|
أريد أن اسعد أهلي (أمي , أختي , إخواني, أبوي)
السلام عليكم
خلال الخمس سنوات الماضية كنت مشغول جداً عمل صباح دراسة مساء كنت مشغول جداً بعد سنه أو سنتين من ألان أكيد ينتقل وأتزوج المهم الآن خلال السنة هذه أريد أعوض الخمس السنوات الماضية أريد لما اخرج منهم يحسون أن هناك ابن وأخ لهم وفقدوه أنا الآن لو اخرج وأتزوج اعرف أنهم لين يفقدوني لان السنوات الماضية لا يروني حته على الغداء والعشاء أريد أن يتذكروني بخير خاصة إن لدي خمس خوات وانتم تعرفون البنات منطقات في البيت وأحس إني ضلمتهن لان علي إسعادهن وترفيهن وبصراحة أكثر أخي الأصغر مني تقريباً هو الذي حال محلي صعب شوي وعصبي جداً جداً ولا يستطيع يتمالك نفسه هذا غير انه لما يذهب فيهم ليتمشون يرجعون بمشاكل وهواش أريد أنشطه ممكن أطبقها على أهلي واحد من زميلاي قالي اقتراح قال سو مسابقه على أسوءا لبس والجائزة خمس مية ريال تقريباً سويتها كان تفاعل رهييييييب لمدة أسبوع الكل يتسابق على أن يلبس أشين أو أسوى لبس إلى درجه شارك بها أقربائي ومر علينا شهر تفاعل جميل جداً أريد مثل هذه الأفكار ولنكتبها هنا ليستفيد الجميع |
ماشاء الله تبارك الله ..
لكن لفت نظري كلامك بأنه بتعوضهم قبل تتزوج !! اهم شي تشعرهم باهتمامك فيهم حتى بعد زواجك خاصة والدتك.. |
ماشاء الله عليك تبارك الله
الله الله في خواتك خاصة لان الاخت تحتاج ان رجل يحسسها بمكانها يمكن اجابتي ماراح تكون نفس طلبك ولكن بما اني حرمه اعرف وش تبي المراءة المعاملة شجعها امدحها اضحك معها حاول تطلع كل اللي عندها خلها تسولف حتى لو كان الكلام اللي تقوله لك بنظرك تافه عطها اهتمام خلها تحكي لك عن مشاكلها اذا فقدها اسئل عنها هذا الشئ اللي ماراح تنساه ابد راح تشتاق لخوها مهما بعد لانها تحس انه عزوتها راح تفتخر بك في كل مكان ممكن تجيب الكتب اللي فيها قياس للشخصيات مثل اللي تجي في المجلات وجمع اهلك كلهم وابدا القي السؤال على الجميع واكتب اجابتهم ومن ثم طلع النتيجة لهم جميعا لو اعطيتنا اعمار اخواتك كان افدناك اكثر ان شاء الله ام ربيعة |
يا خووي أن تفكر انك تسعد أهلك (أمك , أبوك , إخوانك, أختك)
هذا شي جميل ويكفي انك تذكرتهم ,,,,,,,,,,,,,,,,,,, العمل والدراسه ليست عذراً ..... والأهتمام بالوالدييييييييييين هذا واجب عليك فرضه الله عز وجل ,,,,,,,,,,,, والأهتمام بالأخوان الواجب انك تهتم بهم وتعدل من سلووكهم وتبين لهم انك كنت مشغوول عنهم ليس واجب انت ترفهم او ............. غير ذلك.................. .الخ ويجب توضح لهم ان يهتمو بوالديك اثناء غيااابك . وصدقني السعااده تأتي لك ولإخووتك مع أهتماامكم بما يرضي الله ويرضى الوالدين ,, والله يسعـــــــــــــــدكم |
ماشاء الله لا اله الا الله
الله يكثر من امثااااااااااالك قليل هالايام الى يفكر بخواته المساكين لكن يااخوي دام انك ناوي تفرح امك وابوك وخواتك وش رايك تاخذهم عمرررررررة :d صدقني مافي حاجه تفرح الشياب الكبار الام والابو مثل العمرة بعدين تطلعون من مكه لطايف كم يوم تونس خواتك وش رايك بفكرتي تدري ليش فكرتلك كذا :oلان انا نفسي اصلا احد ياخذني انا وامي وابوي لعمرة وبعدين نطلع لطايف وجدة نتمشى ونتونس بس الشكوى لله:(:( اذا انت من السعوديه تكون احسن فرصه لكم اذا عندك احد من خواتك يدرسون هي عطله الى بين الترمين وهي ماباقي عنها غير تقريبا شهر الله يوفقك ويسر امرك بس يااخوي عندي كلمه بسيطه لك بالاخير عمر الزواج مامنع الرجل الحق والى يخاف الله من امه واهله بالعكس يمكن بالزواج تزيد علاقتك فيهم اذا كانت زوجتك صالحه تخاف الله وبعدين لاتنسى المعامله الكلمه الطيبه الروح الصافيه تعرف مشاكلهم تحلها لهم هذي عندهم بالدنيا كلها والله وخصوصا امك الغاليه وخطو كلمه اختي حبيبتي عنده وحدة من خواتك تسوى ملايين |
