|
إذا كنت مكان هذا الأخ إيش بيكون موقفك ؟
السلام عليكم و رحمة الله و بركاته
سؤالي للأخوة و الأخوات إذا كنت مكان هذا الرجل أو كان أخوكِ مكانه ؟ إيش التصرف الصحيح اللي ممكن يعمله أو تعمله إنت ؟ أرجو الإجابة بصدق و واقعية فرضا إنك عرفت بالصدفة إن زوج أختك يكلم بنات بالماسنجر و بالجوال بحجة إنه ناوي يدور بالحلال و أختك عارفة الشئ هذا و زوجها يقول لها قدامها عن الشئ هذا لكن هي تحب زوجها و تموت فيه و ما تقدر تعيش من غيره و طلبت منك توعدها إنك ما تقول لأحد عشانها ما تبغى تتطلق من زوجها إيش بيدك تعمل ؟ تتفرج و تسكت و لا كيف ؟ |
لا تعلييق
|
ليه لا تعليق ؟
هذه مشكلة حاصلة بالفعل |
مصيبه طبعا اذا هي عارفه وساكته:29:
انا اشوف تدخله مفروض اقلها لان اخته شريكه معه ايش جابرها تسكت وزي ماقلتي فعلا حاصله |
... مجرد رأي ...
أكيد ما ألوم اخـوها لو سوا اي شي من محبته لاخته.. بس الاولى وبحكم انها زوجته وبحكم انها وصلت لمرحلة تقدر تتخذ فيها قرار..عدم التدخل... الا في حالة انها سمحت له ( لاخوها ).. ويمكن هي قالت له من باب انها تبي راي فقط.. لان بكلام الاخ للزوج بتصير مشكلتين لها.. انها اخبرت اخوهااا و المشكله الاساسية.. وفي هذه الحالات مافيه الا الاكثار من الدعاء له.. وعليها تصبر,, كآن الله في عونك.. وربي يهدي شباب وبنآت المسلمين.. ويستر عليهم |
توجد اكثر من طريقه للبحث عن بنت الحلال وبالتاكيد ليس عن طريق التحدث معهن بدون علم الاهل
اما معرفه الزوجه او لا فهذا شيء يخص الزوجه وهي حره بزوجها |
هو عارف إنه زوج أخته غلطان و فاهم الشئ هذا و عارف إنه بيذل أخته لإنها تحبه و تموت فيه
لكن مو قادر يعمل شئ لإن أخته حلفته إنه ما يقول لأحد و هو وعدها و هي تقول أنا ما أبغى أتطلق لإني ما أقدر أعيش من غيره و أخوها مو عارف إيش يعمل ؟ يخاف يتكلم مع زوجها و تزعل أخته أو يكلم أهله أمه و أبوه و أخوانه و أخواته و تصير مشكلة يخاف يطنش زوجها و مايعطيه وجه و يقوم يفهم إنه زوجته بلغت أخوها ؟ أخوها حاول ينصحها و يهديها لكن هو محتار و مو عارف إيش يعمل ؟ |
و الله مصيبة فتن كقطع الليل المظلم و بصراحة الواحد مرات يتوهق و ما يعرف كيف التصرف و رحم الله البحتري الشاعر المعروف حيث يقول : ( و كأن الزمان أصبح محمولا هواه على الأخس الأخس ) و تمر مواقف على أحدنا يرى فيها أن باطن الأرض خير من ظاهرها و الله المستعان و لا حول و لا قوة إلا بالله و نسأل الله لنا و لكم العافية .
|
السلام عليكم
معلوم اخي ان البحث عن زوجة بالحلال لا يكون عبر الماسنجر و الجوال ؟! خاصة اذا كان الحديث يتم بالدردشة و المحادثات و تبادل كلمات الغزل و الاطراء ! وهو في هذة الحالة سيكون " حجة واهية " يقوم بها هذا الزوج للعبث ليس الا , و للزوجة عليه حق بان يحترم مشاعرها حتى لو كانت " موافقة " على مبدأ زواجه من ثانية .. ولكن تدخل طرف ثالث في الامر لا انصح به الا اذا حدثت مشكلة بين الزوجة و زوجها , و لكن يمكن لهذة الزوجة ان تجلس مع زوجها و تضع النقاط فوق الحروف ( خاصة اذا كانت ترى انه يعبث ) بان توضح له انه اذا كان يتحجج بانه يريد الزواج بان يجلس على الشات او الماسنجر و يغازل هذة و يحب في تلك فهذا لا يرضي الله و لا تسمح به و اذا يريد الحلال يبحث عنه بطريقته الصحيحة .. وتسمع من الزوج و ترى ردة فعله و رايه في كلامها واذا دعت الضرورة بعد ذلك للتدخل فيمكن لك ان تتدخل بالحسنى لتفهم من الزوج ماذا يريد بالضبط ؟ .. هذا رايي تحياتي لك .. |
المشكلة إنها صايرة ضعيفة شخصية أمامه من كثر ما تحبه و إذا تكلمت قال لها إنت الغلطانة
لإنك تدخلتي في كمبيوتري و تجسستي من ورايا و دحين ما يعطيها وجه و كل يوم تبكي و حجته إنه شئ حلال و إنه مو خايف من أحد و ما يقبل النقاش طبعا هو مو عارف إنه أخوها عرف بس أخوها مقهور مرة و يقول المشكلة إنها تحبه و يخاف يتدخل و يتخرب بيتها و تحط اللوم على أخوها في الأخير |
| الساعة الآن 08:23 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©