منتدى عالم الأسرة والمجتمع - وين اروح في الرياض

منتدى عالم الأسرة والمجتمع (http://www.66n.com/forums/index.php)

- أرشيف السياحة والسفر والرحلات (http://www.66n.com/forums/forumdisplay.php?f=65)

- - وين اروح في الرياض (http://www.66n.com/forums/showthread.php?t=147964)

وين اروح في الرياض

:27: ودي انا وزوجي نزور الرياض بس ما ني عارفه وين ممكن نتمشى ياليت تساعدوني عسى ان يرزقكم الله الجنه

بالنسبه للمولات.. الفيصلية-المملكة-صحارى-حياة مول هذي احلى واشهر مولات بالرياض حاولي تزورينها كلها..

بالنسبه للمطاعم والقهاوي.. طبعا شارع التحليه فيه احلى مطاعم ومقاهي الرياض وتقدرون تقعدون وتجيبون لابتوباتكم لان الشارع كله مغطى بواير لس :) يعني ماعرف كيف نظامكم عادي تجلسون بجلسات مفتوحه ولا تفضلون غرف مغلقه عادي تروحون اماكن غاليه ولا تبغون اماكن اسعارها معقوله..

طبعا الحدائق كثيرة والجو هاليومين يجنن احلى شي تاخذون قهوتكم وفرشتكم وتروحون اقرب حديقه..

بالنسبه للمنتزهات والعاب الملاهي في عندك ملاهي الحكير وستار سيتي وعندك شاليهات المرسى وفانتزي لاند وغيرها كثير بس هذي اللي تحضرني بس هذي احلى لو تكونون مجموعة كبيرة تستأجرون شاليه وتسهرون فيه بالذات اذا معاكم اطفال فيه العاب مائيه وخيول وسباق سيارات وو..

طبعا بالمملكه تقدرون تطلعون فوق البرج وتشوفون مدينة الرياض من ارتفاع شاهق منظر يجنن خلي معاك كاميرا..

فيه اسواق شعبية اذا حابه زي العويس وطيبة والمجد..

اذا حابه تستفسرين اكثر عن المطاعم ردي على تساؤلاتي اللي قبل وقولي وش انواع الاكل اللي تحبونها ايطالي صيني .. الخ وانا اعطيك لستة مطاعم تناسبكم ويارب تنبسطون وماقلتي لي كم المدة ووين بتسكنون عشان اسوي لك بروقرام :)

اذا ناوية تسافرين وتدفعين فلوس فروحي الشرقيه هناك احلى او ابها احلى مكان

لو سمحتي بغيت اسال ايش يعني ايماس
عشان انا حامل وعندي ولد وبنت اياس وايلان

حياك الله البحله بالنفس ماشاء الله عليها قالتلك اهم الاماكن

وفيه مجمع اسمه غرناطه حلو مره

وفيه منتزه فانتزي اذا معكم اطفال جدا ممتاز

وزوري مطعمنا بالفيصليه بالطابق A11

وعطينا رايك فيه
وزي ماقالت البحلة بالنفس وش الاماكن اللي تبينها من اسواق ومطاعم اذا تبين الغالي موجود واذا تبين الرخيص بعد موجود بس انت حددي مطلبك وبندلك انشاء الله

من المطاعم في الرياض (البحصلي ) (مارينز) وكلها على طريق الملك عبدالله
(اسماك النافورة) على طريق الملك عبدالعزيز :23:

عندك المطاعم فيه ماريز و البحصلي ووهذي في طريق الملك عبدالله وفيه شيليز في شارع التحليه ..

وإذا تبين اسواق عندك المملكه والفيصليه و العليامول وصحارى وريال مول ..

وإذا تبين منتزهات مالك إلا شاليهات قرية الثمامه :22:

وحياكم الله بالرياض أهل الرخا الفياض
:17:

ومن اخم المطاعم مطعم ست الشام رااااقي ورررروووعه

ولاتهون باقي المطاعم

...

المطاعم خذي وخلي..
أفوكادو جو رومانسي وروعه للمتزوجين على طريق الملك عبدالله..
في النهار يمدحون شاليهات الثمامة هاليومين..

والله يا اعضاء منتداي الغالي ما قصرتو واشكر كل الي ردو علي انا زرت الرياض يوم الا ربعا ء والخميس والجمعه وهذي زيارتي الثا نيه للرياض وزي ما دلوني الا عضا ء الاكرام زرت المملكه وبصرحه هو مجمع راقي جد ا وزرت صحاري وتعبت من التسوق فيه لئنه مجمع كبير وصرفت اغلب فلوسي فيه اختي eyianسؤالك عن معنى ايماسا والله ما عندي فكره عن المعنى ومره اخري اشكر الجميع وجزاكم الله الجنه :22: :22: ;