|
مشكلتي العويصه مع الحمل والحوامل
السلام عليكم ورحمه الله وبركاته اسعد الله صباحكم \\مسائكم بكل خير :d كيفكم يابنوتات :17: <<<اصغر باعمارنا كاننا تونا صغنونات:15: خلونا نحلم اليوم وانا جالسه افكر بالحياة طبعا مثل كل يوم:24: ياترى بكرة وش يصير ياترى هل بكرة تنخطب اختي الكبيرة ان شاء الله وانا معاها والا لا يمكن اجلس بعدها فترة اجل كم يكون عمري ذاك اليوم :11: وارجع اقول لا ان شاء الله يجوننا اخوان بنفس اليوم والا يمكن هي تنخطب الاسبوع هذا وانا ان شاء الله الاسبوع الى بعدة:17: تصدقون بالله يمكن تضحكون لو اقولكم هالكلام بس وش اعمل مالي بعد الله غيركم افضفض له واكتب الى بنفسي وانا متاكدة ان شاء الله ان محد منكم راح يضحك على والا يقول البنت تخبلت تدرون ليش :d لان مافي احد منكم يعرفني والا انا اعرف منكم احد غير انكم اخوة لي بهالمنتدى واخوات اجتمعنا همنا واحد وتعبنا واحد وضيقنا واحد :17: اجتمعنا على الاخوة بالله والحب بالله ان شاء الله والدعاء لبعضنا البعض المهم خلوني اكتبلكم مشكلتي الجديدة الى طحت فيها من فترة :( الله يسلمكم اختكم غموض :29: صارت اذا شفت حرمه حامل بالتلفزيون والا اذا جانا وحدة من بنات عمامي او خالاتي حامل:d اجلس اشوف بطنها ساعه كاني اول مرة بحياتي اشوف حامل حتى هم يستغربون من نظراتي لبطنهم :d :d تصدقون بعضهن شكاً بنفوسهن المسكينات يحسبون فيهن بلاء ببطونهن:11: مايدرون البلاء براسي انا :d واذا راحت هالحرمه من عندنا :) دخلت بسرعه بالغرفه وجلست انفخ بطني والى احط فيه ركايه (مخدة صغنونه :d ) تدرون ابغى اشوف كيف الحمل يكون على باذن الله :15: والله لايبلاكم صارت عندي عقدة من ملابس الحمل وخصوصا الحين كل اغلب السوق يعني من سنتين بلايزا البنات مثل بلايزا الحمل :30: وكذا كذا لازم مظطرة اشتري منهم وبكذا تزيد عندي الحاله الهستيريه :d لا والادهى والاخطر من ذلك تدرون وشو سمو بسم الله وقولوا ماشاء الله:d صارت عندي هوايه تجميعهم واقول ان شاء الله اذا حملت البسهم راح احتفظ فيهم الين اتزوج باذن الله واحمل وكل مالبست وحدة منهم جلست عند المراة ساعه مسنترة اشوف شكلي كيف يكون وانا حامل :17: باذن الواحد الاحد واشوي احط يدي ورى ظهري واشوي اعمل نفسي تعبانه واحط يدي على بطني وراسي اقولكم صارت حالتي مستعصيه لابعد الحدود :d وبالعكس تحسبوني زعلانه والله فرحانه خلوني احس بااحساس الحمل واحلم لان الحلم احسن من الحقيقه مليون مرة :( الحمدلله على كل حال طبعا محد يشوفني من اهلي حتى خواتي لان لو شافوني يحلفون اني انهبلت:23: خلقه ابوي شايل همنا مو عاد يقول وحدة منهن انهبلت :d اقولكم الحاله عندي تعدت المعقول :d من حبي للاطفال والنونوات:15: و الحمل صرت بس جالسه بقسم النساء والولادة <<<<الى يشوفني يقول عندها عشر عيااااااااااال :d لاتحسبوني خبطت براسي والا شي :26: لا والله بس كنت جالسه طفشانه اتصفح بالمنتدى وصراحه تعبت من كثر ماني عامله نفسي حلالات مشاكل ::d :21: <<<صدقت نفسي صرت