مشكلتي زوجي .......
 

باكتب مشكلتي باختصار ..متزوجه من خمس سنوات وعندي ثلاث اعيال ..مشكلتي زوجي خلاني اكره حياتي معاه صار مشاكل وايد خلال السنوان ..اختلاف وجهات النظر بينا مافي تفاهم منها ..لين وصلنا لطريق مسدود دخلت الفلوس بينا لو عنده فلوس يصرف ما يقصر بس لو ماعنده مالي حق اعرف في شنو انصرفت ..وصلنا لمرحله انه لو ماعنده يطلب مني وصرت انا الي اصرف على نفسي واعيالي كل مستلزماتنا طول السنه حتى اغراض الجمعيه وفجأه ما عنده فلوس حتى راتبه ما يبقى منه شي يعني ما يعطيني مصروف لي واعيالي بس اسال وين راتبك وين فلوسك ايقولي ما لج حق تساليني .اذا عندي عطيتج ما عندي ما تسالين كم عندك في شنو صرفتهم ؟؟؟

من كثر المشاكل طلبت الطلاق اكثر من مره وعشان تغير كنت اطلب منه اهتمام وكلام حلو بس صار يتاخر طول الاسبوع عن البيت للفجر وكل مرة له عذر وزادت المشاكل بينا احس اني محرومه من الحب والاهنمام ومحرومه من انه زوجي يصرف على وعلى اعياله ومحرومه من حقوقي كزوجه صرت اهدده بالطلاق كل ماصارت مشكله صرت اهدده اني اعرف غيره صرت اطلب حقوقي ويقولي كلام حب مافي هاي انا ما راح اتغير ..حتى التاخير قالي ما اقدر اكذب واقولك بارجع بدري لانه هاي انا ما راح اتغير

كنت رومانسيه دايمن اطرش له مسجات حلوة واتصل اسال عنه ودلعه واهتم فيه لكن مافي فايده



مشكلتي احين الي ذابحتني انه ما راح يتغي عازلني عن حياته بالاضافه حق الي ذكرته ما عرف عنه اي شي في حياته والله العظيم .صت دايمن اهدد اني باتركه واعياله وصرت ما اطيقه ودايمن صرت اقوله انت ممل والحياه معك ممله وكل شي معاه ممل وهاي الي احس فيه احين والي زاد الطين بله انه باع سيارته ب100000ريال وطبع على طول قررت ايسافر تايلند ابروحه وكنت انا في الانفاس في بيت اهلي ومن ولدت لين ما رجعت بيتي ما عطاني الا 2000 ريال وبعدها قالي ماعندي فلوس ؟؟؟؟؟؟؟؟؟وطبعا انا الي صرفت على نفسي واعيالي ؟يوم سالته وين راح المبلغ ؟ظقال لي مالج شغل وين راح


خلاص الحياه معاه لاتطاق مش مرتاحه نفسيا ولا ماديا وما عرف اي شي عن حياته وماادري ليش اعيش معاه بغيت نصايحكم شاسوي قولولي ؟؟؟؟ظ:18:

لا حول ولا قوة الا بالله
اختي الكريمه اذا لا يهينك ولايضربك ابقى معاه عشان عيالك
لومو مرتاحه ما تحرقي نفسك وانت عايشه اتركيه وطلقيه وخذي عيالك
يا ويلي الواحد لازم من الاول يختار صح على اساس الدين والخلق ويصلي استخاره يا اختي
قلبي معك وانا لا الومك على اي شيء انت مالك ذنب والاشياء الي بتطالبي فيها هي حقوقك
انت انسانه ، اصبري عليه فتره وكلميه وحاولي تهديه لاصحاب كويسين وحاولي كل الطرق وخلي الطلاق خيارك الاخير
توكلي على الله

مشكور ayah2 على الرد وهاي فعلا الي ايقوله ؟لو طلبتي الطلاق اش راح اتقولين حق القاضي ابي كلام حلو ؟؟ انا لاني اضربك ولا اهينك ما عندك عذر ؟ مب قادره استحمل .على فكره يمكن الاختيار ايكون اهو غلط .المستوى التعليمي مش متكافى انا جامعيه وهو ما عنده ثانويه ..وقبل لارتبط فيه كنت اعرف انه مش امواظب على الصلاه لكن رضيت فيه قلت راح اصلحه والله بيهديه ولكن خمس سنوات ومافي فايده زوجي وايد بعيد عن ربه ...

اختي انا شايفه انك بتهدمي اللي متبقي بينكم بايدك لازم تدافعي عن بيتك وحياتك لازم تبدأي التغير بنفسك وتبدأي انتي بالحسنى واحتسبي الاجر والثواب انتي في محنه الله يكون بعونك بس لاتخربي بيتك بايدك وتخلي اولادك يتشردوا بدون ابوهم انصحك بالدعاء والله حتشوفي النتيجه انا مجربه والله جات لزوجي فتره كان بعيد عن الله وكنت دايما بأنبه بس بشكل غير مباشر بس يوميا كنت ادعيله الله يهديه وفي يوم لقيته من نفسه سبحان الله جاي يقولي انا ضميري مأنبني جدا وابغى ارجع لله خليكي جمبي والله كنت اسعد انسانه بأن الله تقبل مني لا تملي من الوقوف على ابواب الله وحتشوفي النتيجه بس اصبري واحتسبي وفقك الله

الله يهديكي ويهديه

اصبري عليه أختي

و أكثري من الدعاء الله بأن يصلحه الله و يهديه للطريق السليم

عليك بالدعاء الدعاء الدعاء له

الله يهديه و يصلحه و يصبرك

عزيزتي عمر الطلاق ماكان حل وانتي واضح من كلامك انك بنت ناس وفاهمه الاصول وعقليتك كبيره ومتفتحه بس انتي مجروحه وماالومك بس الموضوع يبي له صبر منك وحاولي تقربي منه ولاتطرين له مساله الفلوس على الاقل الحين وقربي اكثر واكثر شوفي الاشياء اللي يحبها سويها له غيري حياتك معاه تغيير جذري اكيد هو عده ازمه نفسية واصدقاء السوء بيستغلون الوضع النفسي لحالته انتي حاولي تنتشليه من هالازمه وصدقيني لما يرجع لطبيعته بيقدر لك وقفتك معاه ..

الله يهديه يا رب