منتدى عالم الأسرة والمجتمع

منتدى عالم الأسرة والمجتمع (http://www.66n.com/forums/index.php)
-   المتزوجين (http://www.66n.com/forums/forumdisplay.php?f=6)
-   -   تعالوا يا ازواج قلولي انتم كذا طبعكم (http://www.66n.com/forums/showthread.php?t=147514)

شموع أضائت دربي 10-11-2007 12:49 AM

تعالوا يا ازواج قلولي انتم كذا طبعكم
 
السلام عليكم ورحمة الله وبركاته

امسي عليكم جميع وعساكم بخير

بصراحه انا خلاص معاد اتحمل مليت وزهقت من هالروتين وش ذا اعوذ بالله

انتم كذا يا ازواج لا مبالاه عندكم

زوجي لو يقعد مع اصحابه يومين مايمل منهم احنا بمدينه صغيره مش مزدحمه ويقول اعوذ بالله وش مقعدني بهالمدينه لو مو شغلي نقلت من زمان لانها على قولته زهق مافيها شي يونس وكل يوم من الساعه 8 وهو عند ربعه مايجي الا 12 او 1 باليل هذا غير اني اتفاجئ انه نازل الي المدينه الكبيره وداق ثلث ساعه رايح وثلث ساعه جاي عشان يلتقي باصحابه المجموعه الثانيه مو انا اصحاب زوجي موزعين مشاء الله ويوقت لهم ماشاء الله يبي يرضي المجموعتين وانا بالطقاق فيني لا واذا طلبت مشوار للمدينه الكبيره سوق مثلا او تمشيهه انا وياه او زياره يتعاجز ويتثيقل ويطلع مليون حجه واذا واحد من ربعه كلمه بالتلفون وقاله وينك قاله بجيك طيران ونص ساعه وهو عنده.... طيب انا توني طالبه منك تقولي مشوار عليك

انا وزوجي متفاهمين ونحب بعض لنا 11 سنه متزوجين والحمدالله خلافاتنا بسيطه ومحلوله

بس مشكلتي ربعه واصحابه ليه كذا وش هالحب والاخلاص لهم وانا هاملني لا واذا قعد بالبيت عشان يرضيني برضوا جلس على النت ويادوب يطل علينا ويرجع على النت زهقت خلاص معاد اتحمل

انتو يا الرجال والازاج خصوصا راعوا ربكم في زوجاتكم حرام عليكم الزوجه تحب احد يعبرها احد يجلس معاها يونسها حالها حال هالاصحاب الي تشوفوهم كل يوم

اذا قلت لزوجي هالكلام يبدأ يشغل معاي اسطوانته ياحياتي هذاني معاك يله سولفي معاي بس بعد وشو بعد مايجيني خلاص يبغى ينام وراه دوام ومعاد لي نفس انا بعد لا ويجيني مو متعشي قومي سويلي عشى.... خير ان شاء الله وين احنا ... لا ويرجع قلبي يحن واقول حرام خلوه يستانس مع ربعه واقوم اسويله عشا بس خلالالالالالالالالالاص زهقت

يروح مع اصحابه ماقلنا شي بس بحدود ما يقضى ثلاث ارباع اليوم عندهم

لا تقولولي فيني عيب ومايبغى يجلس معاي ومع اولاده كان قالي اني فيك شي زوجي صريح وماهما اي شي مايعجبه فيني فك حلقه ماشاء الله وتكلم بدون احراج
وبالعكس هو يحب اولاده ويحب القعده معاهم ويحبني ويحب القعده معي بس اذا جا تلفون من اصحابه تركنا وراح ولعاد شفنا وجه

وش الحل معاااااااااااه افكر اتركه عشان يشبع باصحابه وربعه

يا ازواج ارجع واقول خافوا ربكم في زوجاتكم لا تفضلون النت واصحابكم على بيتكم راعو الله في هالزوجه المسكينة

شاب ثلاثيني 10-11-2007 01:18 AM

انا اشوف انه مافيه مشكله في موضوعك

قلي الحمدلله زوجك طيب وحبوب

lo0o0oly 10-11-2007 01:48 AM

الله يصبرك ويكون معك
اكثري من الاستغفار

جروح تتكلم بصمت 10-11-2007 07:48 AM

يااختي اعتقد هذا فطره عندهم الشكوى لله حاولي تنشغلين عنه وحسسيه بانشغالك وبتشوفين النتيجه ان شاء الله
الله يهديهم بنموت عشانهم ومايحسون

شموع أضائت دربي 10-11-2007 03:27 PM

اقتباس:

المشاركة الأصلية كتبت بواسطة شاب ثلاثيني
انا اشوف انه مافيه مشكله في موضوعك

قلي الحمدلله زوجك طيب وحبوب

حياك اخوي وشكرا لمشاركتك

بس انه مافي مشكله؟؟؟؟؟ طييب يعني انتظر لمتى عشان يصير مشكله حقيقيه وبعدها ماينفع اي حلول

