|
::: هل زوجي معه حق ؟ :::
السلام عليكم ورحمة الله و بركاته
اليوم قبل قليل كنت اتناقش مع زوجي بخصوص موضوع ما حيث انه يوجد اخبار ان المعبر لغزة قد يفتح مرتان اسبوعيا واحتمال ان انزل هناك اجازة لعند اهلي ... تعرفون كم اشتقت لهم المهم اقول لزوجي اريد احضار هدايا بسيطة معي فقال لي التالي ::: انه رافض تماما فكرة الهدايا لاي احد والسبب لو بدك تجيب لفلان لازم لعلان ولباقي العيلة وازا سنة ماجبت هدايا بتصير مقصر وانو مابدو نحضر هدايا لاهله حتى ليس بخلا منه ابدا فهو ما شاء الله كريم جدا معي ومع اهله والحمدلله لا يوجد فيه ذرة بخل ابدا ما شاء الله المسالة ليست مسالة مادية انما معنوية انه من زمان من قبل الغربة والزواج يقول كنت ارفض هالمبدأ واحسه مكلف ومتعب في السفر وفي الشنط وانو لا داعي لهالشي ابدا خاصة بيقولي اهلك شبعانين ومابنتظرو هداياكي اكيد وفعلا اهلي الحمدلله ابدا مش من هالنوع ودايما بقولو الي لاتجيبي هدايا لما تيجي و اسمعي كلام زوجك والي بأمرك في اعمليه لكن انا مش مقتنعة بكلامه ابدا انا لااريد احضار الا لاهلي اي امي وابي واختاي واخي 5 افراد واشياء بسيطة لا تتعب في الحمل او السفر يرد زوجي و يقول انا نفسيا كيف اقبل مااحضر هدايا لاهلي وانت تحضري قلت له خلص نحضر لاهلي واهلك قلي لا انا مابدي اهلي يتعودو عالهدايا قلتلو انت حر انا بدي احضر لاهلي قلي لا المبدأ واحد لا يتجزأ وانا انزعجت جدا قد يكون كلامه صحيح لاني اذكر لما كنت خارج الوطن انا واهلي وناتي اجازات وياتي اهلي المساكين محملين بالهدايا لشجرة العائلة كلها امر مزعج حقا فزوجي من هالمنطلق بيقول لا داعي لان نعود احد عالهدايا ثم انه لو احضرت لامه مثلا فجدته ستقول ليش انا ماالي هدية؟؟؟ وخاله والاقارب وهو مصمم على رايه ويقول احنا مش طالعين سياحة لبلد اوروبي لنجيب تذكارات واهلك مش ناقصهم شي ابدااااا والله مكرمهم وهما بنفسهم بيقولو ماتغلبي حالك ويقول الي والله لو حد من اهلك جاي لعندي لاخليه يروح محمل هدايا اكراما للضيافة لكن ان تسافري انت تحملي هدايا وتتغلبي من السفر فهالشي مرفوض ولو انا مسافر معك ايضا مرفوض مبدأ الهدايا مرفوض ان نسافر ومعنا هدايا انزعجت جدا وانتهى النقاش بان لما اجي اسافر وقتها بيفرجها الله ويصبر خير لكن انا متدايقة جد ولا ادري هل معه حق ام لا مع العلم زوجي كرييييييييييييييم بطريقة لاتوصف ما شاء الله ومستعد ليكرم شخص ان يدفع كل مالديه يعني القصة ليست مادية يقول انا مستعد اصرف 1000 دولار واكتر لكن المسالة ابدا ليست مادية ومن ناحية انها ليست مادية فاصدقه فعلا لانه كريم جدا ولايبخل علي باي شيئ وان طلبت اي شيئ يحضره لي لكن مازلت مصممة ان احضر هدايا زوجي انسان ما شاء الله لا قوة إلا بالله تبارك الله لاينقصه شيئ كامل والكمال لله ويحب اهلي ويكرموه ويكرمهم وفي مودة واحترام وحب ويعتبروه ابنهم ومااااافي اي غلط في اي شي فما رايكم هل معه حق؟؟؟ وكيف اقنعه؟؟؟ اتمنى تكونو فهمتو بشكل صحيح وارجو ردود مفيدة بعيدا عن التجريح |
السلام عليكم ورحمة الله وبركاته
