زوجي وصديقه...صدمة
 

السلام عليكم رحمة الله وبركاته

هذي اول مشاركة لي واسمحولي على التعبير بس ماني عارفة اكتب واعبر

زوجي رجل طيب ودين يصلي دايم في المسجد ويقوم الليل ..والناس تشهد باخلاقه ودينه

من ثاني سنة زواج لنا اكتشفت انه علاقاتنا الزوجية فيها خلل .. ما كان يجيني غير

مرة بالاسبوع وممكن تطول لعشرة ايام ... ولمن كنت اناقشة يقولي بحكم عملي

وارهاقي الجسدي ماقدر لانه يشتغل اكتر من 8 ساعات حاليا اصبح عمله 8 ساعات او اقل والوضع على ماهو عليه انا كنت اشك انه يمارس العادة السرية بس ماقدرت ابدا اني اصيده

وكنت استغرب اني لمن البس له ملابس اغراء ما اشوفه زي ما اقرا هنا في المنتدى وانه الرجال ينهبل ...

قبل ثلاث ايام كنت باشوف جواله لاني ابغى منه حاجة اكتشفت انه مصور مناطقه الحساسة

صدمت والفار لعب فيني وقلت باشوف ايميله واكتشفت انه ارسل الصور لصديقه الي منتدب في عمل خارج البلد وقايله لاني احبك ارسلتلك الصور ...

حاسة انه الدنيا تعلب فيني وماني عارفة ايش اعمل .. بديت اتذكر الماضي ..

وليتني ما تذكرت ... زوجي يحب العطور النسائية ويقول انه في رجال كثير يحبوا العطور النسائية لانها اقووى ومركزة ..

كل اسبوع كانوا يجتمعوا يوم الثلاثاء وكنت اروح انا زيارة لاهلي ...وكنت لمن ارجع اكتشف انهم جو البيت ويعلل انه عشان النت والتلفزون أو زحمة برا

حتى كنت اعلق واقوله انتم ما تصدقوا اخرج من البيت وتجوا على طول ..

ماني قادرة اصدق ولا افوق من الصدمة قولولي هل فعلا الي اكتشفته صحيح ..

هل ممكن يكون في حاجة زي اللي في بالي في الدنيا ... واحد متزوج وعنده حلال .
ويدور برا..

ممكن احد يجي يبررلي الموقف يمكن انا ما عندي اعذار .

مو قادرة اجمع بين صورة الرجل الي دائم يصلي الفروض والسنن .. وكل يوم يقرأ قرأن.. ويقوم الليل ويبكى وانا اسمع دعائه ..

والموقف الي اكتشفته كيف اجمعهم ساعدووني والله ماني عارفة اقول لمين ولا اشكي لمين ولا ايش أعمل ... كيف اتعامل معاه بعد كدا


لا تتركوني رجاااء لو بدعاء

وكمان راسلها لـ ( واحد ) . !!
فين راحت الصلاة ؟؟ وقيام الليل ؟؟؟

يا أختي في آية مشهورة :

(( إن الصلاة تنهى عن الفحشاء والمنكر ))


.!!


الله يكون في عونك يا بنت الحلال . . !!



في حل يا أختي

(( الدعــاء ، مع الأخذ بالأسباب ))

الأخذ بالأسباب : سوّي إيميل جديد ، وارسلي له رسايل دينية
ونصائح ، وآيات ، وحاولي إنك تبيّني له عقوبة اللي يسوي كدا . .

أو

إنك تروحي عند ( دكتور نفسي )

وتشرحي لهم حالة زوجك . .!!


الله يصبرك

ليش ما تواجهينه بالايميل؟؟؟؟؟

بس انصحج انج تكونين مرتبه كلامج قبل ما تفاتحيينه بالموضوع

هذي مصيبه صراحه وما نقدر نشكك في زوجك لأنك اعرف به منا
ما نقدر نقول انتي موسوسه


صراحه مصدومه لدرجه مو قادره افكر
الله يكوووووووووووووووووووون في عووووووووووووووونك


لازم تواجهينه لأن اللي هو فيه ممكن يسبب لك امراض خطيره الله لا يقولها
وانتي روحي افحصي
والله برد جسمي من سالفتك صراحه شي مخييييييييييييييييف

لاحول ولا قوة إلا بالله,,
اختي واجهيه يمكن يفيق من غيه,,وربما بكاؤه آخر الليل لإحساسه بعظم مايقوم به من معصية!!

عليكم السلام ورحمة الله وبركاته

عفواً .. هنا مكانه المناسب .

الله يفرج همك اختي واحسن حل هو المواجهه عشان مايتمادى والله يهدي الجميع

صارحية وانت زوجتة ومن حقك هذا الشي بس قبل لا تصارحية رتبي كلامك واعرفي شنو تبين بالضبط عشان توصلين لنتيجة وقولي لة اذا هوة متورط بشي او الشيطان موجة لمكان قولي لة انج بتساعدية على كل شي لانج تحبية مو بس زوجتة اختة وامة واهلة واقرب الناس لة

ماوصيج لا تشدين ولا ترخين خليج نص نص وحاولي قد ماتقدرين توصلين لنتيجة وقولي لنا شنو صار