ماني عارفة قدر نفسي ..!!
 

السلاااام عليكم


حياتي صعبه .. او ضايعه على حساب الاخرين .. ماعني عارفه قدر لنفسي .. صايره مثل الشمعه التي تحرق نفسها كي تضيئ دروب الاخرين ... اذا اروح السوق اتنغص على خواتي لازم اخذ لهم حتى لو الميزانية ما تسمح احرم نفسي واخذ لهم ومرات لامي .. واذا اكل شي اتنغص عليهم ومرات اخذه اوديه لهم .. اضحي بالكثير وبالاخير ما الاقي الا القليل .. احس نفسي محرومة عندي اشياء بس اعطيها لغيري لاني اتنغص عليهم وبالاخير اظل بدون شي .. ابي اتخلص من هالطبع مدري كيف ..

قمة الإيثار والعطاء ، وهذا دليل على طيبة قلبك وصفائه ،والله أسأل أن يعوضك خيرا( وما تنفقوا من خير يعلمه الله )، (ويؤثورون على أنفسهم ولو كان بهم خصاصة )

بالعكس لاتتضايقي .........هالصفه نادره هالأيام افتخرى بنفسك
اذا هى تضايقك خففى منها شوي قد ماتقدرى انظرى لنفسك فكرى فيها كثير قدري نفسك تذكري صفاتك الحلوه دائما هالشي مع الوقت بيخليك تقدرى نفسك اما انك دائما تنظرى لنفسك بنظره سلبيه هالشي راح يتعبك

تحياتى لك والله يوفقك وييسر امورك

يعطيكم العااافية بس الانسان نفسه يحس بالسعاده انا كل مكان اروحه اتذكر احد من اهلي واتنغص عليهم او اذا صديقتي عنده مشكله اجلس افكر فيها .. حتى زوجي يقول لي انتي متعبه نفسك بنفسك .

اللــــه يووفقك ..وييسر لك أمرك ....ويسعدك بسعاااده أهلك....

صفــه حلــوه ...اللــه يسعدك....

صحيح التفكــير شي يتعــب...

لكــن محد خاالي منــه...

...تذكــري كل النااس تفكــر..لكــن المميز اللــي ما يتغلب عليــه تفكــيره...

اللـــه يووفقك...

من أبدى الناس على نفسه طاح في النار ...مثل شعبي
 

السلام عليكم ورحمة الله وبركاته
تحيه طيبه,,,,,
أولا هذه تعتبر ميزه وليست مشكله أو عائق في ذاتك.....
ولكن حاولي قدر المستطاع أن لاتنسي نفسك لأن الناس لايكونو أبدا مثل اهتمامك لنفسك.
وثانيا عدم الندم لى ماقدمتيه للآخرين ,وأحتسبيه لرضا الله سبحانه وتعالى.