|
مسكت اول الخيط
بسم الله الرحمن الرحيم وصلى الله على حبيبتنا محمد ,., ياربي شلون ابتدي بمشكله مالى فيها 3 بنــات وحدة خالتى وحدة بنت خالتى وحدة عمتى اعمــارهم ماتجـاوزت 16 سنه فترة مراهقه والحاله الله يعلم فيها مانى عارفه كيف اتصرف معاهم مسكتهم يكلمووون واحد بالجوال , كل وحدة تكلم بجوال امها كنت شاكه فيهم قلت خلنى امسك وحدة منهم واشوف يمكن تعترف لى وجد كلمتها بطيب ومسكت اول الخيط . اعترفت لى بس مو كامل كل شي . شقلت لها قولى ولا بعلم اهلك وبفظحك كتهديد بس خافت واعترفت لى بجزء بعد . كل وحدة بلغت اخوها الكبير .. .. .. طبعا عمتى اخت ابوي من ابوهـ يعني مو خلص . وعندها ام يعنى مرت ابوه {{ ابوي {{ شطول السالفه , يعني جدي زوجته الثانيه .. بنته تصير عمتي . }}} عقدت المساله انا قلت لعمي وعمتى الكبيرة المتزوجه عن الموضوع قلت لازم احد يدري عنهم لانى انا ماقدر اتصرف عشان بعيدة عنهم بلغتهم وهم تصرفو معاهم وقالو لامهم زوجت جدي تتوقعون وش سوت ؟؟؟؟ قلبت السالفه عليي قالت انى انا مطلعه الكلام وانها مارح تسامحنى وانى انا اجيب المشاكل تخيل لدرجه انها تقول انى مب شريفه لانى قلت هاكلام عن بنتها والمشكله عمتى الكبيرة موجودة ولا تكلمت ولا كلمه؟ . راحت بيت اهلى وتصارخ انها مارح تسامحنى ولا تحللنى انا الحين الغلطانه لما قلت لهم عن الموضوع ؟ وش نسوي مع هالناس ؟ نسوي لهم خير وشف كيف يجازوني |
والله يا اختي على كلامك انتي بلغتيهم بالمشكلة وهم عليهم يتصرفو مع بناتهم حلوها ما حلوها انتي بريتي ذمتك وخلاص مالك فيهم ياليت الاهالي ينتبهو حق بناتهم قبل لا يوقع الفاس في الراس الله يهديهم بس |
اقتباس:
تصدقين توقعت انها بتنقلب عليك قبل اكمل الموضوع الحين غالييتي هذي فاتت وخليها درس لك التصرف الصحيح هو نصح البنت نفسها مباشره مع التلطف واللين او رجل من محارمها كبير وعاقل تبليغه بسريه تامه الحريم يعقدون المسائل ويكبرون السالفه انتي ماقصرتي والتزمي الصمت الان الله يحفظك |
صدقتي اختي فيافي
الرجال اعقل والحريم يعقدون المشاكل اكثر وانتي سويتي اللي عليك واجرك مايضيع ان شاء الله |
هلا حبايبي ,.,
مشكورين على الردود ماقصرتو بس انا ماقلت لامها انا قلت لرجال اخوها الكبير واختها الكبيرة اختها الكبيرة الى تصير عمتي هي الى قالت لامها . تخيلو انها تقول تعبتو ولدي وبنتي بس على كلامك الفاضي . والله انا متوقعه تدق على ابوي وتفهمه . قلت بقول لامي عشان امي توقف بصفي يعني اخاف تقول لابوي وتقلبه صح عليي الموضوع , وعشان امي تعرف اذا مرت جدي قالت لابوي تكون امي عندها خلفيه .. مشكوورين الله يفرج همكم يا اعضاء . |
لا تقولي لأمك وتكرري الغلطة الأولى
وإنما إذهبي لأبوك مباشرة الآن لأنه سوف يعلم عن طريق أمك ، طبعاً الخبر أكيد وصل لأمك . والله يعينك على فعل الخير |
الحين انـا غلطانه ؟
ما اعرف اقول لابوي . استحي احكي معه بهذى المواضيع استحى اطالع في عيونه عشان اقول له موضوع مثل هذا |
طيب لمن يروح العمل كلميه بالتلفون اذا تستحين تواجهينه
ماعليه حبيبتي هي صعبه بس اكيد احسن من انه يجيه كلام غلط من عمتك و يصدقه لحقي على نفسك قبل لا يدري |
أختي أنتي سويتي اللي عليج وبنية صادقة ولا تخافين الله بيكون معاج ......... ومثل ما قالوا الإخوان لازم تقولين لابوج قبل ما يعرف من غيرج .............. وحدة صديقتي " من زمان هالسالفة " بنت أختها تعرفت على واحد ويوم عرفوا أهلها حطوها براس صديقتي وقالولها كله منج لانها مخاويتنج وصديقتي حلفتلهم إنها ما عندها علم بهالموضوع وما تدري عنها شي بس ما صدقوها والكل كان ضدها حتى أمها لامتها ..... ومسكينة من كثر ضغوطاتهم عليها وحشرتهم حاولت تتنتحر بس الله سترها معاها و تم إنقاذها في المستشفى طبعاً وتحقيق شرطة ومشاكل بس عدت ومن يومها صديقتي تابت منهم تعقدت ......... أنا قصدي من هالقصة عشان تنتبهين على نفسج وتخبرين أبوج وما تستحين .......... الله معاج ............ |
| الساعة الآن 01:38 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©