تعالوا(تذكرون موضوعي عن المطلق اللي خاطبني)
 

السلام عليكم
كيف حالكم
والله احس اني تعودت لازم اي شي جديد يصير لي لازم اجي هنا واكتبه وافضفض لاني ماتجرأ اني اقوله لاي احد

تذكرون موضوعي اللي كتبته عن المطلق عمره 32 سنه وعنده ولد وبنت خطبني
وسالنا عنه وطلع خوووووووووش انسان اخلاق وتدين وتربيه ورجل بمعنى الكلمه هذا طبعا على لسان الناس
كنت متردده وانا كتبت موضوع طلبت نصيحتكم
ومن بعد صولات وافكار رايحه وافكار جايه وتردد وافقت وقلت يمكن هذا حظي ونصيبي
ورحت وعملت فحص الزواج وطلع توافق
بعدين جابو الصور
بعدها حددنا النظره الشرعيه
وتخيلو قبل النظره الشرعيه يجي الاخ ويسحب الصوور وينسحب
بدون لا احم ولا دستور
ولا اعتذار ولا شي
حتى امه واهله ابد انسحاب بدون اي كلمه
صدق قلة ذوق
والله انصدمت وتشائمت
الحين انا كنت متردده ومتخوفه من الموضوع ولما وافقت يسوي كذا
والله ان الرجال ماينتآمن لهم قسما بالله
شافو البنات ياكثرهم قامو يتغلون ويشوفون حالهم
هذا التدين والاخلاق باانت هالحين
المشكله بدون اسباب واضحه ولا شي
حتى النظره الشرعيه مابعد سويناها
لو اقول بعد النظره الشرعيه اقول ممكن ماعجبته
لكن والله مافي سبب
عمري مانخطبت والان عمري 27 سنه وبدخل 28 ولما انخطبت انكسر بخاطري انه مطلق ورضيت ومع كذا يصير لي هالشي
استغفر الله
بس حسبي الله ونعم الوكيل
ومافوض امري الا لله وحده
والله يجازي كلمن يستغل البنات ويشوف حاله عليهم

يمكن خيرررررررره لج ماتدرين وين ربي كاتب نصيبج

وتاكدي مليون بالميه لو هو نصيبج كان خذتيه لو وقفت الدنيا كلها ضدج...

يمكن عندهم ظروف ويمكن يرجعون ويمكن مايرجعون....شيلي من بالج هالسالفه...وتذكري دائما بان القادم ان شاءالله أجمـــــــــــــــل

وكلي امرج لله وان شاءالله بتشووفين الخير جاي

وعسى ربي يوووفقج ويسعدج يارب

ما في شي يزعل يا أختي , أنت نفس الفكره يحق لك أن تتراجعي كما فعل

حكمك عل كل الرجال بأنه ليس لهم آمان..حكم جائر يا أختي وغفر الله لك وأعذرك بأنك مصدومة في تصرفه

أختي الكريمة ردي من شقين :

الأول : أن هذا قدرك ونصيبك ويجب أن تؤمني أن الله تعالى يختار لك الخير وعليك بالدعااااء فلاتدرين لعلك إذا أخذتي هذا الرجل تعيشين معه حياة بائسة

الثاني : الرجل وبصراحة أخطأ من شق واحد فقط وهو عدم إعتذارة وكلنا معك في هذاالكلام ولكن الأمر لايعدوا أن يكون إنسحاب بطريقة غير لائقة .. فلاتكبري القضية

ولعل الله إختار لك في سابق علمه ماهو أصلح لك فلاتستعجلي

اختي بقول لك حاجتين ورسخيهم في ذهنك اوكي .

اولاً / الملتزم او الدين مثل ماتقولين ليسوا سواسيه في الطباع ولاكن يغلب عليهم واكثرهم الخوف من الله والحياء من الناس وتصرفاتهم مندمجه بالتدين ولاكن ربما قابلتي شخصا يقال انه دين ولاكن من المحتمل وليس اكيد ان الدين عنده او الايمان منخفض ليس كغيرة.

ثانياً / اذا هو لا شافك ولاشي طيب الحمد لله وش يضليقك انتي اصلن واثقه من نفسك ليه تتذمرين هالكثر .




توكلي على الله وادعي ربك ازوج الصالح ويالله التوفيق .



اخوك / امير الشوق 808

تعررفي انا بقولك . .الف مبروك .. تعرفي ليش ؟؟

لانك طلبتي الخيره الطيبه من ربك .. وهو اختار لك الطيب .. بالعكس حبيبتي .. لو كان فيه خير ماصار اللي صار ..

الله يعوضك خير قولي امين

ممكن فيه سبب بس ما حب يجرحكم دام أنهم راح بدون أي كلام لا هو ولا اهلة

خصوصا أن عمرك كبير 28 سنة

الله يرزقك واحد احسن منه...يكون بذهابه خير لج