
ياختي انا مالومك على القهر
انتي بغض النظر عن انه زوجك احسك انسانه حقانيه وماتحبين احد ينظلم او ينهضم حقه بس انتبهي هذا زوجك وهذولي اخواته (اهله) يعني مهما سوو لا تتعدين الحدود ولا تدخلين نفسك بمشاكل انتي بغنى عنها باين زوجك مو راضي بكلمه عليهم ولامفتح عقله واحس طبيعي(( لانه رجال)) مهما سوو اهله مايرضى عليهم واليوم قاللك انتي كلك شر بكره ايش بتصيرين بنظره؟ انتبهي حبيبتي. وهو ماشاء الله طيب واعرفي انه كله بميزان حسناته وارتااااااااااحي عالاخر الي طيب لاهله كذا ..طيب لك باذن الله وربي مايضيع احد ..صدقيني راح يلقاه ان شاء الله بميزانه. الله يوفقكم . |
يا اختي انا ما الومك ... الي يسووه خواته شي يقهر ... لكن دام زوجك راضي ليش تحرقين اعصابك ...
انا اعتقد انه زوجك مايبي يكون مقصر في حقهم ... وبنفس الوقت ماهو مقصر معاك بعد ... انا اقول ابعدي عن الشر وغني له ... ولا تكثري بالكلام معاه ... دامه قالك من البدايه انتي كلك شر ... انتبهي ياختي تدخلين بمشاكل ماتقدرين تطلعين منها ابدا ... الله يسعدك ويريح بالك يارب ... هموووم |
يا اختي اشتري راحتك وما خصك في علاقته مع خواته
يهينوه يسبونه هو ع قلبه عسل والا كان وضع حد لهيك معاملة ابعدي عن الشر وغني له :d وقت بيمل ويطفش.واكيد بيطفش هو بيتصرف مع اهله ام وليد |
|
| الساعة الآن 07:33 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©