فوزيه الدريع على غفله :d حلي مشكلتك اول يالفالحه المهم قلت لاياغموض لازم تعملين شي تتونسين فيه قلت مايبيلها غير ارجع للمواضيع القسم المطلقات والارامل والعوانس الاولى القديمه جدا واقراها :) وانا جالسه اقراء بمواضيع كثير من البنات ماشاء الله:d الى توفقوا وتزوجوا طبعا والى كان لها نصيب الاسد اختي وحبيبتي شوبارد:17: الله يوفقها بحياتها الجديدة ويرزقها الذريه الصالحه :15: جلست اضحك على نفسي اقول معقوله في يوم من الايام يكون موضوعي هذا ذكرى اليمه وقديمه بنفس الوقت :24: والا ذكرى حلوة ارجع لها عشان اعرف نعمع ربي علي واتمسك فيها باذن الله معقوله باذن الله في يوم من الايام امر على المواضيع هذي والقسم هذا والمنتدى هذا كله يمكن مرور الكرام عاد تعرفون الزواج ومسؤلياته :d ان شاء الله<<<تكفون خلوني احلم اشوى يعنني احم احم :27: :17: يمكن زوجي مايجيببلي النت ببيتنا كيف ادخل عليكم :11: <<<تصدقون دايم افكر فيها بس اقول لا ان شاء الله لان الاب توب لاب توبي انا :d وراح اخذة معاي اذا تزوجت ان شاء الله :d تصدقون جلست اسال نفسي سؤال :29: ويدور ويقرقع بقلبي الحين البنات الى كانوا بالقسم هذا وربي وفقهم وكتب لهم زواج والحمدلله تلاقونهم يرجعون يقرون مواضيعهم الاولى :18: دققوا بالسؤال زين السؤال هم يرجعون يقرون المواضيع الاولى لهم يوم كانوا يشتكون ويتمنون ويدعون مااقصد مايدخلون القسم نهائي والا يعتبرونها ذكرى حزينه ومؤلمه لهن ومايدخلنها وش رايكم انتم ادري طولت عليكم لكن شي بنفسي وحبيت افضفض واقرق عليكم خصوصا ان القسم له كم يوم نايم ماشاء الله وفقدت فيه كثير من البنات الله يردهم بالسلامه ومعاهم اخبار حلوووووووووة يارب اقول منتم فاقدين مالك عالمي والعام وغزاله الوادي وكلي شعور خصوصا هالثنتين من جابوا طاري الخطابات اختفوا وليدي سوفت وكثير والله مادري وين العالم اختفت :23: ان شاء الله يجون بخبر خطوبتهم قريب مو بعيد يااااااااااارب :14: كلمه اخيرة لاخواني الاعضاء اي كلمه جارحه او الحمدلله على نعمه العقل او الحمدلله البنت انهبلت يحتفظ فيها لنفسه واكون شاكرة له دمتم بطاعه وايمان وبخير وعافيه وحب وفرح وسرور مدى العمر يارب :d :d |
يا حبيبتي يا غموض السنين ان شاء الله ربنا بوفقك بواحد خفيف دم مثلك
وان شاء الله بكرى بتتزوجين وبتحملين وبتقولي لو بقيت على الحلم افضل:d الله يرزق الزوج الصالح عاجلا غير اجل وفعلا فقدت كل البنات الي تكلمتي عنهم الله يردهم مخطوبين قولي امين :d وفقك الله لكل خير في رعايه الله |
و عليكم السلام ورحمة الله و بركاته
