ما سبب تصرف والدتي ؟؟!
 

السلام عليكم

:11: انا محتارة في تصرف والدتي ومو عارفة وش السبب من تصرفاتها ..

اولا اود ان اخبركم اني جدا حساسه للكلام يمكن هذا شعوري وحيرتي من والدتي بسبب حساسيتي يعني على اقل كلمة انجرح ونفسيتي تتعب كثير ..

انا متزوجة وعندي اختين كمان متزوجين .. المشكلة ان والدتي كل مرة تجلس مع وحدة فيني تمدح اللي جالسه معاها وتعليها لسابع سما والثنتين الثانيين تطلع فيهم عيوب وهذا الشي من وراهم طبعا ..

اليوم نقلت لي اختي ان الوالدة قالت عني كذا وكذا .. واختي هذه قريبه لي اكثر من الثانية .. المهم ان الكلام اللي وصلني منها جرحني كثير ..

حبيت اوضح ان اختي مش من النوع اللي تنقل كلام بس هي من النوع اللي يتجرجر بالكلام وتقول كل شي وانا اذا ابي شي اعرفها منها اجرجها وهي تخر كل شي :18:

نفسيتي تعبت ومو عارفه اصارح زوجي لانه مللني كثر ما يسال ... معقولة امي تقول هالكلام عني .. وانا والله كل يومين اروح لها واساعدها على اخواني الصغار واذا اتصلت تبي حاجه اروح لها برسم الخدمه .. وفي الاخير تنكر واقول انا اتهرب منها ولا اسوي شي ..

انا اذا اروح تسولف عن خواتي كالعادة بس انا اسكت ولا اني من النوع اللي انقل الكلام فاسكت احسن لي بس ماحطيت في بالي اني حالي حالهم وانا طول حياتي ما قصرت بحقها من يوم انا عمري 8سنوات تشيلني شغل البيت واخوي اللي ما كمل سنه اسبحه وسوي له الرضاعه وانومه كل هذا وانا صغيره ولما كبرت وحتى يوم تزوجت .. بالرغم من ان محد من خواتي عملوا اللي سويته ..


نفسيتي تعبانه وحبيت افضفض قبل لا انام .. مدري اكلم والدتي بالموضوع ؟؟؟

فكرت ما اروح بيت اهلي حتى تحس بقيمتي بس تعوذت من ابليس ..

وش الحل برايكم

بقول لكم مثال عن تصرف من تصرفاتها .. اختي لما تجي مع عيالها تهلي وترحب وتدلع فيهم ولما تروح تقول لي غثتنا بعيالها و خربوا لي المكان ...

اختي الغالية ما في ام بهون عليها بنتها

امك بتحبكم انتو كلكم

والدتي طيبه وتحبنا وعارفه هالشي وواثقه كمانب س سؤالي ليه تتصرف هالتصرف وهذا هو عنوان موضوعي ؟؟؟؟؟؟؟؟؟؟؟؟؟؟؟؟؟؟

ووينكم لاتخلوني بحيرة !!!

ابي ردودكم حتى استفيد منها ..

تبي تكسبكم كلكم و تبين انكم احسن من بعض بس الكلام وصلج و هذا الي ما حطته اب بالها .. تبي تكسبكم و تحسسكم اب حبها و المراه لمن تكون اب سن كبيره عادة تحن (يعني تصير حنانه مع احترامي لوالدتج بس الغالب كذا ) ف مجرد انها قالت شيء عنج مو معناته حاطه اب قلبها اختي عادي طوفي الموضوع هذي بالنهايه امج
اختج بني

عليكم السلام ورحمة الله وبركاته

خذيها قاعدة : من نقل لك نقـل عنك !

وبعدين إنتِ وضعك هنا مختلف لأنه المشكلة ( إن كانت مشكلة ) ولا أقلل منها

مع والدتك مع الحنان والعطــاء كله مع اللي ربتك وكبرتك وسهرت عليك

أصعب شي إنك تساوينها مع غيرها حتى بالمشاكل لأنه مهما كان والدتك التعامل معها غير

لأن الجزاء والعقاب معها غيــــر

نصيحتي .. لا تسمعين من أي أحد حتى لو أختك وواثقة فيها وقريبة منك وإرفضــــي بشكل حازم

إنه أحد ينقل لك حكي عنها ، وإنتبهــي تعاملينها مثل ماتعاملين صاحبتك وكأنك تأدبينها !!

كوني قريبة منها أكثـر وعالجي الوضع بإثبات العكس هذا إذا كان مانُقل لك صحيح !!!

إستمري على ماأنتِ عليه وضعيها فوق رأسك وتذكري كما تفعلين معها سيفعله أبنائك معك

ونصيحة أخرى المواضيع الخاصة في بيت أهلك مش ضروري يعرف عنها زوجك وأفضل شي

يعرفه إنه بيت أهلك أفضل البيوت وأهلك أفضل نـاس ..

أمك مهما كان سامحيها وطيبي خاطرك من ناحيتها

لأمهات دائما كذا لاتزعلين منها ولاتخلين الشيطان يدخل بينهم
وشكرا

مهما كان هذي امج وتتمنى لكم الخير وتبيكم تصيرون احسن واحسن

اقولج قصتي ولا اقصد ان اتشكى من امي بس عشان تحسين بقيمة امج

تخيلي شهور من زواجي ماحملت وتوني لمن حملت من الحين تتشمت بجنيني "وتسميه اسامي خياليه عشان تضحك الناس عليه" لا وبعد تقولي لاتجيبينه عندي ولا بشوفه:d !
ووالله ياختي شخصيتي مقاربه لشخصيتج جدا وايضا انا ماكنت اطلب منها ولاشي قبل لااتزوج حتى مصروف للمدرسه ماكنت اطلب

وهي تكره زوجي مع انه ماضرها ولا أذاها بشي !
وانا بغربه تخيلي ماتتصل ولاتسئل ولمن انا اتصل عليها بس تغتاب بزوجي وتزفني صرت اخاف ادق عليها :25:

شوفي حال غيرك وقولي الحمدلله
ياليت امي تهلل وترحب فيني لمن ارد من غربتي لوطني الغالي :17:


اعيد سبب تصرف امج " هي تحبكم وتحب اختج وعيالها لكنها تتمنى تشوفكم احسن واحسن والكلام مو من قلبها "

الحمدلله على كل حال والله يحفظ امج ويخليها لكم يارب :)