|
الزواج من الثانية
السلام عليكم ورحمة الله وبركاته اخواني واخواتي انا انسان متزوج وعندي عيال الحمدلله وصارلي متزوج 10 سنين وانا احب زوجتي وايد واحب عيالي وايد ومب مقصر وياهم كلهم في شي من حنان وحب ومصروف وتربية عموما كل شي متوفر لهم .. الموضوع الاساسي هو اني أبغي اعرس من وحدة ثانية بالمواصفات اللي ابغيها و لله الحمد والسبب هو اني احس حرمة وحدة ما تكفيني خصوصا مع انشغالها ويا العيال واهتمامها لهم وبحاجياتهم لا خليت منهم . لكن انا من كثر ما اواجه من مغريات في العمل والشارع والحياة اليومية احس اني احتاج حرمة ثانية عشان اصون نفسي عن الحرام . والزوجة الثانية موجودة وجاهزة وكلمت اهلها وما عندهم مانع وخصوصا اني بسكنها في بيت ثاني وهي راضية بالوضع وتعرف عن حياتي وايد اشياء . والزواج بيكون بشكل طبيعي كأنه حفلة يعني مب عرس كبير. لكن كيف أواجه زوجتي الأولى بالموضوع هذا ؟ وكيف أقنعها بحجتي ؟؟ أرجو التوجيه من له خبرة او معلومة وجزاكم الله خير اخوكم المزاجي |
اخوي ممكن نعرف كم عمرك ??? |
راح تكون صدمه لها ومدامك مرتب امورك المفروض تكون مرتب امور الصدمه اللي راح تصدم فيها ام عيالك .. اي حب قال احبها قال .. انا اقول الله يكون بعونها والله يكتب لك الخير وين ما كان
|
فعلا الرجال امرهم غريب
يعني هيا ماخذة بالها من عيالك ومش مقصرة معك... وبتحبها وجزائها بالاخر يكون.... زوجة ثانية بلا حب بلا ... ولا خليني ساكتة اللي بيحب الثاني ما يجرحو واذا عندك مغريات كتير بالشارع... نبه زوجتك ام ولادك... وخليها تغير من نفسها ما تعاقبها من غير تنبيه تقبل تحياتي |
شكرا للردود
مشاعر مرهفه .. العمر 33 |
صدمة مو سهله عليها ابدا حتى الاولاد رايح يكرهوك انتبه جيدا قبل الاقدام على الخطوة
|
الله يهديك وتتراجع عن التفكير بالزوجه الثانيه ،،
يجب أن تفكر بالامور قبل الزواج ماذا ستكون رده فعل الابناء أكثر من ردة فعل الزوجة ، وبالنسبة للمدام اشلون تقنعها ، حاول انك اتلمح لها بالموضوع عشان اتعرف شنو بتكون رده فعلها ، مثل في عطلع نهايه الاسبوع يوم تاخذ الجهال اتفسحهم قول حق المدام بطريقة المزاح ايش رايج لو تزوجت عليج ؟؟ (( والله يعينعها )) .. والله يكتب لك الي فيه الخير .. الله لا يجيب اليوم الي انحط فيه بنفس الموقف ،، |
33 سنه فقط ومتزوج من عشر سنوااااااات !! الاحظ دائما أن اغلب من يفكر بالزواج بثانيه يكون تزوج بالأولى في عمر صغير !! على العموم .. أرى أن الأسباب التي تبرر فيها لزواجك الثاني ليست مقنعه .. فإن كانت زوجتك تهملك بسبب انشغالها بالأولاد .. أليس من الأولى أن تنبهها للأمر قبل أن تقرر الزواج ??? وان كنت تتعرض لمغريات كما تقول .. أليس من الأولى أن تغض بصرك ??? ألاحرى بك أخي الكريم هو أن تصلح الجزء الفاسد في علاقتك بزوجتك بدل أن تفسد الصالح منها بقرار كهذا .. خصوصا وأن الله قد من عليك بزوجه صالحه تحسن رعايتك أنت وابنائك .. وليس من عيبا لها سوى تفانيها في أمومتها !! |
أخبر زوجتك الاولى اولا وبدون تردد وشوف ردة فعلها ومدى تقبلها للأمـر ..
اما اذا كنت خائف من اخبارها فالأفضل لك ان تصرف النظر عن الموضوع برمتــه .. لأن الزواج الثاني يحتاج الى رجل قلبه شجاع وغير خائف حتى يستطيع العدل بين الزوجتين .. ولذلك إن كنت من الخائفين فالأفضل لك زوجه واحده . |
حررام عليك ؟!
اللحين هذا جزاء زوجتك انها مهتمه بعيالك ومو مقصره معاهم بشي تتزوج عليها ؟؟؟ تدري لو انها مقصره ولا اهتمت في بيتها كان ماتوقع انك بتفكر بالزواج بس هذولا انتم يالرجال .. انانييين .. اكيد هي مضحيه برغاباتها علشانك انت وعيالك وتروح تتزوج عليها ؟؟؟؟ والشي الثاني .. الزواج الثاني ترا مو سهل تحسب ان فتحة بيتين سهله ماقصد من نايحه اديه ابدن ... اول شي المنافسه الي بتصير بينهم وبتجيب لنفسك وجع راس .. ومافكرت بعيالك بعدين .. دايم الاخوان من الاب علاقتهم في بعض مو كويسه .. يعني ترضى يكون عندك عيال متعادين ؟؟ فكر بنفسك وبزوجتك وبعيالك .. لاتفكر برغباتك وتنسى الاوليويااات .. معليش اسفه اذا ردي مو متناسق او ازعجك .. بس عن جد ياعزيزي فكر زين ... فكر بصدمة زوجتك ... فكر بحياتك بعد الزواج تراها اكبر مما تتصور بتجيب لنفسك مشاكل انت بغنى عنهاااا وواضح من عمرك انكم لسا في بداية مشوار الحياة .. يعي كلها كم سنه ويكبرون اولادك وتفضى لك زوجتك وتكون حياتكم ولا احلى منها باذن الله ... والاستقرار دايما مايكون في بيتين في بيت واحد فقط .. لاتندفع وراء رغابتك ياعزيزي .. فكر فكر كوووووووويس زوجتك جرحها بيكوون عميييق .. خاصه انها كويسه ومهتمه بعيالها .. واهتماها بعايلها من سنعها وصلاحهااااا ... لاتصدمها ومثل ماصانتك وحافظت على بيتك وعيالك ... احفظ كرامتها ولا تجيب لها ضررره .. ولاتسى انه جرررررررررررح عميق عمييييييييييييييق بالنسبه لهااا :( والله يوفقك ويسعد ك ويسخرك لزوجتك ويخليك لعيالك ...:) |
| الساعة الآن 04:23 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©