اليوم ارتفع ضغطي من نظرات اهلي لابني تكفون هل ابني يحتاج لعلاج على قولتهم
 

أنا أتوقع طبيييييييييييييييييييييييييييييييعي جداً وبعدين البنات دائماً يتكلمو ن قبل الأولاد وأفصح ويمكن هو الأول صح ؟؟مافبه أحد بعمره يتكلم معه وهذا سبب
أنا ولدي كذا كان وكانوا يقولون عنه (غبي) وكنت أزعل جداً والحمدلله مافيه شي وهالحين عمرة 8 وطبيعي
طالما إنه يتكلم ولو كلمات بسيطة فهو طبيعي،وإذا كنت خايفه وديه لدكتور لتطمئني
ويمكن ضربك له دور حراااام تضربينه وهو صغير وعناده يعني أنا موجود أعطيني من وقتك ...العبي معاه ألعاب تعتمد على الكلام والمحادثة .

اري ان الولد بالكلمات التي ذكرتيها معقول جدا في النمو و صحيح ممكن البعض يسبقة و لكنة ليس سيىء
اولا عليكي بكثرة الحديث معه و التاكد من السمع لان السمع مرتبط جدا بالكلام و عليكي ايضا بالبعد عن الضرب و الاذي البدني و عناد الاطفال في هذا السن طبيعي جدا وهو يحاول عمل شخصية لنفسة بهذا السن اجعلية يخالط الاطفال من سنة و سوف يتقدم بسرعة جدا معهم
المهم لا تقلقي هو مازال صغير و سوف يتحسن مع الوقت

تحياتي

د نبيل

الوالده الله يحفظها بدت تتكلم لمن صار عمرها 4 سنين !

وهي انسانه جامعيه وطيبه وذكيه وطبيعيه ولله الحمد

طبيعي , وأنصحك حددي له ساعة باليوم للجيم بوي , لأن التركيز عليه له أثر سلبي وطفلك بمرحلة نمو .

الله يجزاكم خير ريحتوني شوي وارجو ممن كان لديه خبره ايضا ان يدلو بدلوه
و اسفة ان كلامي كان مخربط بس لاني كنت توني جايه ومنقهره جدا
وعلى طاري انه طويل هذها تساؤل لحاله بس من القهر اللي فيني خلطت الكلام
السؤال انه لما كان عمره ست شهور قالت الدكتورة انه طويل مرة وتعدى الطول الطبيعي ولازم تجبينه لي اذا كمل السنه علشان اشوف (وش على بالها بتوقف طوله) انا ماوديته لها وش رايكم

أختي
أنا أخي لما كان صغير كانت عنده نفس حالة ابنك يمكن كان أكتر شوي كان ما بيتكلم أبد يستعمل حرف أأأأأأولا آآه لكل شي يريد أن يشير له ,وكثر الكلام عليه لانه تأخر وما ينطق , واحدة تقول ماراح يتكلم ووحدة تقول وديه لدكتور وثالثة تقول وديه للمشايخ يتعالج بالقرآن...وللعلم هو ما بدأ يتكلم الا في بداية 3 سنوات وكان يستعمل الاهاية لين ما أكمل 5 سنين:15: كان بيجطها فمحفضته وهو رايح المدرسة ,ولما تنشغل المعلمة يخرجها ويمصها شوي في السر ويرجعها الى أن ملها من نفسه وتركها والان عمره 12 سنة الله يبارك فيه وما يقدر أحد يسكته أذا احنا مجموعين ما يتكلم حدا الا هو صار كثيييييير الكلام ,كأنه السنوات اللي تأخرها وما تكلم خزنها وبيفرغ المخزون الان:)
اصبري عليه أختي عادي ابنك ما فيه شيء الاطفال مختلفين لايتكلمون في سن واحد
هذا رأيي ومن تجربة واذا ما انت مرتاحة وديه لدكتور..
تحياتي معذرة طولت في الكتابة بس حابة اسرد لك تجربة أخوي بس لكي تطمني ..
تقبلي مروري

نسيت أقولك تأكدي من السمع عنده...