|
زوجي و الوسواس
القصه باختصار ان انا عندي ولد والحمد الله الله يخليه لي ومثل ما تشوفون بالتوقيع عمره الحين 3 سنوات و9 شهور .. بعد ما قررنا نجيب بيبي حملت مرتين وكله البيبي يموت في بطني .. المشكله ان زوجي وسواسي من قبل ودايم يحاتي ويتشائم ... كثر ما حاولت اغير هذي الصفات فيه صحيح خفت شويه مع سنوات الزواج بس بعد موت الطفل الثاني خلاص انقلبت موازينه وبدا يهتم في ولده بزياده لدرجه اي شدخ يصير له يجن جنونه بشكل ملحوظ للجميع واذا ما كنت موجوده يتصل علي ويخرعني ولم ارجع البيت اشوف ان الامر بسيط .. دايم يقول احس ان ماراح احصل غير هذا الولد لازم احافظ عليه .. ويخاف عليه كثير فوق ما تتخيلون وحتى لو سوى ولده غلط مثلا ما يهاوشه يقول ولدي الوحيد مابيه يكرهني .. بصراحه متوهقه معاه وايد لان احس كثر ما يحاتيه اخر شي بجنني معاه والولد من زود حركات ابوه صاير يتدلع .. بصراحه وانا متوهقه فيهم ..
ابي مشورتكم علشان اقدر اخفف وسواس زوجي ويفهم ان ان شاء الله الله راح يعطيه عيال وان اللي يسويه غلط الواحد يخاف على ضناه بس مو لين هذي الدرجه:24: |
شوفي هذا شئ طبيعي بسبب موت الجنين وعدم حصول الحمل وان شاء الله بمجرد ربنا يرزقكم بالذرية الصالحة كل شئ بيتغير ادعي ربنا واستغفري وصلي .. وحاولي تقدري مايحس فيه تجاه ولده وممكن تتحاوري معاه بحب وانه الدلع الزائد ممكن يأثر على ولدكم ..
|
جزاك الله خير بس انا خايفه على زوجي من الوسواس الزايد
|
الله يطمن نفسك ويهدي زوجك ويحفظ ولدك ويرزفكم بالذرية الصالحة
|
الله يرزقك ان شاء الله
|
ان شاء الله الله يرزقك الذريه الصالحه وتلقائيا يختفي وسواس زوجك
|
صدقيني اذا جاء الولد الثاني حتروح هذه الوسوسة وتتمني لو ترجع ..........اسالي مجربة
|
لاتلومينه بس حاولي تذكرينه برحمة الله وان الله لن ينساكم
|
بس تجيبين النونو الجديد ان شاء الله بترك هالوساويس
|
مشكورين وما قصرتوا عارفه والله ان لو جا مولود جديد راح يتركه بس انا اخاف اطول على ما يجي وهو تزيد عليه الحاله ويصير فيه شي .. الله كريم ان شاء الله يخفف عنه ويريح قلبه
|
| الساعة الآن 03:38 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©