|
استشارة خاصة ....
السلام عليكم ورحمة الله وبركاتة أخواني أعضاء ومشرفي المنتدى يا اخوان أنا ما صار لي ثلاثة اشهر وزوجتي الان حامل صراحة يا أخوان أني ما طعمت طعمة السعادة الزوجية ففي الشهر الاول كانت زوجتي تعاني من الآم وأوجاع وتبكي من غير سبب( بعض الاحيان) وأنا قلبي رقيق ما أتحمل البكاء وأكلها قليل جداً وبنيتها ضعيفة يعني إذا ما أكلت تهجم عليها الامراض بسرعة وزاد الطين بلة الوحم وصارت ما تاكل الا بعد الشد والمد وتكرهه أكثر الوجبات من المطاعم وهي تكره المطبخ وصرت أطبخ لها أنا وأقدم لها والاكثر من ذلك عدم اهتمامها بنفسها وأحس أنها متضايقة وتشكي من الآم وما تهتم بنصائح الدكتورة على العموم يا اخواني صرت أنا متحمل مسؤلية الطبخ ومسؤليه متعابعتها بالعلاج والاكل ومراعاة حالتها النفسية إضافة إلى مشاكل العمل فلا أخفيكم أنني بعض الاحيان أقول أن العزوبية كانت أفضل لي وأريح من حيث الهموم الغموم والتكاليف المادية أتمنى مشورتكم ونصائح |
اولا الف مبروك الحمل .. وربي يجعله من مواليد السعاده و يكون قدومه خير عليكم ..
والله ما الوم زوجتك ... انا معاناتي نفس معاناة زوجتك .. حامل و اتوحم .. وما لي نفس على شي و هذا انا حملتي السادسه .. اغلب الطبخ تقوم به الشغاله .. طووول اليوم تعبانه و قرفانه و ما لي نفس على زوجي .. ما انام معه على السرير .. افرش لي على الارض و انام .. كرهت حتى السرير .. ما لي نفس حتى اناظر وجهه .. المسكين يقول لي أميرات انت وش تتخيليني .. (ضب مثلا ) خخخخخ اقول له والله استحي اقول لك .. يقول لا عادي قولي ما راح ازعل .. اقول له المشكله اني اشوفك ولا شي .. على الاقل الضب مخلوق .. بس انت ما اشوفك شي .. تحمل شوي فتره الوحم تقريبا 3 شهور و تعدي ان شاء و تقوم زوجتك تخدمك .. وربي يسعدك .. أميرات .. |
ما عليه يا اخوي
لا تلومها والله شي غصب عنها اذا كنت تحس انه الموضوع فوق طاقتك خلها تروح بيت اهلها الى ان يخلص وحامها اتوقع انها ودها س مستحيه تقول لك |
السلام عليكم
اخوي بغيت اقولك ان اللي تمر فيه زوجتك شي طبيعي احمد ربك انها ماصارت تصارخ وتشقق هدومك مثل اختي اختي حتى سيارة زوجها ماتسلم منها وإذا سألناها ليش قالت بس ماأحبه اكرهه وماأبيه وهو الحمل الخامس لها وفي كل حمل تصير لها نفس المعاناة لكن بعد الولادة كل شي يرجع طبيعي ويعيشون احلى حياة فمعليش كل الحريم كذا لما يحملون يكرهون حتى انفسهم ومن ناحية انها في أول الزواج كانت تبكي كثير اعذرها انا كنت ابكي بسبب وبدون سبب لا الحياة كانت جديدة علي والبيئة وحتى الرجال فتطمن اخوي واصبر كلها كم شهر ويجيكم احلى مولود وترجع زوجتك احسن من الأول وتعيشون أحلى حياة الله يوفقكم يارب...... |
مبروك اخي ...ربي يقوم زوجتك بالسلامة
ما تمر به زوجتك طبيعي جدا ....انا اذا حملت اكون مثلها واكثر من ناحية البكاء وقلة الشية و التعب زوجي لانه ما يقدر يرعاني يوديني بيت اهلي فترة ...واذا تحسنت ارجع البيت هذا وانا عندي خمس اولاد اذا ما تقدر ترعى زوجتك ...خذها بيت اهلها حسن لك ولها وربي يسعدكم |
والله اللعظيم انه نفس السيناريو صاااااااااااااار معي
بالاضافه الى ان زوجتي عانت من الروااائح وكنت تتضايق من اي ريحه سواء عطر او غيره عااااااااااااااااااانيت معاها كثير فاقول الله يعينك اصبر وتحمل وانا انصحك توديها لاهلها اذا كانوا قريبين منك الى ان ينتهي الوحم اعااانك الله |
أفضل حل لك ولها
أنها تريح في بيت أهلها فتره |
مبروك حمل المدام
وبصراحة تنحط على الراس خدمه على طول الله يعينك |
الف مبروك الحمل اخوي ....:14:
مثل ما ذكرو الاعضاء شئ طبيعي اللي جالسه تمر فيه زوجتك ,,, وانت لازم تتحمل ,,, لانك سبب في حملها والجاي في الطريق ثمره حب مشتركه بينك وبينها بكره تخلص الوحم وتتحسن ظروفها ,,, وترجع ايامكم احسن من قبل بس لازم تتحمل ,, إذا انت تعبت من المعاناه اللي اهي فيهامن تعب ووهن وقله اهتمام بالنفس ,,, فهي مسكينه صابره على التغيرات والتفاعلات اللي جالسه تصير بجسمها ,, الله يسهل عليها انشاء الله بوقتها دمت بود ,,,,, |
ماعليها تحملها شوي
كل الحريم يحسون بهالاحساس وقت الحمل الوحم مرررره متعب والنفسيه تصير تعبانه الله يفرحك ان ا الله بقومتها بالسلامه وبشوفة البيبي |
| الساعة الآن 07:13 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©