كيف اتعامل مع عيوب زوجي المعدد
 

زوجي يراني دائما على الخطأ وكأنه معصوم من الخطأ ومتكبر لايحب ان يغلطه احد وكمان مايحب يتأسف ابدا حتى لو عارف انه غلطان في قرارة نفسه وكمان عنده مشكله انه دايما يعايرني باي شي حلو يسويه ليا مثلا انه جايبلي شغاله تساعدني في البيت والاهم من دا كله انه اتزوج عليا بعد عدة شهور من زواجنا ومصر اني وزوجاته نكون اصحاب وما نختلف ابدا ولو فيه اختلاف او سوء تفاهم بيننا عنده استعداد يفصلني منه وكل ما اعاتبه وانهه باشياء تضايقني منه يلمحلي انه حيطلقني ويقول اني حندم واتندم من غيره فهل دا صحيح انا بس مشكلتي اني اشوف الحياه الزوجيه زوج وزوجه وبس من غير ضراير افضل ودايم اقارن بين حياتي وحياة الناس هدي مع العلم اني انا وضراريري متفاهمين لدرجه كبيره وعلى علاقه جيده جدا ببعض ودايم ننصح بعض ونواسي بعض ولكني ارى ان حقوقي الزوجيه مهضومه عشانهم مثلا ماينفع نخرج انا وهو لوحدنا ابدا عشان هو اتعود انه احنا دايما مع بعض وكمان مثلا اذا طلبت منه فلوس لازم يعطيهم زيي ودايما يعصب عليا قدامهم اذا انا قارنت بين معاملته ليا ولهم او بين الي يعطيني ويعطيهم ودايما يحب يدخل الاسره كلها في مشاكلنا ويقارنني بحريمه الي يحاولو يرضوه و متجاهل حقيقه ان كل انسان غير الاخر ومن غير الممكن انه يصبح زي الاخرين

ارجوكم اعطوني ارائكم لأني دايما اخاف من تهديده وانا عندي اطفال وانا فعلا احبه وابغا اعيش معاه لاسباب كتير بس ما اعرف كيف اتعامل مع هذه العيوب افيدووني واتعايش معاها بصبر وثبات انا تعبانه مرة من هذه المشكله ارجوكم ساعدوني

حبيبتي العيوب فيكي انتي ولاتزعلي مني 00انتي كاشفه اوراقك لهم كلهم المفروض تتعلمي السياسه مع زوجك حتى تعرفي تكسبي رضاه ولا تحاولي تقرني نفسك فيهم ضرايرك عرفوا تعاملك معه وانه يكره تصرفاتك فستغلوا هذا لمصلحتهم لكسب رضاه
الشئ الثاني هو عادل بينكم بالمصروف فاكيف ترضي يعطيك انتي غير الي يعطيهم
حلوا منك مصاحبه ضرايرك بس سالتي نفسك ليه انتي يتعامل معكي غير فكري بتلاقي الاجابه عندك
اذا انتي متضايقه من تهديده ومعاتبه قدامهم تحاشي انتي اي حاجه تنرفزه وناقشيها اذا كنتوا لحالكم
حابه اسالك زوجك من النوع المنان يعني يحب يعطي بس يمن
انتوا ساكنين مع بعض والا كل وحده في بيت
كم صارلكم متزوجين
والله يهدي بالك وعليك بدعاء الله يسخره لكم

الله يسعدك .. الدنيا ماتكمل .. والصبر مطلوب .. هذي دار امتحان وابتلاء وتمحيص .. أنتي تعانين مما تعانين .. غيرك تعاني من عدم الزواج .. غيرك تعاني من الحرمان من الإنجاب ... وهناك من يعاني من الإعاقة .. وهناك من يعاني من الفقر ..
كل إنسان يحاول أن يتكيف مع معاناته .. وإلا فإن الحزن لن يفيده وقد يدمره .. الله يعين الجميع (آمين)

الله يفرج همك غالييتي



نقل للمتزوجين