يقف حائلا بينهم وبين حجهم الفرض ارجوكم ساعدوهم ولكم الاجر
 

صديقتي اليوم دقت علي وفيها العبرة وبدت تحكي لي صراحه انا مالقيت لها حل قلت استشريكم

هي ودها تحج مرررة ولانها ماحجت حتى الفرض والسنه تهيالها كل شئ لان امها تبي تمسك عيالها

لكن المشكله العويصه ان زوجهارررررررررررررررررررافض

والسبب

التدخين يقول شلون ادخن وهو وده بالحج لكن يقول مااقدر اخاف ماالقى فرصة واستحي ادخن عند الناس

طبعاهي من زمان كان ودها وكان يرفض بدون ان يبدي السبب لكن مع المحاولة منها لمعرفة السبب

اخبرها وقال لاتحسبين اني مبسوط من حالي انا كل سنة يتقطع قلبي بس وش اسوي

طبعا هوحاول بكل الطرق ان يترك التدخين لكن عجز وكل ماحاولت تفتح موضوع التدخين يتضايق مرررررررررة

هي قالت له تقدر تدخن اذا استاجرنا شقة بمكه ورحنا لعرفة يوم واحد وبعدين نرجع لان الباقي عادي مو

لازم المبيت اوحتى نحاول ناخذمكان لحالنا هو استانس مرة وقال ان كان الامر كذا انا معزم المشكلة هي

ماتعرف هل بامكانهم الرجوع لشقتهم بسرعة هل في مجال انه يقدر يدخن هل يقدرون ياخذون مكان

لحالهم ام لازم مع الحملات هي وهو مايعرفون شئ عن الحج طبعا انا مااقدر افيدها بهذا الشي لذلك

طلبت مشورتكم

هل في احد مدخن وحج وقدر يدخن بدون مايشوفه احد ارجوكم ساعدوها هي قلبها يرفرف ودها تحج

وارجوكم لاحد يقول تقنعه بترك التدخين لانه ماينترك في يوم وليله ومافي وقت الحين ويمكن لما تقوله

بيقول لها خلاص مو لازم نروح انا رايي انها تقنعه بطريقة انه راح يقدر يدخن واتوقع انه لما يروح ويشوف

الحج والايمانيات يمكن ربي يهديه لانه من النوع اللي يتاثر مرة كما حكت لي لكن المشكلة شتقوله علشان

يقتنع انا الحين ابي مساعدتكم

لاحول ولا قوة الا بالله

الزوج ليس لديه رغبه في الحج00 يفكر في التدخين وهمه الدنيا وما فكر في الاخره واجر هالفريضه

اذا رغبتها تحج تأخذ اخوها يحج معها بدلا من الزوج 00 ودفع قيمة تكاليف الحج كامله

الله يكون في عونها ويسهل عليها يارب ويهدي زوجها ياكريم

كلها أسبوع وما هو قادر يترك التدخين أسبوع علشان يحصل حجة يمكن تمحى فيها كل ذنوبه !!!!!


أسبوع واحد بس يتوقف عن معصية ربه وإضرار نفسه ما يقدر !!!!!


أسبوع واحد بس فيه من الأجور ما الله به عليك لا يستطيع أن يتوقف فيه عن التدخين !!!!


أسبوع واحد بس قد ينقله الى الفردوس الأعلى من الجنة ما يقدر يترك فيه التدخين !!!!!



عجبي وعجبي وعجبي !!!!




أختي قولي له من ترك شيئا لله عوضه الله خيرا منه . ليذهب للحج وليتوقف عن التدخين وليدع ربه أن يتركه

فقد يستجيب له ربه .


قولي له يكبر عقله شوي وينسى التدخين كم يوم ،،، ويروح للحج الذي يبقى أثره عليه في الحياة الدائمة

وهي الآخرة وليست أياما زائلة في الدنيا تنتهي عاجلا بموته .

هذا شرك بالله
يحب التدخين اكثر من طاعة ربه المفروضة

الله المستعان

الله يهديه ويسر امورهم

بالراحه على العاصي :)
اخبريه يا عزيزتي برغبتك في الحج وابكي بين يدي زوجك و خليه يحن عليكي و صدقيني لما يرى دموعك مايقدر يرفض حتى لو كانت السيجاره حياته

جربي البكاء بصمت من دون ان تخبريه عن السبب ثم لما يسالك اخبريه ان الحج هو حلم حياتك

استثيري فيه رجولته
الرجل يفعل المستحيل لدموع من يحب

جربي ماهاتخسري شيء

حتى لو بللتي قدميه بدموعك فهي دموع في سبيل الله

والله يكتبهالك ان شاء الله

لاحول ولاقوة الا بالله

يضحي بالحج من اجل سيجارة

اسئل الله ان يهدي ضال المسلمين

اخوكم البدوي .

وش شرك يااخوي وش هاالكلا م هو ماقال انه يحبه اكثر من الحج لكن هو يستحي من رب العالمين في

اليوم اللي يكون الناس اكثر قربا لله واكثر توجها وتضرعا اليه ويدينهم مرفوعة للسماء يكون هو بين يديه

السيجارة اللي هي اكره شئ لنفسه كما يقول

يخاف انه في احد يكون عون للشيطان لاحد يكون توه تارك

التدخين فلما يشوفه يدخن يشتاق ويكون اثم هاالشخص عليه في يوم عظمه الله علشان كذا سال السؤال

اللي ماحد رد عليه هل ممكن يدخن دون مايشوفه احد ودون مايشم الريحة احد ( يعني بالعربي يقدر انه يستغل في سكن )