|
(لا تاخذين عشيقك ولا ترجعين لطليقك)
(لا تاخذين عشيقك ولا ترجعين لطليقك).. مقولة متداوله عند البعض .. ايش رايكم فيها ..وخاصة الجزء الثاني منها ..(لاترجعين لطليقك) بالنسبة لي انا كنت متملكة وانفصلت ومرة حلمت حلم وفسروا لي على اني خطيبي السابق يفكر فيني وممكن يرجعني ..بس المفسر ماكان متأكد من هالتفسير والله تميت متضايقة طول اليوم مجرد تفكيري ان ممكن نرجع لبعض يخليني اتنفس بصعوبة .. يعني لو صارت ([blink] وإن شاء الله ماتصير وربي يعوضني بخير منه[/blink]) لو صارت بيكون .....الله المستعان عموما انتو ( رجالا ونساء إيش رايكم) |
الأخت الفاضلة
أظن لو كان في نصيب من البداية لما حدث إنفصال مجرد فكرة بمعنى ثاني إنسيييييييييييييييييه وربنا يعطيك خير منه |
جزاك الله خير أخي أبو أحمد
بس فعلا صارت حالات كثيرة لمطلقين رجعو لبعض بعد سنين واتضح ان فيها حكمة من رب العالمين.. |
انا اعرف واحد عز المعرفه رجع لطليقته بعد 21 سنه من الطلاق
اتزوجها وعمرها 17 وجاب منها ولد وبنت وطلقها وهي عمرها 20 سنه وبعد 21 سنه رجع ورجعها يعني عمرها 41 وجاب منها بنتين ... من يصدق... بالرغم انه تزوج غيرها بها الفترة وجاب عيال.. وهي ماتزوجت جالسة تربي في عياله .... صدق مااحد كان يدري ان نصيبها معاه هو وبس... وانا عن نفسي امنيتي يرجع لي طليقي بالرغم انه مر الان على طلاقنا 6 سنوات لاانا تزوجت ولا هو اتزوج.... ومااحد يدري.. وعسى ان تحبو شياَ وهو شر لكم..وعسى ان تكرهو شياَ وهو كرة لكم.. وتحياتي للجميع... |
اقتباس:
اختي العزيزه الله ينولك مرادك ويوفقك ويرده لك ردا جميلا (وعسى ان تكرهو شيئا وهو خير لكم وعسى ان تحبوا شيئا وهو شر لكم والله يعلم وانتم لاتعلمون) سوره البقره وموضوعك يابنت ادم لاترجعين لطليقك سبحان الله فيه ناس رجعوا وحياتهم تحسنت كثير ومافيه احد يعلم وين الخير الا الله بالنسبه لي طليقي كان في الماضي عشيقي وزوجي وابو عيالي وكل شي بحياتي بس سبحان من نزعه من قلبي من قبل ما اطلب الطلاق وما اتخيل اني ارجع اعيش معاه والحمد لله اني ماعدت احل له لاني اتخذت هذا القرار بعد استخارات كثيره لرب العالمين وايضا وجربته كثير وعرفت انا لانناسب لبعض والحمد لله على قضائه وقدره |
ترااا الدنيا قسمه ونصيب اذا الله كاتب لك ارجوع راااح ترجعي
(وعسى ان تكرهو شيئا وهو خير لكم وعسى ان تحبوا شيئا وهو شر لكم والله يعلم وانتم لاتعلمون) |
طيب أنا عندي سؤال أذا الوحده تطلقت وفاتت العده من دون مارجعها الزوج مش لازم علشان يرجع ويتزوجها أنها تكون تزوجت بعده وتطلقت أو مات زوجها مثلا هذا الي أنا أعرفه
|
المشكله ان كل الرجال اذا طلقوا يبغون يرجعون ما تعرفين الصادق منهم من الكذاب يتلونون مع الظروف علشان كذا عندهم قدره على الزواج من اربع على الرغم من انه لايزال يقول خلينا نرجع لا زلت خايفه واذا بارجع بارجع علشان ينضبط في تربية عياله ويكون مسؤول عنالمعاناة في تربيتهم ولا اخلي له مجال او عذر في عدم الانتباه لهم لان معظم الرجال يهربون من الزواج بالطلاق لانهم يحسون ان مسؤولية العيال تاخذ وقتهم وتحرمهم من التمتع بالحريهاللي كانو يتمتعون بها قبل انجاب الاطفالاو ربما يكون من الرجال الذين لايحبون حمل مسؤولية امراه باعطائها الاهتمام الكافي لها وكما ن كثيرا من المطلقين يكونوا سعداء برجوعهم فانه هناك الكثير ايضا من رجعوا وعاش كل واحد لحاله وعتقد ان الرجعه اللي تكون بعد ما يكبرون العيال وارتاح هو فيها من المسؤوليهخلال هالفتره ممكن يرجع لها بحب لان في نظري الرجل ما يحب يشيل مسؤولية الاسره كامله يتمنى دايما لو فيه حد يساعده عليها هذي ملاحظتي في هالموضوع وهذا رايي اما بشان لا تاخذين عشيقك فشي معروف ان الزواج يخلي اجمل النساء عاديه بعد التعود عليها ربما بعد ثلاث سنوات |
كل ادعي ان اللي فيه الخير بك يسره لك الله وحده يعرف الأنسب وكل شي له حكمه
|
طيب أنا عندي سؤال أذا الوحده تطلقت وفاتت العده من دون مارجعها الزوج مش لازم علشان يرجع ويتزوجها أنها تكون تزوجت بعده وتطلقت أو مات زوجها مثلا هذا الي أنا أعرفه
لا لايلزم , فقط عقد جديد ومهر جديد , حاله حال أي واحد غيره . هذا إذا كانت طلقة واحدة أو طلقتين لكن لو ثلاث طلقات ؛ مايرجع لها إلا بعد ماتتزوج غيره ويطلقها .. ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــ لاتاخذين عشيقك ولاترجعين لطليقك تراهم مرارة بريقك تقول هالمثل وحدة دايما لي , وعموما طليقي مافيه رجعة له أبد (إلا أن يشاء الله ) لانه متزوج الحين ومبسوط على الآخر الله يزيده (آمين) |
| الساعة الآن 12:08 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©