بلييييييييز نصحوني
 

السلام عليكم
انا عضوه جديده وحابه استشيركم في موضوعي
ياجماعة الخير انا بنت عمري 27 سنه اخر العنقود(اصغر وحده عند امي وابوي) ولله الحمد نعومه وجميله ومن عايله معروفه كل اخواني وخواتي تزوجو ومابقيت الا انا
ومن جد تعبت من الانتظار كوني بقيت وحيده مع امي وابوي الله يحفظهم وخاصة انهم صارو كبار في السن
جلست ادعي وادعي ان الله يرزقني بالزوج الصالح
ومرت الايام والان تقدم لي شخص مطلق وعمره 32 سنه وعنده ولد وبنت
الولد في ثاني ابتدائي والبنتت عمرها 4 سنين
بس من جد من جد محتاره ومتضايقه لاني تمنيت اعزب فماتخيلت ان يجي اليوم اللي يتقدم لي مطلق وعنده عيال بعد
انا انسانه غيووره جدا وكوني اصغر بنت عند امي وابوي وعشت بدلع ودلال صعبه اني اتعامل مع اطفال من البدايه وانا اللي كنت احلم بشخص يدللني لوحدي في بداية الزواج
بالرغم من ان عياله عند امهم لكن يجيبهم في الخميس والجمعه يعني في الاجازه اللي المفروض نكون لوحدنا
عمره عاجبني وجدا مناسب وهو اخلاق ودين بس خايفه اني مااقدر اتحمل
وبصراحه انا سمعت كثييييييير عن الازواج اللي يتزوجون اول مره كيف معاملتهم مع زوجاتهم في كل امورهم لان شي اول مره يجربونه
والان احس ان المطلق بينقص في حقوقي وماراح يعمل لي مثل اي واحد يكون توه متزوج
كونه جرب كل شي في الحياة الزوجيه
ولان هو الان يبي يتزوج علشان يبعد نفسه عن الحرام فقط لاغير
ارجووووووووووووكم ابي تفاعلكم ونصايحكم

استخيري اختي والله يقدم الي به الخير

يااختي ليش الخوف والافكار اللي مالها داعي لو افترضنا ان كلامك صحيح كيف الزوجات الثانيات والثالثات والرا... عاشو في سعاااااااااااده مع ازواجهم بالرغم من وجود اخرى وليست مطلقه ومع ذلك ياخذن كامل حقوقهن من الدلال و....

استخيري يااختي واذا ارتحتي لاتستسلمي للافكار السلبيه والمطلق يكون غالبا فاهم ماتريده الزوجه والله اعلم

استخري الله
واكثري من الدعاء
والله يقدم اللي فيه الخير
والله يوفقك ويسعدك ان شاء الله

الله يوفقك
حبيت أرد عشان الأخوان والأخوات يقرون موضوعك ويردون عليك

حبيبتي ،، عليك بالاستجارة ، والله يكتب لج الي فيه الخير ،،

استخيري حبيبتي ما خاب من استخار

والله اذا عاجبك و مو مضايقك الا عياله

فتوكلي على الله بعد الاستخاره

وماله داعي التردد

انظري الى الجوانب الايجابية الى المطلق

المطلق قلبه مكسوور اكيد بحن على الزوجة الجديدة
المطلق له خبرة في الحياة الزوجية يعني راح يعرف الي يسرك ويمتعك
مو مثل واحد اول مرة يتزوج غشييم مايعرف شيء

صلي صلاة الاستخارة واذا ارتحتي توكلي على الله

المطلق فيه مميزات
يكون ألين منه قبل
يعني اللي كان مع الأولى لا يكون مع الثانية إيه ,, وهالكلام أشوفه كثير

بس مسألة العيال راجعة لك ولقناعاتك
لو أنتِ عليك سوق وخطاطيبك كثير وفرصة الأعزب موجودة وموضوع العيال منكد عليك .. انتظري الأفضل
على العموم استخيري والله يكتب لك اللي فيه الخير إن شاء الله