كيف تصرفتي به .... ( تجاربكم )
 

كانت كلها 600 دولار :).. مبلغ رمزي لانه زوجي كان وقتها طالب و امكانياته على قده

المهم اعطيت نصها لامي.. و الباقي انصرف بالسوق :)

السلام عليكم ..

أعطيته لأمي لتجهز لي بما أنني أكره التسوق الكثير إلا للحاجة ....

وأذكر إنني ما رحت للسوق إلا يمكن 3_4 أيام بالكثير وتحت الضغط من أمي أو برغبتي ليوم واحد فقط والباقي أمي وزوجة خالي الله يخليهم لي ...

أم حمزة

كنت صغيرة جدا وقت ما تزوجت

فانبسطت بالمبلغ و صرفته على الملابس والذهب

على البركه والله يجعله سبب سعادتك ويجعلك سبب سعادته دنيا وآخره

اولا : تصدقي بجزء منه ليجعل الله في الزواج خير وبركه
ثانيا : لا تاخذين شي الا وانتي مقتنعه فيه تماما مو تقولين تغيير عن الاشياء الثانيه ومن هالكلام (بالنسبه للبس سواء للبيت او الطلعات) لانك ماراح تحبينه بعدين --> عن تجربه:(
ثالثا : قدمي هديه للوالد والوالده ولوالدي زوجك ويكون قبل زواجك وهدية لزوجك تكون في صباح اليوم التالي للزواج
رابعا : اذا انتي ماتطلعين مع زوجك وتتقضين لبيتك اذا لك سكن خاص او غرفتك اذا بتسكنين عند اهل زوجك.. اشتري بعض الاشياء الي تحطين بها لمساتك في مسكنك.. وتحطينها في الوقت الي تروحين فيه لبيتك عشان ترتبين اغراضك

( احنا عندنا العروس قبل زواجها باسبوع او الوقت الي يناسبها ووبعد ما جهز الزوج البيت تروح العروس معاها احد يساعدها امها اخواتها اي احد قريب منها خالتها بنت خالتها الي تحب وتروح ترتب اغراضها وهم يساعدونها بدون ما يصير فيه تكلف يعني ماتكون عزيمه بس تروح ترتب اغراضها وتطلع )

اسألي زوجك عن الالوان الي يحبها ونوعية اللبس (بناطيل ،تنانير قصيره، برمودات، شورتات) لان اهم شي في لبس البيت ولبس النوم هو راي زوجك فيه

اسأليه هل اهله او اقارب اهله كثيره عزايمهم او زواجاتهم

قبل لا تشترين ملابس حددي عدد الاشياء الي بتشترينها لكل نوع يعني

لبس السهره - لبس عزايم رسميه مثل تيورات او بدل رسميه - لبس عزايم بس مو مره تكونين متكلفه يعني بلوزه رسميه مع تنوره رسميه او بنطلون رسمي - لبس بسيط ومرتب بتروحين لاهلك مثلا او لاهل زوجك اذا كانت العلاقه بسيطه وغير متكلفه - جلابيات - لبس بيت(رسمي او بسيط وانيق) لبس النوم(ناعم وبسيط مثل القطنيات او رسمي مثل الشيفونات والساتانات) واللبس الداخلي

والعدد للبس الطلعات يختلف على حسب عاداتكم وعادات اهل زوجك

عاد ويبقى الشنط والجزم والمكياج والاكسسوارات احتياجاتك من الصيدلية

ولا تنسين تاخذين جزء من مهرك وتخلينه لك يعني ما تصرفييييييينه

واذا بشرتك تحتاج علاج روحي لمركز طبي كويس مو مهم مشهور او رخيص وانتبهي لا تخلين المشاغل يلعبون ببشرتك حتى لو كان المشغل كبير ومعروف يعطون نتائج مبهره لكم شهر وبعد كذا تطلع الهوايل

الشعر روحي لمركز طبي وكويس يسويلك تغذيه للشعر اذا يحتاج

والله يباركلك في مهرك ويباركلك في زواجك

عطيته لامي واشنرن لي بيه الذهب

اشتريت منه ذهب والباقي فستان الفرح وملابس وللاسف ماادخرت شى وندمانه