|
غلاء المهور ..... وافكار عقيمه وفوائد يقال انها فوائد / لعلك تجد ماغاب .. مهم
بسم الله الرحمن الرحيم
ربما يكون هذا الموضوع آخر هنا او هناك ربما .. بدون زعل من الشباب والفتيات ......... والدعوه صراحه مره منبهه يعزف اكثر الشباب حاليا عن الزواج .... وعند سؤاله عن السبب يقول غلاء المهور فيقول الاول من متوسطي الدخل لااقدر على دفع 50 الف ريال او مايعادلها بالعمله الخليجيه فان جمعت التكاليف وجدتها 50 الف مهر + 20 اقل تقدير منزل الزوجيه + 10 آالاف حفل سواء جماعي او عائلي على اقل تقدير ... وهل اضمن ان اجد واحده قنوعه ان دفعت هذا .. والثاني باستطاعتي الدفع وكل شي لكن انا رجل استثماري ولا اضع مالي الا بشي يستاهل بمواصفات ومقاييس .. فليس من المعقول ان يضع التاجر ماله في مشروع لا يربحه ولا يرتاح له ... أليس الزواج شراكه .. وآخر سيارته باكثر من 100 الف يقول راس مالي هذه السياره والناس تقول اني تاجر وانا ماخذها بالاقساط ماهو معقول ابيعها لاجل امرأه على الاقل ودي تكون عندي سيارتي وزوجتي << تعقدت منه وماني فاهم عليه ناتي للأباء والفتيات الاب والفتاة واحد الاسعار نار مولعه وماتكفي لازم فلوس كثيره ... طبعا انا ماني محرقتها كلها علشان يشوفني زوجي بابها حله ...وترى ماني رخيصه حالي حال الثانيين .. وهذا المجتمع . الاخر هي ليله في العمر لازم نستانس ونفرح . والاخر والله لو هي سياره والا جوال ماتأفف . والاخر لو ماهو كفؤ لايفكر بالزواج ..... فكيف راح يسفرها ويمشيها ويعشيها ويعيشها . هل السبب امور اقتصاديه ام مظاهر وترفيه هل يحتمل الشخص هذه الامور ويجعل مقياس المخاطره عنده 1% بحيث لا يخاف على نفسه ولا على اخلاقه وانحرافها ..؟ يقال ان كثرة المهر له فوائد كبيره بحيث يساعد .. او لنفترض انه يجبر على عدم الطلاق بين الزوجين ... بسبب الامور الماليه في المحاكم نرى مشاكل زوجيه عن الطلاق فتقول المرأه علقني ولم يطلقني فهو يطلب ان ارد له المهر الثمانين الف الذي دفعه لي فمن اين اجلب له هذا المبلغ ..؟ وهو يقول تعبت وانا اجمه بالمهر ولم اتمتع بالمراهقه مثل الشباب وفي الاخير تقول طلقني هو ليش انا فاتح جمعيه خيريه .. جيبيه واطلقك بالميه . ( بغض النظر عن المخطئ منهم ) في الاخير يقول ساري ما أبسط الزواج لو لا لكن دعواتكم بفك البلاء |
اقتباس:
ماأدري أنت تتكلم عن زواج ولا صفقة تجارية؟؟!! |
أخوي ... جزاك الله خير هذا أولا ... ثانيا ... والمختصر المفيد احنا ما نتشرط على المعرس بشي فما بالك بالمهر واو فشيله ومن هالكلام ... أقولك حاجة في بعض خطوباتنا نرد جزء من المهر كمساعدة لعريس الغفلة يعني ردا على كلامك وحسب فهمي اهلي يشترون الرجال الكفوء ... بس وينه ؟؟؟ يعني لا غلاء مهور ولا هم ... كل العلة في هالشباب اللي رافعين خشومهم على ..... وثانكس
|
اقتباس:
تكلمت عن اللي سمعت ياغلا ورايي بالكلام متشعب كثيرا |
اقتباس:
