بعد اسبوع لكن ..!!
 

السلام عليكم

اخواني واخواتي

عندي احساس غريب ابي اعرف هل مريتوا فيه ولالا

انا الحمدلله عقد قراني بعد اسبوع من الان

لكن حاس بالخوف والرهبه واني مابي هالشي مع اني

من قبل كنت مقتنع بالزواج

لا ادري ليش فيني هالشعور احس اني بهد العزوبيه

هل هاي شعور عادي ولا شنو

افيدوني جزاكم الله خير

الله أكبر كبيرا والحمد لله كثيرا
أخي ........ الكريم
عادي ونص تدري بعض المرات أقول الشباب العزوبية مو كفو نعمة الزواج والا ايش لاقين في العزوبية ما حد يدري عنا متنا والا حيينا
تعشينا والا لا
ما غير مقابلين ........ اللي الواحد لو يشوف نفسه بالمنظرة يخاف
أخي أقدم ولا يهمك وبعدين راح تعرف معنى كلامي اذا ذقت الدلع والاهتمام
وفقك الله وجمعكما عل خير

تنبيه : الرجاء الابتعاد عن الالفاظ الغير اللائقة

بالتوفيق ان شاء الله .. لو تزوجت راح تحس بالفرق

كل الى تمرو فيه ابصم لك بالعشره مر فيه كل واحد يبي يتقدم للزواج
عمرك شفت احد قبل فتره الاختبارات مثلا مو خايف او مرتبك الوضع عادى اخوى وطبيعي جدا
وكل اموركم ان شاء الله بتمشي ومتيسره بأذن الله

لاكن نصيحتي لك هالفتره لاتفكر حاول انك تنشغل باى شي وخلى الوضع عادى يمكن يكون صعب عليك بس حاول قدر المستطاع
واذا حصل وفكرت فكر بأيجابيه فكر باللحظات الحلوه مع رفيقه دربك ولاتشغل نفسك بالسلبيات ماراح تفيدك الا بتزيدك قلق

تحياتى لك والف مبرووووووووك مقدما

سلام عليكم

جزاكم الله خير

بس ياجماعه مدري يجيني احساس يقول

خلك عزوبي احسن مرتاح تطلع وتروح وتيجي

ومافي عندك اي التزامات

استعيذ من الشيطان لكن مازال هالشي يراودني

الواحد يخاف من مسؤوليات وماديات الزواج والله ييسرها

ادعولي ياجماعة الخير تتيسر الامور

وتسلمون

الشيطان يتمنى أن الشباب عزوبيه حتى يتلاعب بهم في باب الشهوات

ابليس أقرب أعوانه إليه من يفرق بين الزوج و زوجته

إذا مشاعرك الآن لها مبرر واضح .... ابليس بيتضايق لو تزوجت و هو و أعوانه يحاولون يكرهونك بالموضوع

تعوذ من ابليس

موفقين