|
هل لازم الممتلكين يتكلمون في الجنس؟
السلام عليكم...بغيت مسااعدتكم خواني خواتي... أنا ممتلكه من شهر تقريبا...وباقي عن الزواج شهر .. هل لازم اتكلم مع زوجي عن ليلة الدخلة؟؟وفض الغشاء ؟؟؟ وإذا هو ما بدأ بالموضوع كيف أبدأ فيه...أحسها صعبه ...وااااااااااايد وأنا وياااه علاقتنا مره حلوه الحمد الله ,, وتكلمنا ف أمور الحياه والحب إلا (((الأمور الجنسيه))) ما تطرقنا لها أبد....ما عارفه....عااادي؟؟؟الوضع طبيعي؟؟؟ أهل الخبره ساااعدوني...وادعولي.. الاشراف:- عذراً فقط تعديل بسيط في العنوان .,بالتوفيق. |
الأفضل إنكم تتكلمون عن بعض الأمور بس بدون تعمق ..
لكن إذا هو مافتح الموضوع غنتي أبد أبد لا تفتحينه .. الحديث في هالمواضيع تأتي من ناحية الزوج هو اللي يبدأ فيها .. موفقة .. |
لاتحاولي تفتحي الموضوع معاه ..
خليها بطبيعتها احلى .. ومو لازم كل المملكين يتكملو بالامور الحنسيه |
هلا اختي فلوناا ..
والله حتى انا أسأل نفس سؤالك .. يعني لازم نتكلم عن المواضيع الجنسيه !!! احس الموضوع هذا يحرجني مرررررررره .. يعني ما دام احنا متفاهمين في اغلب الامور ومرتاحين ليه ما نخلي كا شي لوقته .. احس يكون احلى .. انا بصراحه كذا قلت لخطيبي لما فاتحني في موضوع ليلة الدخله انو كل شي في وقته حلو .. ما ادري يمكن اللي سويته ما اعجبه بس احس اني ما عندي شي اضيفه او اقوله بحكم انه شي جديد وما لي خلفيه عنه .. وبصراحه احس بخوووووف من الموضوع هذا .. عشان كذا ما احب اتكلم فيه .. يعني ما احب استبق الاحداث .. لكل حادث حديث .. بس المشكله ان نظرة الرجال مو مثل نظرتنا .. يعني لازم يتكلم ويبغاني اخذ واعطي معاه بالكلام !!!! ما ادري كيف اتصرف !!! |
اقتباس:
السلام عليكم . . . كما أشارت الأخت بحرينية ولكن ... يمكن التطرق لبعض الأمور الخفيفة أو اللذيذة دون الدخول في التفاصيل لأنه كل شي في وقته حلو ولا تبدئي انتي في فتح مثل هذه المواضيع وحتى وإن لم يفتحها معك فلا تقلقي الأمر عادي وليس واجب . . . أسأل الله لك التوفيق والعفو والعافية . . . والله المستعان |
وعليكم السلام ورحمة الله وبركاته لا طبعا مو لازم تتكلمون بهالمواضيع من الآن وإياك أن تفتحي أي موضوع يخص ذلك أما إذا هو اللي فتح فالله يعينك |
السلام عليكم
اولا بارك الله لكم وبارك عليكم وجمع بينكم على خير والف مبروك ان شاء الله وربي يوفقكم وكل مسلم يا رب وثانيا بخصوص المواضيع الجنسية انا الي اشوفه من وجهة نظري اذا تكلم الزوج في هذا الموضوع انكم تناقشونه وليس بعمق يعني تناقشون الخطوط العريضة يعني كمثال انكم تناقشون موضوع فض غشاء البكارة ومتى راح يتم والمفروض هو الي يقول لك انه ما راح يكون اي شي الا لما تكونين مرتاحة وانه هو يحس انك مرتاحة ومثل كذا اما في حال ما تكلم الزوج فممكن مثلا تلمحين له من بعيد انك تقولين له انت وش اللون الي يعجبك في ملابس النوم مثل كذا واتوقع راح يفهم بالتوفيق مره ثانية واسال الله العظيم رب العرش الكريم ان يوفقك ويوفق كل مسلم ومسلمة ويعينهم ويرزقهم الذرية الصالحة يارب |
ما اتخيل انه لازم كل المخطوبين يتكلمون عن هالشي واذا ما فتح خطيبك الموضوع معك لا تفتحيه انتي معاه لانه عادة هالشي يجي من طرف الرجل واعتقد انه كل شي في وقته حلو وفي بعض الرجال يفتحون الموضوع قبل مدة بسيطة يعني ممكن قبل اسبوع او قبل ثلاث ايام |
السلام عليكم
عادي يالغاليه وربي اساليني لمن تكلمنا قلت له اني متخوفه بس طبعا هو الي بدأ فلاتحاولين تفتحينه وبعد كذا صار يهديني ووو فالحمدلله زال عني الخوووف الله يوفقك |
مادامت العلاقة بينكما ممتازة دون الحديث عن الجنس فلا لزوم لفتح الحديث عنه خاصة من جاتبك
والكلام عن الحب الذ واطعم خاصة للنساء ترين سؤال في ها الصفحة يتسائل عن سبب كثر الفسخ قدربمايكون السبب هو الاغراق في الحديث عن الجنس قبل الدخلة لاسيما ومجتمعنا لايزال يعتبر الحديث عن الجنس عيب حتى بين الزوجين المدخولين |
| الساعة الآن 07:20 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©