اختي الفاضلة بما انك متفقة مع زوجك على المبدا فالقضية سهلة ولله الحمد لا شك ان الوضع صعب عليك كما ذكرت انت ذاهبة ال غزة وصعوبة الطريق لا يجهلها احد هذا من ناحية من ناحية اخرى ارى ان راي زوجك منطقي لكن من الصعب تطبيقه والاقتناع به والمشكلة ان مجتمعاتنا لانها مترابطة ولله الحمد وهذا شيء يزيد من الحمل علينا ماديا ونفسيا بالدرجة الاولى لكن انا شخصيا لا استطيع تطبيق هذا الشيء باني اتجاهل كل الناس فعليك بالاساليب حتى تقنعين زوجك لو كنت انا بمثل ظرفك رح اقنعه باي طريقة كانت المهم اقنعه وان شالله يقتنع تحياتي |
والله اول شي لازم تسمعي كلام زوجك يمكن هو عندو هادا المبدا
بس الهدايا مش بالضروري يكون الانسان بدو اياها او بيحتاجها بس الواحد بيجيبها تعبيرا عن المحبة والمودة ومش ضروري تكون شي غالي او تقيل يمكن شي رمزي بيكون منيح والمتل بيقول انا غنية وبححب الهدية انتي حاولي تقنعيه ويمكن بالتفاهم يتقبل الموضوع والهم انك تسمعي كلام زوجك ويا رب تقدري تفهميه موضوعك |
طيب خلاص اسمعي كلام زوجك لانه صحيح 100%
وتروحي وترجعي بالسلامه |
السلام عليكم . . . كلامك زوجك صحيح 100% ولا غبار عليه هو شرحلك القصة بالتفصيل اسأليني (أهل مكة أردى بشعابها) جبتي ولا ما جبتي .... راح ينحكى عليكي سدي الباب مثل ما حكى شادي وتوكلي على الله . . . أسأل الله العفو والعافية والله المستعان |
العناد هو دائما طبع المراة
اتقي الله واسمعي كلام زوجك |
يا سبحان الله هموم المغتربين وحدة :)
هي المسألة شوي حساسة تروحي وايديك فاضية بس كما قالو الاخوة طاعة الزوج اولى المهم تتهني بشوفة اهلك ان شاء بيقتنع |
شكرا الكم يااخوتي الكرام
وساحاول اقنعه والمسالة يا اخ شاب ثلاثيني ليست عناد ابدااااااااا فانا ان دخلت الفكرة راسي واقنعني كلامه لا اتوانى عن تنفيذها عادي عندي والعناد ابدا غير موجود لكن ان كنت مش موافقة ومش مقتنعة هل هادا اسمو عناد؟لازم عشان ماتكون المراة عنيدة تقول حاضر وطيب سواء عاجبها ولا لأ من غير نقاش؟ولا محاولة اقناع الزوج برايها؟؟؟يعني العناد هوة التصميم عالراي حتى وانا معتقدة انو غلط والتصميم لمجرد العناد وعدم تغيير الراي وانا لست هكذا ابداااااااا عموما بالنهاية اكيد راح اسمع كلام زوجي لانو فوق راسي طبعا شكرا الك جزيلا اخي الكريم وطاعة الزوج اولى طبعا وشكرا لكل الي شاركوني الراي والله يفرجها ،،، بالنهاية اهم شي اشوف اهلي ولسة السفر متاخر مابنعرف امتى لكن كان مجرد فكرة وكلام |
كلام زوجك سليم 100%
الباب الي يجيك منه ريح سده واستريح |
طيب أقترح عليكي إقتراح يرضي الطرفين
لما تروحي لأهلك خذيهم على السوق وخليهم يختارو لنفسهم شي بس لا تقولي هدية حتى لا تختلفي مع زوجك على المبدأ لأنه رافض مبدأ الهدايا وحتى لا يتعودو إن تسوي معاهم هالشي كل ما جيتي ..على حسب رأي زوجك أنا أشوف كذا أو لما تروحي إنتي شوفي إيش ناقصهم وجيبي لهم لا تقولي مو محتاجين شي حتى لو تجيبيلهم شيئ بسيط يتذكروكي فيه تحياتي |
| الساعة الآن 09:06 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©