|
ليش ام زوجي ماتحب اهلي خصوصا امي
السلام عليكم اعزائي ام زوجي ماتحب اهلي ولاتحب ذكرهم واحس اذا بروح بيت اهلي وجها يتغير تخيلوا ماتواصلهم ولا تسال حتى لويصير فيهم شي حتى بالتلفون ماتتصل امي تنومت في المستشفى مسويه عملية غسيل ولا كلمتها ومن ولدت بو لدي الثاني عمره سنتين ونصف مادخلت بيت اهلي وتروح للي تبيه وتشتهي حتى بيت اهل زوجات اخوانها تروح لهم مادري غيره من اهلي لانهم كل سنه يسافرون واذا قلت لها اهلي بيسافرون تنقهر واسلوب كلامها يتغير وماتتصل تسلم عليهم وفرق بين امهات ازواج خواتي يسالون ويوجبون امي يمكن لان المسافه طويله بينا وبين بيت اهلي تقريبا نصف ساعه مع ان امي طيبه معاهم ولا عمرها تدخلت في شي وانا انحرج اذا قالت امي ام زوجش ماتسال مع انها ماتقول شي لحين مسكينه تعودت شلون اخلي ام زوجي تحب اهلي
|
يااختي القلوب جنود مجنده ماتقدري تجبري احد على حب احد
بس الي عليك انك تذكري عندها صفات اهلك الحسنه وحاولي تعزميهم مع بعض امك وام زوجك عندك في البيت كل بين فتره وفتره |
الله يهديها ويحببها في اهلك وفي امك بالذات الله يحفظها ويعينك
|
الله يهديها يارب
|
ارجوكم ابغى ارائكم
|
يا اختي اولا لا تنشغلي بهذا الامر
ثانيا كما قالت الاخت انك لن تجبري احد على حب احد ثالثا انت لست الاولى ولن تكوني الاخيرة التي تتلقى هذه المعاملة من ام زوجها هذا حال الدنيا ما عليك الا ان تذيها بالخير امام الناس وان لاتذكري مساوئها لان حتى لو كان بها عيوب وانت ذكرتيها امام الاخرين فهذه غيبة قال تعالى "وَلَا يَغْتَب بَّعْضُكُم بَعْضاً أَيُحِبُّ أَحَدُكُمْ أَن يَأْكُلَ لَحْمَ أَخِيهِ مَيْتاً فَكَرِهْتُمُوهُ وَاتَّقُوا اللَّهَ إِنَّ اللَّهَ تَوَّابٌ رَّحِيمٌ }الحجرات12 وادعي لها بالهداية انها تحب اهلك وتوددي لزوجك انه يتكلم معها ويكلمها عن طيب اهلك وانهم بيحبوها ودايما يسالوا عنها وايضا اهلك لا يعاملوها بالمثل لازم يثبتوا لها انهم الافضل من خلال الزيارات والكلام الطيب وادع لها عسى الله يحنن قلبها ويهديها |
يااختي الغالية اهم شيء ان امك طيبة ومايهمها هالتصرفات والاهم انك سعيدة في حياتك مع زوجك...
|
الله يهديها
|
اختي الكريمة
والله اعلم ان ام زوجك حساسة جدا لذلك لاتذكري امامها اي شئ عن اهلك (سفر , طلعه ...) او اي مناسبة لانها يبدو انها تجعل مقارنه بينها وبين امك ويعود ذلك لعدة عوامل منها مثلا قرب سنها من امك او لان امك احسن منها في بعض الاشياء . لذلك الحل بالتالي : 1- عدم ذكر امك ابدا امامها لابخير ولا غيره. 2- ان تذكرين لها ان امك تمدحها بصفة من صفاته الطيبة . (والنفس البشرية تحب الاطراء ) وبما انك تقولين ان امك طيبة فاكيد انها ذكرتها مرة بخير . 3- اعطائها هدية مثلا سجادة صلاة اوغيرها (ولا تكون غالية الثمن حتى لا تثير عندها علامات التعجب )وتذكرين انها من امك وتخبرين امك انك سوف تعطينها هديه باسم امك وبدون ذكر السبب لامك طبعا . الطبيب |
مثل ام زوووجي بالضبط
ماتواطن امي ولا اهلي بس مدري وش اسمي هالشعور غيره والا مرض نفسي ماااااااااااا ادري |
| الساعة الآن 03:18 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©