الله يخليك حق هلك ،،،
|
عليكم السلام ورحمة الله وبركاته
الكلمة والدعوات الطيبة تأثر على أي إنسان فما بالك بوالدتك وأخواتك المفروض تكون مشاعرك دائمة وصادقة لهم بغض النظر عن أمر زواجك لو تذكر أختك برسالة قصيرة فرحت فيها ودعت لك من قلبهـا ماله داعي تتكلف وتعمل شي مش من طبعك لأنك بالأول والأخير راح تعمله مره وخــلاص لذلك الأفضل إنك تبدأ بأشياء بسيطة وإهتمام بأبسط الأشياء معهم لكــن تستمر أفضل . |
وانا معاك لازم تعوضهم عن اللي فات
وانا مثلك صحيح اني انثى لكن لا يمنع اني احاول ابر في اهلي واسعدهم واللي يوصل رحمه الله يوصل في عمره بارك الله فيك لوصلك لاهلك |
اقتباس:
الله يجزاك خير اقتباس:
بصراحه المعامله هي الاول والاخير والكلمة الزينه خواتي اكبرهن 23 واضغرهن 9 اقتباس:
اقتباس:
انتم فهمتو كلمتي قبل الزواج بشكل خاطئ انا اقول قبل الزواج لاني بتخرج بعد 6 شهور وبيكون لي وقت فاضي كبير وابي اشغله معهم ولا قبل او بعد الزواج انا انا ماتغير ولا ينفع التصنع بس الضمير يبي شي يريحه وخاصه قبل ماتزوةج الحمد لله اختي اخذت امي وابوي واختي وحججتهم هذه السنه تصدقني لاحته الان عايشين بجو الفرحه بالحج ولاكن هذا مايمنع بان ناخذ عمره بالعطله بعدين هم عندهم القصيم بالدنيا كلها مايمر فرصه الا ودنا القصيم يحبونها فيه عطله يومين لاهل الرياض بسبب زيارة بوش يقلولي من الحين نبي القصيم قلت ابشرو طيب الشريقه يقلون لااااا الله يجزاك خير اختي على ردك والله يرزقك الزوج الي يملاء الدنيا عليك اقتباس:
اقتباس:
صدقني هذا مو تصنع واذا تصنعت ايش الافائده الله يعطيك العافيه اقتباس:
الله عطاكم عاطفه بصراحه تهز جبال الله لا يحرمك الجنه امين اخيراً انا لما اقول قبل الزواج لان اتطلع لاشياء قبل الزواج ولا هذا انا قبل او بعد الزواج لو تصنعت لا استفيد شي بالعكس بس الان الضمير شوي بعض المرات يتعب الله لايحرمكم الاجر |
بصراحه الله يسعد اهلك فيك يارب
انا اقولك انا عندي اخ اكبر مني بسنه وتصدق لو اقولك ان لوراح الجامعه بس البيت كله يشتاقله لانه يحبنا ويعبر عن حبه هذا لا بالهدايه ولابشيء تاني حبهم دلعهم البنات يحبو الدلع والمدح قلهم على اكلاتك اللي تحبها وخليهم يسوها لك اكثر من مره علشان بعدين يربطوها بك خلاص تعال فجأة عليهم قلهم قومو نخرج اعزمهم على العشا اي شيء امزح معاهم كثير أذيهم حتى يعني خليك عفوي شاركهم في اللي يشغلهم ساعدهم بدراستهم كلمهم على اللي شاغل انت بالك شاركهم بأرائك البس على ذوقهم كم يوم زعلهم وراضيهم اشتريلهم هديه بس هم يبغو او نفسهم فيها بختصار حبهم بدون حدود وبين حبك هذا وحاول كمان تكلم اخوك الصغير وتبين له ان رجال ولازم يخفف من عصبيتو لان هذولي بنات وكلام زي كذا صدقني حيحبوك ويفتقدوك كثييييييير الله يسعدكم ولايحرمكم من بعض يارب امين |
| الساعة الآن 08:11 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©