|
زوجي أساء لي
السلام عليكم ورحمة الله اخواني اخواتي سأشرح لكم مشكلتي بأختصار انا متزوجه من سنه وثلاثة اشهر من شخص مزاجي واناني في نفس الوقت البارح صارت مشكله بيني وبينه لاني شهر كامل وانا اقوله طلعني ابي اشم هواء لا احد يجيني ولا اروح لاحد ولا عندي لا ولد ولا تلد المهم تزاعلنا من اربعه ايام ولاهمه يطلع ويرجع اخر الليل وانا بنطق طفش وزعل والله لو تدرون عن تضحياتي وتنازلي عن حقوقي معه لدرجة اني من تزوجنا مارحت السوق الامره ولا اخذت كل احتياجاتي وناقصي اشياء كثيره بس اسكت واقول يمكن يتغير المهم رجع من السهر نصف الليل قال يالله نطلع قولت الحين قال عادي وش يعني كأنه يبي يطلعني خمس دقايق ويرجعني تأديت واجب لا اكثر ولا اقل المهم طلعنا ولقينا سكران وبلغنا عنه قلت لزوجي شفت ما احد يطلع زوجته في ها الوقت قال عادي مافيها شئ انا ولعت وقمت اتكلم عليه قال انا وانتي نطلع قلت نطلع بس فين وفين وانا اطفش المهم قام واستفزني قولت له حتى لو طلعنا تقعد تطالع في الحريم وانا صادقه ماتتخيلون بغى يضربني في السياره قدام الناس وقال يا حيوانه والله لا اصفق وجهك بالجزمه وجن جنونه بغى يصدم لمى شفته كذا قولت العن الشيطان يابن الحلال ومعليش المهم نزلت البيت ونمت الحالي في الغرفه اخذت فراشي وطلعت انام الحالي وما كلمته وش رايكم في المشكله وش اسوي احس قلبي منكسر وبيتفتفت ولا هو داري وطول الليل وانا ادعي عليه لانكم ماتدرون كم تنازلت عن حقوقي. |
انا اشوف انه ما تسكتين عن الموضوع نهائيا واخبري اهلك بالموضوع حتى يتكلمون معاه ويخلون حد
لتصرفاته وانتي مالك ذنب ومطالبك عادية وهذه ابسط حقوقك . والله يفرج عنك همومك . تحياتي |
بس قولي لاهلك برضو
الرجال قليل في هالايام! حسبي الله عليهم |
اختي العزيزه حبي نادر انا جبت مشكله وحده من المشاكل اللي اعانيها انتي ماتدرين وش كثر اعامني من اول يوم في زواجنا شئ يذكر وشئ لايذكر وكل صفه قبيحه في بالك هي في زوجي .
|
الله يعنك ويصبرك نصيحتي لك حافظي على الصلاة وقراءة القران وأكثري من الدعاء أن الله يهدي زوجك وقولي (اللهم أهدي زوجي وأرزقه حسن الخلق وطيب المعشر )وصدقيني بالكثرة الدعاء لله+الكلمه الحلوة+الصبر رح تشوفي زوجك يتغير بأذن الله تعالى الله يهدي زوجك أن شاء الله
|
اقتباس:
عزيزتي شلون انتي ساكتة طول هذي المدة ( سنة و3 اشهر ) ؟ حطي حد نهائي لهذه المشكلة لانه السكوت عن الحق شيطان اخرس وحاولي تعلمين اهلج بلسالفة ولو انه تدخل الاهل راح يحصل مشاكل اكثر بس والله اختي ما اعرف شأقولك , توكلي على الله وكوليلهم |
ياقلبي
لاتسكتي عن حقوقك ابدا وكلمي احد من اهلك لانه مستقبلا حيتمادى واذا هو رجال مايتعدل لاتعيشي معاه وخاصة دحين لانك لسى ماجبتي اطفال الله يوفقك ويسعدك ويكتبلك الخير |
شوفي ياختي
مدري انتي ايش تبينا نقولك تبين الطلاق مدري ؟ بس اشوف الافضل (عاد انتي ادرى بزوجك) انك تروحن لاهلك (مو تطلقين لا) يعني فتره ماتقل عن اسبوعين ولا تزيد عن شهرين فقط للتاديب(عذرا) بس هذي الحقيقه .. لانه مايتوقع منك هذا التصرف فاذا سويتيه بيبدا يخاف ويتراجع عن تصرفاته وانتي خليك قويه بموقفك ولا تقولين كل شي لاهلك ماله داعي انتي بس تخوفينه , وقولي له انا ماعاد اقدر اتحملك الا لما تغير وضعك واسلوبك وتعاملك معي وكذا .. (وانتي ادرى مننا بشخصيه زوجك) ولاتفهمين من كلامي ان تطلعين لاهلك عند كل صغيره وكبيره لا , بنت الناس ماتطلع الا لشيئين -عشان تتطلق او -عشان شي كبير تبي تردع زوجها عنه (يعني ما تنوين طلاق بس تخويف ) , ودايم يجيب مفعوله باول سنوات زواج لانه تبين لزوجها ايش الي تتحمله وتتعايش معه وايش الي ماتقدر. استخيري. والله يوفقك |
أختي إنت استفزيتيه
المشاكل ما تنحل بالصراخ و العناد |
لا حول ولا قوة الإ بالله ........ الله يعينج أختي ويصبرج والله ما أدري شو ممكن أقولج بس أدعي ربج وإستخيري في أمر زوجك ....... وبعدين إذا أنتي متعلمة وعندج شهادة دوري شغل على الأقل تطلعين وتغيرين جو وتشوفين الناس ..... الطلاق أبغض الحلال مثل ما أنتي عارفة بس بعض الأحيان يكون حل وكل حسب ظروفه وما أنصحج فيه بس لازم توقفينه عند حده مش توصل فيه لحد الإهانة وأنتي ساكته عنه ومقصر في حقج بعد والله ما أعرف بس لا تسكتين على هذا الوضع على أمل إنه يتغير باينه من أولها .......... الله معاج والله يهديه ...... طمنينا عنج ................. |
| الساعة الآن 01:50 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©