|
غيرة زوجي تعبتني
السلام عليكم ورحمة الله وبركاته
اعضاء المنتدى الكرام اتمنى اجد لديكم الاراء والحلول النيرة لمشكلتي .. الا وهي غيرة زوجي الشديدة علي وكل سنة تعدي وكل يوم الاحظها تزيد فيه اكثر واكثر لدرجة اني بدأت اصاب بإكتئاب بسبب هالغيرة الغير طبيعية لان الشيء اللي يسويه غريب كل زوج يحب زوجته في احسن حال الا زوجي يغير اذا شافني متزينة ويقلب البيت نكد يغير اذا لبست لبس جميل او مثير ( يقولي ليش ماتلبسي زي امي دراعات ) مع اني في عمر حفيداتها الكبار حتى محارمي يغير من سلامي وحديثي معهم وتصير الدنيا نكد .. اخواني صرت ماقدر اجلس معهم لانه مايخليني اجلس براحتي يحددلي الوقت ويكون بوجوده واذا رجعنا قلبها نكد انتي ليش تقولي كذا وليش تسوي كذا .. خرجات وطلعات انحرمت منها بسبب غيرته واذا طلعت معه مااستمتع لاني مراقبة في كل همسه ولا يجلسني في مكان مظلم مااقدر اشوف فيه اصابع يدي تعبت وقرفت من هذا الوضع وبدا وزني ينزل بصورة رهيبة وماصار لي نفس لشيء حتى عيالي مساكين ماصرت اهتم فيهم ولافي نفسي وصار هو مبسوط يقولي كذا شكلك حلو (( عشاني مبهذله مالي خلق البس ولا اتصلح )) على فكره زوجي ماكان كذا اول زواجنا كان طبيعي يفرح بشكلي واناقتي ويجلس يمدح فيني وكانت غيرته الطبيعيه اللي اي زوجه تحبها في زوجها لكن بدأ يتغير بعد ثاني سنة وانا الان لي ثمانية سنين متزوجة وعندي طفلين وصارت حالته اسوأ لان كل سنه تمر او كل شهر يعدي الاحظ ان حالته تزيد وانا بديت امرض واكتئب من كثر الممنوعات وكأني في سجن بدون قيود .. مره فكرت ازوجه عشان بس يخف عني وطرحت عليه هالفكرة عليه رفض وزعل صراحة بيني وبين نفسي فرحت لان كان هذا جوابه لكن انا ماني عارفه اتصرف وقلت يمكن هذا الحل لكنه قفله علي نهائي .. ياريت تساعدوني بحل يوازن حياتنا لاني بجد تعبت من هالغيرة |
جربي تعرضيه على دكتور نفسي
على كلامك عنده مرض الغيره و اقراي قران دائما عليكي و على بيتك و زوجك و عيالك تحياتي |
حلا الايام بالنسبة للطبيب النفسي هو يقولي روحي انتي تعالجي عنده انا مافيني الا العافية !!!
وانا مالومه على كلامه لاني بالفعل ايضاً احتاج لمعالجة نفسية بسبب الاكتئاب لاني صرت اكسر اي شيء يجيء في يدي في لحظات ضيقي . |
أختي يمكن سمع أشياء سببت له هذه الغيرة التي تقولين أنها زايدة
|
اختي كان الله في عونك
لكن هل انت متأكده انها غيرة و ليسة بداية شك ؟؟؟ لان غالبا يبدأ الامر بالغيرة و يتطور والعياذ بالله الى شك مرضي و اما الاكتئاب اللي تعشرين به جراء عيشتك فهذا طبيعي جدا ان تصاب به جراء هذه العيشة الغير طبيعية في بيئة مريضة واما انه رافض انه يتعالج ...فعادة المريض النفسي لا يشعر بنفسة استشيري طبيب نفسي باسرع وقت ولا تهملي اكتئابك حتى لا يتطور واذا عالجتي الاكتئاب عندك اختي ...ان شاء الله تستطيعين ان تساعدي زوجك و اقناعة بالعلاج والله ييسر امرك |
اقتباس:
مااعتقد لاني لا المس الشك في تصرفاته مدري بس هل كوني كنت مطلقة عند الزواج به يكون هذا سبب |
عفوا يمنع الكتابه بغير العربيه
|
اعانك المولى غالييتي
زوجك بحاجه للامان والاستقرار منك اولا اجعليه كل حياتك بالتلفون تحدثي عنه وعن حبك واسمعيه كلامك وان جلستي مع اخوانك اهتمي فيه هو ووجهي مجمل حديثك له ان خرجتوا امسكي يده وطوال الوقت كلميه وانظري اليه الى ان يطمئن لك وبالتدريج ستخف حالته هذه اسباب قد تغني عن الدكتور النفسي مع انه مهم |
السلام عليكم
اختي لا استطيع سوى ان ادعوا لك ان ربي يفرج همك وانصحك بملازمه الاستغفار والله ان الاستغفار سره عجيب يحول من حال لحال طمنينا عنك اختي دوما |
كان الله في عوتك وفرج كربتك
|
| الساعة الآن 12:04 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©