|
ياليت احد يفيدني ( ممكن تساعديني يا دكتورة ) او يساعدني اي احد بكلام يرفع معنوياتي :(
[grade="DEB887 D2691E A0522D"]السلام عليكم انا عمري 24 تزوجت من حوالي 10 اشهر تقريبا .. في بداية زواجي جاتني الدورة الشهرية على طول يعني بعد زواجي بـ 3 ايام بس .. طبعا دورتي 9 ايام ما ادري ليه على اني وقت المراهقه كانت 7 ... المهم انا من جهل فيني ما كنت ابغى احمل على طول وبعد اخر يوم في الدورة اخذت حبوب منع حمل من مزاجي مو من دكتورة او وصفه طبيه .. اخذت نوع ياسمين لاني سمعت انه اخف نوع .. المهم انا اخذته من هنا وبعدها بيوم جاني نزيف لمده 3 ايام طبعا انا رحت للدكتورة على طول وقالت ع\هذا تبويض عادي صلي مو مشكلة انتي عندك فقر دم بييييس طمرة واعطتني فيتامين عادي جدا .. وقالت انو عندي ضعف تبويض .. بس انا طلبت منها حبوب منع حمل واعطتني ما يناسبني .. ولكن ما اخذت منها ولا حبه الى اليوم .. انا ابي احمل ولا حصل حمل وانا ما اعرف كيف احسب فترة الاخصاب عندي انا دورتي منتضمة تجيني كل 19 يوم او 20 يوم ما تتاخر عن كذا من تزوجت الحين تاخر 6 ايام وسويت في البيت فح الحمل اللي عن طريق البول طلع النتيجه سلبيه انا خايفه انو ما يكون حمل لاني اتمنى احمل .. خايفه اروح اسوي تحليل في المستشفى ولا يبان شي وانصدم .. او يعطوني حبوب تنزيل دورة واكون حامل .. وحده اعرفها كانت حامل وحللت ولا بان واعطوها حبوب تنزيل دورة وسقطت بعد فتره .. اخاف اكون كذا لا سمح الله .. مو عارفه وش اسوي .. انصحوني جزاكم الله خير [/grade] |
اول شيء مبروك يا عروس
اولا انا استعمل حبوب ياسمين و هي اقوى نوع في الحبوب ثانيا روحي للمستشفى الخاص و افحصي انا اول ما تزوجت رحت للدكتورة لان الدورة تاخرت 10 ايام فقط و فحصت و طلع مافي حمل و قالت لي الدكتورة اذا تاخرت الدورة الشهر الجاي احسبي 14 يوم و اليوم 15 تعالي افحصي و فعلا الحمدلله طلعت حامل و الان عندي بنت عسوله ان شاء الله تطلعين حامل و يرزقك الله بالذريه الصالحة تحياتي لكي |
انا قبل زواجي اشتشرت دكتورة عن حبوب المنع وقالت ياسمين ماينفع للبنت البكر وصرفتلي نوع خفيف اسمه ديان وقالت ناتستخدمينه اكثر من 3شهور
واحتمال ماهوكبير مايصير حمل الابعد 6شهور اما ايام التبويض احسبيها هي ايم الوسط بين الدورتين واعتقد فيه جهاز بالصيدليه مثل فكرة جهاز تحليل الحمل لكنه يبين ايام التبويض والله يوفقك يارب وتطلعين حامل |
الله يعد كل من ردت علي لاني والله ما توقعت ان احد راح يرد
اختي soha44 .. خلاص احس اني قديمة مو عروووس ههههههههه الله يرفع معنوياتك يا عزيزتي .. ويخلي لك البنوتة الامورة اللي عندك وتشوفينها هي عروووس يارب اختي صمت الهوى .. فعلا انا يوم رحت قالت ان ياسمين قوية على البر ليه اخذتيها وهات يا تهزيء بس انا وصفتها لي مرة خالي وقالت انها مرة خفيفه بس تعرفين اللقافه وش تسوي .. ومشكورة على المعلومات يا اختي الغاليه .. بس حبيت اسال ايش اسم الجهاز .. يعني لو اروح للصيدليه اسال عن جهاز معرفه ايام التبويض والا له اسم ؟؟ وشكرا على ردودكم وتفاعلكم معاي .. الله يجزاكم خير ويرزقني الذرية الصالحه انا وكل بنات المسلمين يارب |
حابة اسال بعد لو طلعت حااامل وياااااااااااااااااااااااااااااااارب اكون حامل ويجيني نونو حلو واموووور :15:
اروح عند اي دكتورة .. وش تنصحوني باي مستشفى ؟؟ اعتبروني اختكم الصغيرة :o |
بصراحة الجهاز ماشفته ولااعرف اسمه لكن قريت عنه باكثر من منتدى اسالي الصيدلي عنه
وبالنسبة للمستشفى انت وين اقامتك؟؟؟ خلي الاجابة بعد ثبوت الحمل افضل ويارب حامل |
انشالله يا رب تكوني حامل
بس انا اللي صاحبيتي نفسها تكون حامل فاتخرت عليها الدورة 10 ايام لانو الشي هادا كان شي نفسي والله يا رب تكوني حامل بس المهم انتي روحي للدكتورة وافحصي دم |
بالنسبه لجهاز التبويض
انتي روحي للصيدليه وقولي ابغى جهاز قياس التبويض عن طريق البول.. وبس. الله يسهل امرك. |
يارب العالمين يسهل لي امري وتتسهل اموركم يارب
صمت الهوى انا مكان اقامتي في الرايض .. ومو مشكلة خلي الاجابة بعد الثبوت وانا اذا طلعت حامل ببشركم هنا ودعواتكم لي اختي حبيبي دوما و اختي Crestalla الله يسمع منكم وم كل من دعا لي ... عندي سؤال ولو اني كثرت عليكم اسئله :$ انا ما احس باي شي مجرد الم بسيييط في اسفل بطني يجي شوي ويروح بس جاني مرتين او ثلاث والم بسيط بعد اخر ظهري يجي شوي ويروح وما جا الا مرتين هو عادي والا لازم احس بالام مغص وكذا زي ما يقولون .. والله ما ادري ياليت تفيدوني .. لاني بصراحه ما عندي احد اساله واستحي اسال ماما .. وشكرا لكم كلكم |
الله يرزقك ويرزقنا يارب
انا هالشهر كنت حاطه امال كبيره لكن ربي ماكتب ان شاء الله انتي تضبط يارب وتجين تفرحينا فيك |
| الساعة الآن 10:37 AM. |
Powered by vBulletin® Version 3.8.12 by vBS
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©