صرف لي هذا الدواء ومادري استعمله ولالا الحقوني دكتورة بنت النيل او دكتور نبيل
 

تسلمي لي يا اخت سوسو بس انا حابة اتأكد يعني هل ممكن يصرف هالدواء لشخص لمجرد انهم يبغونه يرتاح وينام كويس؟؟ كذا قال الدكتور قبل فتره صرف دواء وقال هذا بس عشان ترتاحين وتنامين كويس بالليل وبعدين انقطع وانصرف لي هالدوا فجأة يعني ممكن يكون بدل الاول اذا كانت المعلومة صحيحة
وهي ان الدواء هذا ممكن ينصرف للشخص لمجرد الراحة والنوم العميق في الليل..

بس غريب مضاد اكتئاب وهم صارفين لي بروزاك مو معقوله اكل مضادين للاكتئاب وانا مافيني الا العافيه!

يانهار أسود بروزاك عسى ماأخذتيه هذا الدواء جدا خطير واستعماله لفتره طويله تؤدي الى الأنتحار...
اسم الله عليك أنت كويسه ومافيك الا العافيه واذا عالنوم اشربي نعناع وابتعدي من المنهبات قهوه شاي مشروبات غازيه...الله يعافيك طمنينا عنك أول بأول..

معلوماتك خاطئة عن البروزاك حبيبتي 30 بالمية من الشعب الامريكي يستعمل بروزاك والدكتور مصر يصرفه يقول عشان المرض والالام وكثرة الادوية وقل النوم مع شوية من مشاكل الحياة مارح تتحملين كم سنة وتنهارين لابد من البروزاك..

وعلى فكرة البروزاك يصرف بجرعات مختلفه المصابين بالاكتئاب ياخذون جرعة اكبر بكثير من جرعتي يعني هذولا اطباء واستشاريين كبار ما فيه نقاش بكلامهم..

ولكن هذا الدوا اللي كتبت اسمه انصرف لي بدون مناقشه مع الطبيب بخصوصه عشان كذا متخوفة استعمله ياليت بنت النيل او دكتور نبيل يطلون على موضوعي..

السلام عليكم ورحمة الله وبركاته


أختي البحلة بالنفس . . .


أنا ماأعرف أيش ظروفك بالضبط ، ولكن الذي أعرفه أن أيمانك بالله قوي وأنك ماشاء الله عليكِ فرفوشة في مشاركاتك

وبالتالي لاتجعلي كم مشيكلة صغيرة تتغلب عليكِ وتتحكم في حياتك

أنت أقوى من كذا بكثير :22:


والله الموفق .

لا تخاف مب انا صاحبة الموضوع الحمدلله على الصحة والعافيه يارب..

اللي كاتب الموضوع شخص عزيز على قلبي وعنده مرض الذئبة الحمراء مرض مزمن ويتعالج منه من سنين والحمدلله حالته تقريبا مستقرة ولكنه يستعمل الكثير من الادوية (اكثر من 15 حبة في اليوم) ومعروف ان كثرة الادوية تأثر على نفسيه الشخص وتتعب الجسم وهو الحمدلله مؤمن بالله وكم مرة يرفض استعمال البروزاك لكن كل الاطباء اللي شافهم قالو لازم تاخذه كل المصابين بامراض مزمنة نعطيهم جرعة بسيطة من البروزاك لتريحهم وتهدي انفسهم وتساعدهم على الحرب مع المرض..

لكن اخر مرة جا من المستشفى وكالعاده يصرف مجموعة ادوية كثيرة في كل موعد الله يشفيه لقا دوا جديد لم يناقشه الطبيب فيه والمشكله موعده الجاي لسا كم شهر ومايقدر يتصل بالدكتور تعرف مستشفيات حكومية صعب الوصول للطبيب قال انه عادة الطبيب يكتب له مهدئ ومنوم عشان الام المفاصل والتعب مايخلونه ينام وهالمرة صرفو هذا الدواء ولم يصرفو المهدئ المعتاد لكن برضوه متخوف يقول مادري صرفو لي هذا كمنوم ومهدئ بدل اللي فات ولا جاني بالغلط لانه حصل كذا مرة اخطاء من المستشفى في صرف الادوية الله يهديهم لذا سؤالي واضح..

هل ممكن ان يصرف هذا الدواء لشخص لمجرد راحته ومساعدته على النوم العميق؟؟ اذا الاجابه نعم فاكيد الصرف كان صحيح واذا لا وتقولون هذا الدوا قوي ويصرف كمضاد للاكتئاب فلا بد انه صرف بالخطأ لانهم يصرفون له بروزاك ولا اعتقد ان الطبيب رح يكتب له نوعين مضاد اكتئاب بدون ما يشرح له الاسباب..

يعني محد رد علي :(