بالعكس اخوي اول خطأ يسويه الزوج واكبر شي يسويه ويؤدي الى طريق الهلاك انشغال الزوج عن زوجته طول اليوم
اخي لو زوجي ياحرام انشغل طول يومه في شغله قلت مسكين يتعب عشاننا وعشان عيالنا احس انه تهمه اسرته وصدقني بالعكس بصبر وبيكبر في نظري اكثر وبحطه على راسي

بس انه ينشغل مع اصحابه في اشياء تافهه لا تقدم ولا تأخر ...سهر وسواليف ومضيعة وقت ويجي باليل يدوب يحط راسه وينام لا ويقوم الدوام متأخر هذه مو مشكله؟؟؟؟

اجل اتركله البيت عشان يحس فينا عشان تصير هناك مشكله في نظرك

يا اخي يقعد مع اصحابه ساعتين ماهي مشكله بس انه يقضي اغلب وقته معهم لا والله مشكله كبيره بصراحه
والصاحب ساحب انا مادري وين راح يوده اصحابه اخاف يفرون راسه باشياء لا تحمد عقباه هذا راح يتاثر فيهم لان جلسته معاهم كل الوقت واحنا وشو عنده؟؟؟؟

شموع أضائت دربي 10-11-2007 03:36 PM

lo0o0oly

جزاك الله خير
الحمدالله على كل حال وفعلا الاستغفار له فاعليه عجيبه اللهم اجعلنا من المستغفرين يارب
الله يهدي زوجي وينور بصيرته يارب
جروح تتكلم بصمت

جزاك الله خير على المشاركه وانا فعلا اصلا تلقائيا سبحان الله ماصرت اهتم اصلا من كثر مامليت وصرت انشغل عنه بس مع الاسف هو ملاحظ يومين يبطل هالعاده ويقعد بالبيت بس على النت ورجع طول الاسبوع لعادته بس لو اعرف زوجات اصحابه كنت هزئتهم وش هاللاستحقار كل وحده ساكته لمتى؟؟؟

العايضي1 10-11-2007 06:33 PM

السلام عليكم

أتبعي الطرق السلميه لحل المشكله
بالطريقه التي لا تيعد زوجك عنك و عن أولااده

مثال منافشة هاا الموضوع انه يقلقك بالتدريج
وعندما يكون رائق و ان تقولين له اناا لا أمنعك من حقك الخروج الى ربعك
بس لاا تطول المده يعني اوقاات أو ساعات محدده يشوف فيهاا ربعه
ويكون منصف بين الأثنين وان يخصص لكم يوم بالاسبوع انتِ و الاولااد
للخروج لنزهه مثال يوم الخميس او الجمعه حسب عمله و حسب الظروف
ونفس شئ يقدر يخصص يوم او يومين للخروج مع ربعه وياخذ راحته
و يصير فيه انسجام و توزيع للوقت بين الاصدقاء والعائله


كل ماا أملك هو الدعاء لكِ ولي أولاادك
ان يحن عليكم قلب أبيكم و تفرحون بتواجده معاكم
طول اليوم والاسيوع والشهر
الله يؤلف بين قلوبكم و ويفقكم للعمل الصالح


معاني المفردات

ربعه = اصدقاائه

العايضي1

شموع أضائت دربي 11-11-2007 12:35 AM

جزاك الله اخي الكريم وبارك الله فيك وفي هذه الدعوات الرائعه

هو هذا المفروض وهذا هو الحل الامثل والانسب لكل عائله حتى لاتحس بعدم غياب اهتمام رب الاسره فيهم فيصبح هناك تشتت في الافكار والابدان

وياليت واتمنى من الله ان تاتي محاولاتي معه بنتيجه لكن هناك مثل ابو طبيع مايخلي طبعه
عسى الله ان يهديه ويصرف نظره ويبعد قلبه عن فعل الحرام وقول الحرام
ويغنيه بحلاله عن حرامه
ويصرف قلبه عن رفقاء السوء

وبصراحه الي يشغلون الازواج من اصحاب بهذه الطريقه حتى لو لم يفعلو الحرام اعتبرهم رقفاء سوء لان لو فيهم ذرة احساس كان كل واحد في بيته مع عياله وزوجته

ام هنّوي 11-11-2007 12:41 AM

الله يصبرك

حياة الروح 11-11-2007 12:43 AM

ليه ماتطلبين منه يعرفك على زوجات اصحابه وتصير لكم سهراتكم الخاصة...

او يكون لكم يوم خاص بكم يمشييكم ويتفرغ لكم واليوم الثانى له.


الساعة الآن 12:15 PM.

Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©