|
يا لي ما له حظ لا يتعب ولا يشقى
السلام عليكم ورحمة الله وبركاته
دائما بحس حالي قليلة حظ مع الناس الله يجعل حظي وحظكم والمسلمين افضل الحظوظ مع ربنا شو ما عملتي من معروف وجبر خواطر بيخلوك تندمي عليه البحث عن صداقة واخوة في الله بهالغربة صار كأنك تبحثي عن شئ منو موجود وكثير نادر يا كثر ما اتحسرت ع صداقات اعتبرتها اخوة صرت اخاف والله لو علي انا ضليت وحدي وما همني بس مشان ولادي حابة يتعرفو ع رفقة جدد المضحك الي رفيقتين اجنبيات عمر صداقتنا تعدت 11 سنة ولا عمري في مرة شكيت ولا هن إشتكوا بيعاملو ولادي احسن احيانا مني فما بعرف الخطأ فيني والا في الغربة والا في من حولي حرام يكون عندي رفقة عرب ومسلمين والا انكتب علي عيشة الاجانب مليت غربة ووحدة وقلة رفقة :( بس فضفضة حبيت اخد رايكم أم وليد |
الاخت الفاضلة والكريمة ام وليد
اولا اسال الله ان يهدئ سرك ويفرج همك وكافة المسلمين والمسلمات في اقطار الارض جميعا لكل واحد في هذه الدنيا هم يكفيه وكان همك فيها الغربة صعبة لا شك لكنها امر جبرنا على الموافقة عليه يقول المثل " اللي بيشوف مصايب الناس بتهون عليه مصيبته " يعني انت بغربة بغير بلدك عندك عائلة كريمة اسال الله ان يحفظكم لبعض ويسخركم لطاعته الصحة والعافية الرزق ولله الحمد فلو نظرنا الى من هم في غربة في بلدهم اتعتقدين سنبقى مكبوتين هكذا ؟ انا لا الومك بل اردد ما تقولين ولكن يا ام وليد الامر ليس بايدينا نقول الحمد لله على كل حال ونسال من فضله ان يسخر لنا من يرتضيهم ومن يكونون عونا لنا على الدنيا لا عونا للدنيا علينا بارك الله بك مع خالص الاحترام والتقدير اخوك ابو عمر |
عليكم السلام ورحمة الله وبركاته
الله لايطوّلها عليك ياأم وليد ويشرح صدرك دووم يــارب بصراحة ماأدري وش أقولك ، لأني أشاركك بعض الهم من حيث الصداقة والرفقة فعلاً ماصارت النفوس مثل أول والسعيد من عرف حدود هذه الصداقة بحيث إنه مايتعمق فيها ولا يكون سطحي فيها علشان مايجي يوم وينصدم وينهد كل شي بناه أنا مش سلبية لكن التجارب وصلتني لهذه القناعة ، لا تشكي ولا تتعبي حالك على شي مش بيدك ولا تيأسي إبحثي عن صداقات قائمة على أساس متين حتى تستمر مثل تلتقي مع ناس يجمعكم حب في الله وعلى أوامره راح تستمر لأنه ربي يبارك فيها أكثر وماتكون قائمة على مصالح دنيوية فقط . الله يكون في عونك ياأم وليد . |
اقتباس:
أهلا وسهلا اخي ابو عمر الحمد لله ع كل حال وأي حال الله يعطينا فضل الغربة ويبعد عنا شرها الله يجمع الشمل ويقرب البعيد ويلم الاهل والاحبة و تتهنى بشوفة عمر وأختى أم عمر بتشكر مرورك ودعواتك الطيبة اخي الفاضل |
اقتباس:
غربتي يا قلبي وما بتتهي الا للقبر هيك الله كتب انولد بغربة وبعيش بغربة وانا كمان وصلت لهيك قناعة تعامل سحطي ورسمي مع الكل لانه هالطيبة القلب ما عاد إلها مكان اسفة ياعمري و الله الكلمات ما بدها تطلع كتير مخنوقة تسلمي لي يا رب |
حبيبتي في اي بلد انتي ؟؟
ممكن نكون بنفس البلد :) |
اختي حبيبتي ماتزعلي
هالمشكلة اقلك للناس الطيبين الي بهتمو بالصداقة وبيأمنو فيها والله انا متلك بدور عصداقات وهيك لكن الناس مابعرف كيف صايرين طيبة القلب الكبيرة صارت مشكلة لانو لو قلبك مش طيب كتير كتير طيب نص نص يعني فاهمة كيف علية ماكان اصصلا فكرتي بالصداقة كتير او اهتميتي كان فكرتي بحالك وزوجك وبيتك وخلص انا كل مااحس انو خلص صارلي عيلة تانية بالغربية بطلعلولي بنهفة غير شكل وموقف بخليني اكره حالي فخلص انا الي امنت فيه الوحدة مالها غير بيتها وزوجها شو نقول؟ حتى قبل مااتجوز في بلدي نااااااااااااااادر بل انه معدوم تلاقي صديقة بالمعنى الحقيقي انا الي صديقة من 16 سنة من ايام مكنت بالكويت مع اهلي ورغم انو انا سافرت لكن علاقتنا للان قوية وبنعرف كل شي عن بعض وبنحكي كل كل كل اشي لبعض هاي نادرة طلعت مابظن الي متلها كتار اما بعد الزواج خلص غيرها مافيه كل البنات الي تزوجو فكرو حالهم خلص كبرو عالعالم قال الوحدة بتتزوج بتحسسني انو ماصدقت وتزوجت بحسسو الواحد انو ماكانو مصدقين انو راح يتجوزو فلما تجوزو خلص قال يعني بطلو يسالو لا فيه منهم مامعهم اولاد ولاشي ومش حوامل متلي يعني بس خلص قال مشغولين شي بيضحك انا ماصدق هالحجج ابدا بس الناس تغيرت صدقيني وخلص كل واحد همو حالو ماتزعلي هيني انا صحبتك:d ياريتك عندي كان صرنا احلى صديقات بس عااااااااااااااااد... احمدي الله عندك زوج محب واولاد في صحة جيدة ما شاء الله الله يخليكم لبعض يعني اشي بهون على اشي انا صدقيني كل يوم بيمر بتاكد انو مالي غير شادي بالهدنيا وهوة الوحيد الثابت في حياتي ومابتغير ولابتنكر زي هالناس الله يوفقك يارب وحظك اصلا بفلق الصخر بتعرفي ليش؟ لانك بتعرفيني ولاني رديت على موضوعك:d:d:d |
هناك من يشتكي من غربة الوطن
واخرون يشتكون من غربة النفوس هوني عليكي اختي الله بيفرجها الله يعين كل واحد على ما ابتلاه |
اقتباس:
المشكلة منها ببلد ولا بأهل البلد ليش هيك صارت نفوس إخوانا العرب وليش الغربة عم تغير الناس انا بكندا اهلا وسهلا بمرورك |
اقتباس:
حبيبة قلبي والله يا ربي ع الكلام الي طالع احلى من العسل ايه والله صادقة مالي غير ابو وليد الله يحفظه ويصبره علي مزاجي لمتقلب اقتباس:
اقتباس:
الله يخلي لك إياه و يحفظكم من كل مكروه ومن كل عين ما باركت ولا صلت ع النبي اقتباس:
يا سبحان الله احيانا الشيطـان شو بيعمل فينا الله لا يوفقه من الصبح وانا حاسة حالي مهمومة من ولا شئ بتشكر مرورك العسل يا عسل |
| الساعة الآن 02:47 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©