|
هل له حق يزعل؟؟؟تكففففووووون اعطوني ارااكم....
السلام عليكم
تكفون كل من يدخل يرد علي ولو بنصيحه وحده فانا والله محتاره في أمري ومهمومه ومادري وش اسوي ابقول سالفتي وانتم انصحوني واعطوني اراكم تكفون زوجي سافر امس لاحد دول الخليج ليوم واحد فقط وانا كنت في بيتي دقت علي اخت زوجي وقالت لي وش رايك نروح للدمام وهي تبعد عنى 80 كيلو مع ابنهااا الي بثالث ثانوي انا ترددت بالبدايه وبعدين قلت في نفسي لازم اروح مااودي اقعد بالبيت لحااالي وكنت ودي بصراحه اقهره لاني مسافر ومخليني والي خلاني اصر عالروحه انه سافر الساعه 6 الصباح وصارت الساعه 2 الظهر ومااكلمني المهم رحنى ولما جت الساعه 10 كلمني قالي وينك قلت له في الدمام قالي ايش وقام يزعق علي ويخانق ((انا صراحه ماتوقعته لهااا الدرجه بيزعل)) رجعت البيت ماكلمني راح للغرفه الثانيه ونام واليوم قالي ليش رحتي وقبل ماارد قام وخاصمني وانتي رحتي بدون اذني والولد صغير مايعرف يسوق ووالله ماتروحين عند صاحباتك والنادي مافيه((نادي رياضي كنت اروحله كل صباح)) زعلااااااااااااااااااااااااااااااااااااان بقوه اقوله خل نتفاهم قال مابتفاهم معك ووالله اول مره من تزوجت اشوفه كذا يقولي انتى خنتي الثقه ومن هالكلام السؤال الان هل انا من جد غلطانه واذا غلطانه وشلون اراضيه والله ماادري وش اسوي تكفون قولولي |
غلطانة ونص !
تسافرين بدون اذن زوجك ؟؟!! اقتباس:
استسمحي منه واعتذري وتحملي اللي يجيك .. غلطك كبييييييييير .. |
السؤال الان هل انا من جد غلطانه
واذا غلطانه وشلون اراضيه انتي سئلتي وجابتي ايه غلطانه اختي مافيه وحده عاقله تتحررك من بيتها بدون ماتستأذن اعتذري له وبيني له انك غلطانه وندمانه |
السلام عليكم
الحق عليج أختي الكريمة .. لو أخذتي الإذن منه .. وعقب سرتي .. كان أفضل.. ويمكن تأخره في الإتصال كان بعذر .. إعتذري له .. وخلي حياتكم سعادة أسأل الله أن يبارك في حياتكم وردي واعتذري له .. |
هيه اختي غلطانه المفروض حتى تطرشين له رسالة .هو عنده حق للزعل وشكله انه يريد يحسس بالغلطة بس كلها يومين وبيرضى عنش
|
يعطيكم العافيه والله شجعتوني اكلمه انا ادري
مابيرد علي بس تنصحوني اراضيه الحين والا اخليه شوي لين يهداء لانه مره زعلاااااااااااااااااااااااااااااااااااااااااااان |
أكيد حبيبتي إنك غلطانه وغلط كبير بعد .. أصلا ياحبيبتي مايجوز إنك تطلعين من البيت من دون إذن زوجك فكيف بعد تسافرين !!! انتي غلطتي غلط كبير ولازم تروحين تعتذرين لزوجك وتوعدينه انك ما راح تكررينها .. الله يوفقك ويحفظك ويرزقك رضا زوجك عنك وحسن تبعلك له .. |
إلك عين تسألي عيوني:d
ما الخطأ راكبك من راسك لا وبدك تقهريه كمان :( يا قوية انت :25: اول شئ ما يجوز تخرجي من بيتك بلا إذن هذا بحضور الرجال فما بالك وهو غايب عم استغرب كيف اخته طلبت منك تسافري وما سألتك ان اخدتي اذن وإلا لأ ع اي ياحبيبتي انت اتركي الرجال يهدأ وشو ما قال بدك تستحمليه وبس يروق تعتذري منه وتبيني اله انك غلطانة وانه غلطتك ما تعودي تكرريها والباقي انت تفهميه الله يهدي سركم ام وليد |
طبعا غلطانه انا توني مملكه بس واستاذن زوجي لو رايحه الكوافير اللي جمب البيت!!!!!!!!!!اختي انتي اخطأتي في حقه ولازم تتحملي نتيجه فعلتك وانصحك انك تحاولي تصالحيه يعني سويله ليله حلوه وجيبيله هديه وتدلعي عليه وتأسفي له واوعديه انهااخر مره الله يوفق بينكم ويبعد عنكم الشيطان
|
السلام عليكم.........
اختي الفاضله ....انتي غلطانه ....المفروض استئذنتي حتى لو طالعه مع ابوك او احد اخوانك...هذي الاصول واذا جينا للشرع مايجوز الوحده تطلع من بيتها الا باءذن زوجها... طيب كيف يعني تروحين مكان وهو آخر من يعلم حتى ماعطيته خبر؟؟؟!!! وبعدين الرجال حتى لو مايبيك تطلعين قالك الولد صغير يعني خايف عليك بكره لاتروحين للنادي ووريه انك ماراح تسوين شي بدون ماتشورينه...وانه اهم من اي شي الزوجه الذكيه هي التي تملك قلب زوجهاوعقله بضعفها امامه.... راضيه واعتذري له ... ولا تحاولين تقهرينه حتى لو هو قاهرك اكسبي قلبه بحنيتك مو تعاندينه انا رجل والله وهذي نصيحتي لاختي لو كانت بموقفك... عيشي بسعاده تعيشين انتي بسعاده عانديه بعاندك وماراح ترتاحين ابد نصيحتي....اعتذري له واستأذني منه بروحتك للنادي بعد حين ...مو على طول خليه يفهم انه اهم من النادي...وانك منتي رايحه الا برضاه مع اني مااعتقد انه بيمنعك على طول لكن يبي يفرض كلمته في هذا الوقت والله يوفقكم ويصلحكم |
| الساعة الآن 06:28 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©