|
هل انتي رسميه مع اهل زوجك او تمونين عليهم ويمونون عليك
ابي اعرف هل من الافضل للزوجه انها تكون رسميه مع اهل زوجها
ولا تاخذ وتعطي معهم وتعطيهم كل اخبارها وعلومها وتخليهم يمونون عليها عطوني تجاربكم الله يرضى عليكم ويوفقكم وينولكم اللي في بالكم |
افضل ان تكون العلاقه رسميه تجنبا للمشاكل
تحياتي |
انا بالنسبة لي أمون عليهم ويمونون علي وهذا أريح وأفضل علشان ما أحس إني غريبة
إلا ما ندر وفي بعض المواضيع اللي تكون خاصة لبعضهم بالأصح لبعضهن(أخوات زوجي) وفي بعض المواضيع يفضل إنك ما تبدين رأيك (أنت وظروفك) |
انا اجبهم ويحبونني لان من اول يوم زواج اتفقت انا وزوجي ان المعامله بالمثل اذا عاملت اهله بما يرد الله كانت معاملته لي اهلي بالمثل والحمد لله الحب والود دائما اقصر طريق للسعاده
|
من واقع تجربتي الافضل انك تشاركيهم وتجلسين وتسولفين معهم وتحسسيهم بانك من اهل البيت اي اختهم وتقنعي نفسك ايضا بانهم اهلك واخوتك واذا كنت حساسة وانجرحتي من كلامهم يوما ما نتيجة الاحتكاك لا تتسرعي فكري جيدا قبل ان يصدر منك اي شي واثبتي وجودك وشخصيتك بينهم بطريقة حبوبة بدون تجريح ولا عصبية ومثل ماتفضلت اختي الكريمة ان من الافضل في بعض المواضيع ماتدخلين معهم على حسب الظروف .....
وربنا يسعدك ويسعدنا اجمعين يارب |
لالالالالالالالالالالالا
نصيحه يابنات لاتطيحون الميانه بينكم وبين اهل ازواجكم من تجربه ابعــــد حبــــــــــه تـــــــــــزيد المحــــبه |
ميانه عن ميانه تفرق....
في ميانه ماااااصخه وتجيب الهم والمشاكل وفي ميانه معقوله...مع المحافظه على الخطوط الحمراء عن نفسي.......لا للميانه.......نعم للحدود و الخطوط الحمراء دووووووووت |
بس انا بقولكم مساوئ كثرة الاختلاط والميانه الزايده على شكل نقاط
.... يتدخلون فيك وفي امورك الشخصيه من باب الميانه .... كثرة المقارنات بينك وبين بناتهم .... يعرفون كل صغيره وكبيره عنك وهذا مو من صالحك ابد ....يدخلون بيتك في غيابك ....كثرة زياراتهم ودخلاتهم وطلعاتهم ومعرفة مواعيدك ومتى تروحين لاهلك وتمشياتك وروحاتك للسوق اللي عندها زياده تكتب واللي تؤيد الميانه الزايده تكتب المميزات ولكم خالص شكري واجمل دعواتي |
خير الامور الوسط
|
بصراحه انا احب امون عليهم ويمونون علي ييعني احب احس نفسي وحده منهم وخصوصا هما اكثرهم بنات (خوات زوجي ) يعني تكون ميانه معقوله بس للأسف هما ما يحبون تكون العلاقه بينا مفتوحه وناس بتمون على ناس ....شكلهم يحبون علاقتنا تكون رسميه يعني ما يحبون اعرف اخبارهم ولا خصوصياتهم البسيطه ولا عن اي مشكله من مشاكلهم بيفكرووون اني راح اعيبهم او ينقصون بنظري ...مع اني اعرف انه كل بيت لا يخلو من المشاكل وبعض الظروووف الصعبه هما اختاروا تكون رسميه:29: وانا لا مانع لدي :d |
| الساعة الآن 09:13 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©