يا غموض و الله اضحك الله سنك ,, يا حبي لك ترى ما أضحك على هواياتك و احلامك و احلام اليقظة لا و الله بل على خفة دمك :22: ان شاء الله دوم كذا تصدقي والله تأثرت و أنا اقرأ كيف تنظري للنساء الحوامل ,, و كيف تمثلي بينك و بين نفسك ,, حقيقة أنا أحلامي و أحلام يقظتي لم تتجاوز أول أيام الزواج ,, :d أما أيام الحمل ان حصل فلم اتطور و اصل لهذا المستوى لأن لدي شبه عقدة ,, فكلما رأيت أمراة حبلى :24: أقول الله يساعدك الحمد لله انا انسة :) صعبة ترى هذه الفترة (تقولين مجربة!!) لكن تخيلي ثقل نايم عليك نوم ,, بالنسبة لمواضيعي فصراحة ورغم انني عضوة في هذا القسم إلا أني لا أحب ان اقرأها بعد ان اكتبها أشعر انها تحفر في قلبي الألم حفرا .. و لهذا بمجرد ان اكتب ,, لا اقرأ الموضوع ابدا بل لا أعود إليه !!! بالنسبة للبنات ,, اقول الله يوفقهم و يرزقهم الحلال الطيب و أنت يا غموض و جميع بنات المنتدى ,,, و افتقدهم مثلك تماما ,, شكرا من الصميم على موضوعك الجميل ,,, |
يا طعامتك وخفة دمك:d
تصدقي وانا بقرأ موضوعك قلت هالرجال يا إما نظارتم سوداء يا إما انعمى ع قلوبهم:30: وعيونهم وتاركين هيك عسل بلا زواج حبيبة قلبي الا ما يزيح واحد منهم نظارته ويشوف هالقمر:) إلهي يرزقك الزوج الصالح عاجلا غير آجلا أم وليد |
اقتباس:
هلا وغلا فوفو :17: حبيبتي انتي الله يسعدك على هالدعوووووووة :d بس هو متى يجي هالواحد ماابغى حتى خفيف دم المهم يجي :d اخاف اذا جاء خفيف دم مثلي نطير انا وياااااااااااة من خفناااااااا :17: :17: <<<اخفف دمي على هالصبح :d ااااااامين اااااااااااااامين يالغاليه |
اقتباس:
الشكر لك على مرورك الاجمل وربي نور موضوعي ردك الله يوفقك دنيا واخرة :d |
اقتباس:
اللهم اااااااااااااااااااامين ويفرحك بوليد واخوانه وتفرحين في عيالهم ويرزقك برهم ويسعدك بالدنيا والاخرة ويردك سالمه غانمه لديرتك |
الحمدلله على نعمة العقل :d شوفي انا دخلت بالمنتدى وانا قاضيه يعني متزوجه بس لي كذا مشكله ومن بعد ما انتهت المشكله ماعد دخلت ثاني لها امر على مواضيعي كلها الا المشاكل اتجاهلها لانها مؤلمه فطبيعي ان الالم والهم محد يبيه ولا يمكن يحاول يسترجعه طبعا سؤالك بشرق وردي بغرب الله يسعدك ويرزقك بالزوج الصالح والذريه الصالحه |
الله يرزقك ياغموض ويفرحنا فيك وفي أخواتك عاجلا غير آجل ... والله ما أكذب عليك إن عيني دمعت لما قريت موضوعك ودعيت لك من كل قلبي وقاعده أقول في نفسي سبحان الله في ناس في الدنيا تعاني وما يعلم بما في نفوسهم إلا الله سبحانه .. لكن لا تخافي ياغموض ما تضيق إلا تنفرج والفرج قريب بإذن الله .. وأنا رحت لمكه في رمضان ودعيت لجميع أخواتنا في المنتدى وخصيتك بالدعاء أنتي وأخواتك ( الله يجعلها خالصة لوجهه الكريم ) .. وأنا بصراحة ما أتمنى أكتب مثل هذا الكلام لأن دعوة المسلم لأخيه المسلم الأفضل إنها تكون في ظهر الغيب لأنها بإذن الله مستجابه ولكن عشان أوصل لك أنك لا تحقرين كتاباتك ترى في ناس تقرأها كثير ويمكن واحد أواثنين منهم يدعون لكم ويستجيب الله دعائهم .. صحيح أنا كتاباتي قليله في المنتدى لكثرة إنشغالي لكني متابعه له من زمان وأعرف جميع الأعضاء .. الله يفرج همك وهم المهمومين من المسلمين .. |
ضحكتيني يا غموض والله اني جلست اضحك ههههههههههههههه
إن شاءالله حبيبتي تتزوجين واتجيبين الذريه الصالحه |
| الساعة الآن 05:32 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©