ياوقودي ساضرب لكي مثالا ضعي كلام الشباب في ناحيه ... وكلام الفتيات في ناحيه ثم قومي بعد ذلك بتوصيل سهم لكل ماهو مناسب ( والارزاق بيد الله طبعا ) فقط للذكي من الطرفين ... وفهم بعض الاسباب لتفاديها بس المشكله بالواقع فهل فلان او فلانه من النوعيه هذه ..؟ يمكن راح يعرف الشخص اذا بحث بخفيه وجس نبض ..! الكل ياوقودي يرمي التهمه على الآخر ويقول انت السبب . والشاطر من يصيد اذا قرأ زين ..... والسعي بالرزق مرغوب فليست النساء بافضل من خديجه رضي الله عنها وباقي الصحابيات . وليس الشباب بافضل من عمر رضي الله عنه عندما خطب لابنته عثمان ابن عفان رضي الله عنه اسال الله لكي الرزق من حيث لا تحتسبي |
السلام عليكم ورحمة الله وبركاته
صدقت اخي يساري هذا هو الواقع الكل يرمي العذر للطرف الآخر فقط لو علمت الفتاة ان الزواج ستر وليس مهر ولو عرف الرجل كيف يقدم ما هو اساسي على الثانوي لرفع البلاء اسأل ربي التيسير والتسهيل لكل من يرغب بالزواج والعفاف والستر لكل من تريد الزواج شكرا لك اخي يساري على هذا الطرح وفقك ربي لمرضاته |
والله صحيح كلامك...انا شخصيا اسمع من الناس(بدون تحديد) هي ليلة في العمر لازم تفرح فيها ، طيب يا جماعة الخير بدل الصرف في هاليلة ليش ما احط نص المبلغ في حساب زوجتي تستفيد منه او هالمبلغ انسافر في نستمتع بشهر العسل،اكيد الجواب لا وشو تقول الناس عنا زوجنا بنتنا بالرخيص..لاحظوا يا جماعه انا ما قلت ما بدفع انا اللي قلته ليش ما نستفيد من المبلغ مع اني لين اليوم مب عارف كيف ادبره. مع انه البنت موافقه معاي على كل شي.
|
اقتباس:
شكر لك يالعذبه على ابداء الراي بس اظن الحل صعب بسبب الامور الاقتصاديه الحاليه والقادمه وبسبب المباهات وفقك الله ويسر امر زواجك |
اقتباس:
الام لها دور فلا اعتقد انها ستضع لابنتها جزءا ولو بسيطا تحفظه لامور اخرى اذكر وحده من النساء تقول ياليتني مافرطت بمهر بنتي كله .... لو اني حافظه لها شي تلقينها لاقيته بزنقتها الحين .... كله علشان ليله حتى اللبس ضاق بعد الزواج وحذفته امور كثيره كلها تفريط وليست فرح اهم شي البركه والا الفرح فرحانه هي بدون زخاريش محدن درى عنها |
انا اقر واعترف ان مشكلة الزواج مشكله مشتركة من عدة اطراف كما ذكرت اخي ساري10 من الاب او الام والبنت والشاب والمجتمع ككل...ولكن ما الاحظه هو ان الشباب بدأوا يظهرون على الساحة من حيث المشاكل التي تعرقل الزواج..شي اخر من ناحة البنات تجد البنت تبحث وتفكر في الشاب الذي ينتمي الى عائله او قبيله معروفه ولا تكتفي باسمه الثلاثي وهذا كله ليقلن انا اخذت فلان بن فلان او الام تتفاخر بإبنتها التي تزوجها فلان بن فلان في حين فلان هذا قد يفتك بالبنت وتندم على هذا الزواج وهناك اشياء اخرى لا اريد التطرق اليها حتى لا اثير حزازيات وتتصيدها العقول المريضة في الختام اقول نسينا من ترضون دينه وخلقه واصبحنا نرضى بابن فلان الوسيم
|
| الساعة الآن 04:01 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©